ساعدو رضيعتي

[أريج الهدى]

أرجوا مساعدتي إبنتي عندها 8أشهر عندها سعال وتعطس كثيرا الطبيب قالي حساسية وزيد تتعرق بزاف خصوصا في راسها هل هدا عادي أعطوني علاج

[hajibah]

السلام عليكم
نفس حالة ابني عنده حساسية مين كان في عمره 4اشهر لليوم جربت كل انواع العقاقرالبصل زيت الزيتون زيت الضرو العسل بصح حاله هو هو قالي الطبيب ميخرجش من الدار حتي يدور الحال ويروح البرد لا خاطر يقيسو البرد تعاودلو السعلة والخرخشة في صدره
المهم استحفظي على بنيتك ما دوشيهاش متخرجيهاش كي يكون الريح والبرد خرجي فراشها مرة على مرة للشمس
زيدي شوفي طبيب آخر ممكن يساعدكم
ابني فات على 2 اطبة عامين و3 مختصين حتى وين لقينا لي يفهم حالته
دركا راه مليح خير ملي فات مي لازم نستحفظه بيه
نتمنى نكون افدتك بتجربتي .تحياتي

[bahi65b]

أختي الفاضلة أريج الهدى
لا تستعملين لإ بنتك أي و صفة داخلية مازلت صغيرة
و الأطفال كلهم يصيرلهم هذا الأمور المهم

الوصفة
- برش حبة من البصل ثم عصرها باليد نحصل على سائل
نأخذ منه مقدار ملعقتين كبيرتين نضعهما في فلنجان و نضيف
اليهما ملعقتين أيضا من زيت الزيتون الحر و نمزجهما جيدا
ثم ندهن صدر الصغير و نتركه ينام .

- لإنسداد الأنف نأخذ قطعة بصل و نضعها تحت أنف الطفل و هو نايم و نتركها
ليستنشقها فهي تفتح المجاري التنفسية بإذن الله

- التعرق مدام مصاب بالزكام و السعال فمن الطبيعي أن يتعرض الى إرتفاع حرارة الحسم .
و لكن أحرسي على حرارة جسمها أن لا ترتفع فهي مؤذية

و الله يشفيها عاجلا و يعيشهالك

[إكليل]

ربي يشافيلك بنيتك و يعافيها

[أريج الهدى]

ربي يازيكم ويطول في أعماركم يارب

[أريج الهدى]

ربي يرزقكم الجنة وطول العمر على تفاعلكم معايا شكرا

[nesrine rahmani]

اختي الكرمية لا تقلقي على ابنتك لانها في مرحلة انبات الاسنان
وهذا من احد مسببات السعال ونوع من الحساسية ....و ستزول مع
إكمال انبات الاسنان
انصحك بعمل مساج بزيت الزيتون على صدرها .

[nesrine rahmani]

انصحك بهذه الوصفة
01 ملعقة صغيرة من حبة حلاوة (غير مطحونة يعني حب)
اغسليها جيدا + 01 كاس صغير ماء
تغلى ثم تبرد و تصفى
+ 02 حبيتين سكر نبات اي قندلي
وتشرب (مثل التيزانة)
ليلا

[فاتي تيارت]

ربي يشافيلك بنيتك