اهانتني ولم احرك ساكنا

[مشكلتي]

صباح الخير عندي مشكلة عقدتني في روحي منطولش عليكم ونقلكم عليها تتمثل في عجوزتي الله يهديها مرة خرجت نقضي مع بنتها وشريت شوية اعشاب للتجميل لا اكثر وكي رجعنا بقات شاكة بلي راهم سحور وكل ما نتحرك في المنزل الا ومعي مرافق يتبعني وانا ماعلاباليش نهائيا حتى مرة نظفتلها بيتها وهي مكاش وكي سمعت بنتي صغبرة تبكي رحت نشوفها لقيت قدامي بلغتها حاشاكم لبستها ورحت كي رجعت نكمل التنظيف لقيت عجوزتي مشنفة علبا وقاتلي علاه لبستيلي البلغة! كاين ربي بينك وبين مولاك يتولاك!!ما فهمت والو وما رديتش عليها وغاضنيوالحال وبكيت من بعد قلت معليش ياك انا مش هك حتى نبكي ورجعتلها عادي وكملت شغلي نورمال وراحت الايام وكلش فات عادي حتى مرة شافتني نحرق في الكواغط والصليح حاشاكم بقات طالعة هابطة وتشوف منبعد بعثتلي بنتها قاتلها قوليلها هلاه راكي تحرقي ! قتلها ياك ما فيها والو راحت بنتها وقاتلها حتى زعفت وجاتني قاتلي اسمعي يا الخداعة تخدعي فينا قتلها لالا انتي يما وانا بنتك راني غير نحرق ما امنتنيش ويقات تبكي وتدعي عليا وتعاود زعما نبوسلها فب راسها بصح هي بقات فب رايها وقلبتلي النار ودارت فيها الما ما قتلها حتى كلمة وهدا الشي اثر عليا بزأف بكيت وبكيت حتى نشفو عينيا ومن هديك الحادثة منقدرش نشوفها وباقية في بيتي وخلاص وكي قالها راجلي انا قتلها ديري النار عادي حتى ندمت قاتلو قلها تسمحلي انا حاليا طالبت راجلي بمنزل مستقل باه نريح وهي ثان تريح ما تبقى تعسني ما والو لاني حسيت انها اهانت كرامتي لكان جيتو فب بلاصتي واش الديرو بكل صراحة لاني علابالي بلي راني عاقلة ونعز المسنين واعطوني رايكم ونصائحكم القيمة وانتقاداتكم البناءة لاني مليت مليت مش نحوس على دعوة خير منها بقدر نبعد على المشاكل وخلاص

[نورسين.داية]

السلام عليكم


و لكن لا تنسي أن تتذكري شروط زوجك أول العقد ماذا كانت .............بطبيعة الحال هي السكن مع العائلة .....يعني لا تأتي اليوم بتوجه آخر ....و أنتي تعلمين من البداية أن الحياة مع العائلة فيها و عليها .................هذه حتمية لا مفر منها ....الحياة اليومية إلا ويظهر فيها إختلافات .....

بالنسبة للمشكل ذادام الأم إعترفت بخطئها ............هنا أصبح المشكل كأنه غير موجود ......إلا إذا كانت هناك مشاكل أخرى لم تدكريها جعلت الحياة مع العائلة أمر مستحيل

أختي في نظري بسطي الأمور ....و فكري أن علاقة زوجك مع علائلته أمر حتمي ماعليك إلا التكيف و التغاضي ...

وفقكي الله أختي

[طيور الجنان]

ربي يكون معاك اختي و يفرج عليك اااامييييين

[nan719]

و علاش الصليح يحرقوه الناس !! وين راهي نظافة الهواء و وين راهي الحفاظ على البيئة !! ما تعرفو واحد عنده حساسية ما تعرفو واحد يختنق ! الله يهدينا

[غزلانْ]

المشاركة الأصلية كتبت بواسطة مشكلتي

قاتلو "قلها تسمحلي" انا حاليا طالبت راجلي بمنزل مستقلخير منها بقدر نبعد على المشاكل وخلاص

لم تعد هناك اهانة أصلا
اعتدرت و سامحتك

لكن مشكلتك هي الانفراد " ببيت مستقل "


بالتوفيق لكِ

[sarah rose]

