معلومات حول الإختبارات النفسية و الصحية التي ستجرى بمدرسة الشرطة بولاية المسيلة ل

snsn47 · 2016-03-21, 10:39

السلام عليكم و رحمة الله وبركاته
أرجو من الإخوان الأعزاء الإفادة بأي معلومات حول الإختبارات النفسية و الصحية التي ستجرى بمدرسة الشرطة بولاية المسيلة لكل من لديه معلومات أن يتفضل بها و خاصة المواقع التي من خلالها يتم التعرف أكثر على لعبة الديمينو والأشكال الناقصة
و بارك الله فيكم إخواني لمن يقدم أي مساعدة و بالتوفيق للجميع

محفوظ البسكري · 2016-03-21, 16:03

نحكيلك شوي على لمسيلة لاني فوت فيها الفحصين في 4 مارس

اول تفوتو على طبيب العينين يقيسلكم الطول + وزن+العينين كامل اغلبيتهم فوت 10/10
تروحو بعدها لطبيب الثاني تنحي ملابسك كامل تبقى الا بالشورت الداخلي تدخلو ب 5 او 7 توقفو لاحيط طلع يديك طلع رجليك
المهم يفحصك مليح يشوف فيك كاش ما كان عيوب هذا في اليوم الاول ومباعد يقولك روح يكاشيولك خلف الاستدعاء و يعطوك اليوم اللي تجي فيه تفوت الامتحان النفسي
بعد الفحص الطبي في اليوم الموالي اذا كنت من الولاية البعيدة جدا عن لمسيلة
في اليوم الثالث اذا كنت من بسكرة او الولايات المجاورة
اليوم الرابع اذا كنت من المسيلة او الجلفة او بوسعادة
ايا تدخولو للاقسام

يشرحلك كيفاه تقومو بالاجابة على كل امتحان

الامتحات الاول ساهل يعيطك سؤال مع 50 خيار ويقول مثال
عندما تطكون في حالة ضغط مذا تفعل
تشاهد التلفاز 1 2 3 4 5
وانت خير رقم من الارقام على حسب درجة اللي تقوم بيها
1 قليل وين ديرها
2 شوي شوي
3 احيانا 4 دايما
5 كثيرا
ومباعد يععطيكم ورقة اخرى اجابة صحيح او خطأ فيها 140 سؤال على ما اظن
وباعد يعطيكم امتحان اخر يشبهلو
ومباعد يعطيك اشكال متشابهة هذا ساهل جدا
ومباعد يعطيكم كراس فيه 50 شكل تقريبا معقدين صراحة قليل اللي يجيب 10 صحاح خخخخ
ومباعد دومينو خخخخخخخخ
يشرحلكم كيفاه تجاوبو راك تجيب شكل الاول و الثاني صحيح و مباعد تتلفك قااااااااااااااااااااااااااااااااااااااااااااااااا ااع
قالنا واحد ما جابو صحيح لحد الساعة
بالزهر تجيب 10 صحاح

وفي الاخير اختتما يعطيكم كتاب فيه 580 سؤال صحيح او خاطئ

شوف الا ماقبلكش طبيب الفحص الجسدي الثاني معناها مش رح تفوت البسيكو - اذا كتبلك انابات تقدر دير طعن
ولا احكي مع الشرطي اللي يشدلكم الفوج قولو يشوفلك مع طبيب راهم ناس ملاح بصح الاطباء خليها ربي

دير حسابك على لافونص راه ماتلقاش وين تبات

hhamza98 · 2016-03-21, 19:14

slm hada site pour test domino , nchallah bon courage allah ysahlkom w ywafa9kom
https://www.mon-qi.com/test-domino/test.php

" سرحات " · 2016-03-21, 22:42

ياجماع كيفاش الدومين الله يجازيكم
انا منعرفش نلعبه قع ؟
فيه لحساب ولا وشنواا
نعرف الشيطرنج

HakimG · 2016-03-21, 23:09

merci beaucoup

snsn47 · 2016-03-22, 00:00

باراك الله فيكم على الإجابة فقط استفسار
1- بالنسبة للدومينوا كم فيه من سؤال
2-ومباعد يعطيكم كراس فيه 50 شكل تقريبا معقدين ......هل ممكن مثال تطبيقي في النت عن هذه الأشكال ونمادج للأسئلة

snsn47 · 2016-03-22, 00:02

بالنسبة للمبيت واش درتوا ؟؟

محفوظ البسكري · 2016-03-22, 16:26

اقتباس:

المشاركة الأصلية كتبت بواسطة snsn47

بالنسبة للمبيت واش درتوا ؟؟

في المبيت رحنا لامن الولاية قولنالهم جينا نفوتو الكونكور قالونا اصبرو دوك ندبرولكم وين تباتو ايا شافولنا مرقد كان مغلق للصيانة فتحوه و بتنا فيه

snsn47 · 2016-03-22, 20:09

محفوظ البسكري

باراك الله فيك أخي على المعلومات جزاك الله كل خير