مضايقة

[مشكلتي]

السلام عليكم

يوجد شخص يسكن بحيينا يدخل شؤونه في العائلة ليست مرة او اثين بل زاد عن حده بحث افتعل مشاكل بيننا في البيت بالقيل و القال تخيوآ مثلا يأتيني و يخبرني و يقول لي اخوك رأيته كدا و كدا و في الحقيقة هو يلفق الامور و يريد الدخول بيننا كاخوة كما نقولوا بالعامية ازف مرة اجيني مرة اجي لخويا و هكدا و العجيب حتى لو الخبر تافه لست أدري هل هدا مرض أم تخريب للبيوت مقصود
اريد حل جزاكم الله خيرا هل لي الحق بالشكاية به لدى مصالح الامن بالتدخل في الشؤون العائلية حتى يكف عن الكلام معنا لان اخي توعد بضربه ادا ما صادفه لا حقا و اريد التدخل قانونيا حتى ادا قدر الله و حدث شجار نكون قد حمينا انفسنا قانونيا
ارجو اصحاب الخبرة بالتدخل بارك الله فيكم فوالله سئمنا

[mrmilano1984]

ياو علاه تفهمو غر بالضرب برك علابالك يضرب يباسي يشكي بيه تولي في الشرطة والحباس وووو وتعرفي الحبس بلاك يضرب عام او 6 اشهر ويخرج ويولي الدوسيي تاعو موسخ مش الحل تماما الضرب درو كما القور طورو استعملو القوانين والعقل وليس العنف او الضرب مايجيب والو نعم ضركم صح لكن حلو بعقلانية

[نسيم الريح ش]

روحولو قاع مع بعضكم وقولو بالسياسة انكم راكم فايقين بيه بلي كداب و يخطيكم ولا الهراوة واحد كيما هكا يخاف ويبطل

[غزلانْ]

و عليكم السلام

عنْونْتِ الموضوع
ب"المتضايقة"
اذن أنتِ "فتاة"
فكيف يأتي شخص و جار حتى ل"فتاة" و يُنقَلْ لها تصرف "أخوها" هل هذا طبيعي؟

و ان أتى شخص لشخص آخر و "افترى عليه"
و كل ما نُقِلَ من كلام كله وهم و افتراء
هنااااا
أنتم كعائلة تصدقون كل ما قيل
في حقكم
الأمر لا يستدعي شكاية
أصلا فبكلمة من " العائلة"
توقفه عند حدّه

بالتوفيق لكِ

[زبدة ذايبة]

مع احترامي ليك يا اخي

ماتزعفش مني

حرت كيفاش واحد من خارج العائلة يفتن بين الإخوة من نفس العائلة ؟؟؟؟؟

قريت موضوعك شحال من مرة وكذبت

قلت ممكن دارلكم المشاكل مع الجيران

لكن المشكل في داخل الدار غريب والله

مارانيش قادرة نتصور حجم النميمة اللي يدرها هذا الشخص

لكن اللي حيرني هو

كيفاش تصدقوا كي يجي يهدرلكم على خاوتكم ؟؟؟؟؟؟؟؟

اسمحلي

المشكلة موجودة في بيتك وليس في هذا الشخص

عندكم القابلية للتصديق

عندكم قابلية للتشكيك في بعضكم بعض

نتمنى أني فهمت موضوعك بشكل صحيح وإلا صححلي

غريب

كيفاش يجي واحد من خارج العائلة يخربلكم بيتكم ؟؟؟؟؟؟

لوكان قريب من العائلة لو قلت الأقارب ممكن يتسببوا في مشاكل وفي فتن في البيوت بحكم القرابة

لكن شخص غريب يعمل مشكل وكأنه قريب ؟؟؟؟؟

على كل حال

إذا كان الأشياء اللي فهمتها من كتابتك كانت غير واضحة فهذا أنني لم أستطع أن أفهم هذه الحالة

وإذا كان مافهمته صحيح

فيا أخي راجع علاقاتكم في داخل الأسرة لأن المشكل داخلي وليس خارجي

[نورسين.داية]

القصة غير منطقية

كيفاش إنسان خارج العائلة و يعلم جميع اطراف العائلة أنه فتان ويصقونه ......؟؟؟ القصة ناقصة .....غير منطقية

[أنور]

المرة القادمة كي يجي يهدر معاك ، متاعطيلوش الفرصة ، يعني متخليهش يهدر معاك ، واخوك نفس الشيء ، انا لو كان جيت انا راني ماساكريتو الله غالب مانشدش في روحي ، مي ماكالاه العنف

[لمسة ابداع]

السلام عليكم اخي او اختي الفاضل *ة*
اولا هدا انسان نمام و فتان
مافهمتش كيفاه يعرف الاسرار تاع داركم وانتوما كيفاه تسمحو لواحد براني يدخل في اموركم العائلية
وكيفاه يجي يحكي في خوك مثلا بالشر و تسمعلو
كون كل واحد فيكم حبسو عند حدو من النهار الاول
كون ماكبارتش القصة
عاودو راجعو حسباتكم نتوما
وربي يهدينا اجمعين