السلام عليكم
اختي اولا ربي يكون في عونك ....ثانيا من خلال حديثك على عجوزتك تبان ناس ملاح يعني ما ظلماتكش فقط صرى سوء تفاهم و فهمت بللي راكي حابة تسحريها بمعنى ماشي من غير شيء خرجتلك للعيب ثالثا و هذا المهم انها اعتذرت لما فهمها الزوج تاعك يعني ديما ديما فيها الخير لوكان جات ناوية الشر راهي تشبثت برايها و قالت ربي واحد هي اللى تجي تعتذر و الخ ......
تبانلي اقبلي الصلح و فهميها بللي الاعشاب راهم للتجميل فقط وفوتيهالها اذا عادت هذا اول خلاف بيناتكم
و الله تعالى اعلى و اعلم

[AMINA.Z]

!!!!!!!!!!!!!!!!!!!!
واش حكايتهم النسا في هاذ البلاد !!!!!!!!!
اللي ماش حابة كنة لاه تزوج ولدها
لا حولو لا قوة الا بالله

[عين الصقر]

انتي ثاني تشري الأعشاب وتحرقي الصليح؟!! أعمال تبانلك عادية بالنسبة ليك لكن بالنسبة للآخرين فيها الشبهة
رانا في وقت صعيب والناس يخافو من السحر والشعوذة خصوصا اذا كنتي عروسة جديدة
اذا كانت علاقتك بها قبل هذا الحادثة جيدة فساعفي واسكتي , هي مهما كان راهي كبيرة ماديريش عليها
وراجلك اذا ماهوش قادر يدير دار وحدو ماتسيفيش عليه
بالتوفيق

[امل ضائع]

كل ما اقوله لك سيدتي ....

العفو عند المقدرة...

[وليد1990]

نقترح عليك تديري جلسة حوار معاها وتحكيلها القصة من الاساس وكيف انك قمتي بتصرفات هي عادية ولكن هي فاهتها بالعكس واحكيلها كيما حكيتيلنا درك
هدا مكان وهي راح تفهم قولياه انا شريت الاعشاب للتجميل وهاني نستعمل فيهم وراني ندير فيهم كل يوم ووريلها الااثار وزيدي شهدي عليها بنتها يخي راحت معاك اما حكاية النار قوليلها راني كنت نحرق فيهم عادي خطر في دارنا نحرقوا الصليح وحكاية النعل ثاني قوليلها ملقيتش وش نلبس يخي مش اول مرة نلبس النعل تاعك قبل هاذي الحادثة يعني باختصار وضحيلها الامور ببساطة
خذي معاها الامور ببساطة وبضحك وقوليلها بلي هذه الامور صح تدير الوسواس ووجيبي معاها ضحكات واكذبي عليها واحكيلها قصة من خيالك وقوليلها انا تاني ذاك العام صرالي وسواس هذا مكان واضحكي معاها رايح تنسى وتسهى

[الاءنهال]

انت درتي الشبهات لروحك بالطبع تشك فيك وزيد سامحتك تسمى علاه ما تسامحيهاش ويلا درتيها غاية في نفس يعقوب الله يسهل بالباراكة البيت المنفرد الحقيقة مرة

[thorpe]

هههههه نتي ثاني يا الاخت درتي حركات مشبوهة
لمهم ربي يهديها وتفهم بلي نيتك طيبة

[اياد حياتي]

والله بانتلي بلي عجوزتك طيبة حسب ما حكيتي خصوصا انها طلبت السماح راهي منعدمة في هذا الوقت اذا كان اول خلاف علاه متسامحيهاش ولا انتي سبة وسبتيها باه تخرجي الله اعلم موفقة

[(( هبة الرحمن ))]

عزيزتي فلتحدث بمنطق ، ونربط الأحداث حسب تسلسلها :
عجوزك معذورة لأن تصرفاتك كلها توحي بوجود شيء غي طبيعي ...
1)اشتريت أعشاب ، 2) لبست بلغتها 3 ) حرقت أوساخ....كل ذلك يتشابه إلى حدّ ما مع طقوس الشعوذة ( انتبهي أنا الأن أفكّر بعقلية امرأة بعمر عجوزك ) يعني اعذريها ، كبيرة ، ذاك فهمها .....
هي طلبت منك السماح ، وذاك يشفع لها ، ألا يكفيك أن تطلب منك أمّ زوجك العفو ؟؟ والله يوجد عجوز تفعل بك العجائب وتظلم أمام ابنها ولا تعترف بذبها ......
كبري عقلك ، ونساي ،،، الأمر عادي جدا ،، كلّ عائلة وفيها ما فيها ..

[أم أسامة 07]

الله يهدي ماخلق