كرهت زوجي

[مشكلتي]

قد تستغربون ما اقول ..زوجي ..كنت سعيدة بحياتي معه ....لكني كرهته بسبب لا يعرف السياقة ...لا تقولون الموضوع غير مهم ...هوعنده رهاب من ركوب السيارة حتى لما نسافر مع احد اصدقائه .يبدا في الارتعاش ويقلونقص السرعة .والحادثة حدثت اكثر من عشرات المرات ...اصدقاؤه يبداو بالضحك عليه ....ويبداو يشوفو في المراه اي يشوفو فيا ....نحسهم يحتقرو وجودو.

[يونس معبدي]

الأولى ان تكرهي هؤلاء البشر
الذين لا يعرفون ان لكل شخص حياته
مجتمع سخيف

[medecin 1991]

الله يهديك يا الاخت
اتقي مولاك
و زوجك حطيه في عينيك

[صبرا13]

لا حول و لا قوة ال بالله، ربما زوجك يعاني من وسواس قهري، يعني هو لا يتعمد ان يفعل هذا، لنفر ض غدا غِبت عن الوعي فاكتشف زوجك أن لديك مرض ما، ثم يأتي هنا ليكتب انه كرهكي ما رأيك؟؟
قالو ناس زمان حلو و مر لنيمضي العمر، ام هنا فكأنك تريدين الا الحلو، إتق الله يا اختي.
أمّا أصدقاؤه الذين ينظرون إليك ازدراء لزوجك، فإن صّح قولك فقد قال رسول الله صلى الله عليه وسلم قال: "ملعون من خبب امرأة على زوجها أو عبداً على سيده) يعني أفسدها على زوجها. نعوذ بالله من اللعن.

[..بسمة أمل ..]

السلام عليكم

بالنسبة ليا هذا ماهوش مشكل

انتي تكبري فيه و خلاص

حاولي تتقربي من زوجك وحاولي

تنحيلو هذاك الخوف لي راه

عايشو شوية شوية حتى يبدى

يتفهم الوضع

ربي يدوم محبتكم

[مناد بوفلجة]

تلك حالة نفسية يمكن علاجها

هناك من يعاني رهاب الأماكن المغلقة

و هناك من يعاني رهاب المرتفعات

و زوجك يعني من رهاب السيارة و هي تسرع

يمكنه زيارة مختص نفسي ليتلقى العلاج

[fella111]

بدل ما توقفي معاه و تعالجيه كرهتيه شوفي للي عندهم مشاكل حقيقية مع ازواجهم اصلا كان عليك شتم من ضحك على شخص مريض خاصة انه زوجك بدل ان تخجلي به للاسف انت مخيبة للمراة

[أمل94]

لاحول ولا قوة الا بالله عوض ان تقومي بمساندته والتخفيف عنه تكتبين مشكله بانك كرهتيه ....

[الطيب الجزائري34]

هي حالة من الفوبيا و هو مرض و يعالج عند الاخصائي النفساني . يمكن كان له حادث في صغره جعله يخاف ركوب السيارة .

[AMINA.Z]

و علاه تروحو مع صحابو اصلا
من المفروض من اول مرة صرا هاذ الموقف
خلاص
زوجك اكيد عندو رهاب ...و اكيد عندو قصة في الماضي
تعلمي السياقة و اشترو سيارة و هكذا تبقى بينك بين زوجك و تتهناو من الاحراج و سخرية من من يسمون اصدقاء.

[ام رضوان]

السلام عليكم
ربي يهديك يااختي
اناكي قريت العنوان حطيتها حاجة كبيرة ولا خيانة الخ
لقيتها حاجة تافهة
بلحق اللي تساندي زوجك وتحاولي تنحي عليه رجعتي تكرهييه ثاني
وزيد علاه تشوفي في لمرايا تاع السيارة هذا الشيء عيب
واش نقولك هذا شيطان دخل راسك وحاب يخربلك حياتك وانتي راكي اتبعي فيه وذرك تشوفي وين يوصلك
سبب كرهك لزوجك سبب تافه
ربي يهديييييييك

[faty05]

و الله ما حقكش تكرهيه علا جال سياقة
تبالي نهار كي خطبك كان علابالك ما يسوقش
يا اختي ما فيها والو ديري انتي رخصة السياقة و سوقي بيه
وعلاه تركبو اصلا مع اصحابو هوما علابالهم يخاف و يديرولو السرعة يخي صحاب يخي
اختي ماهيش حاجة يتعاب عليها الراجل اذا فيه علاج يعالج و خلاص
الله يصلح اموركم

[اياد حياتي]

والله ما صبت واش نقولك طليق تاع نسا

[kamilyo10]

لا حول و لا قوة ال بالله يعني حاجة كيما هادي تكرهي زوجك يعني اذا كان لديه مشاكل ترفدي حوايجك او تروحي

[لمسة ابداع]

هههههه ساهلة ماهلة ديري لبارمي و خلاص