ماكنة الخياطة

بريق الدجى · 2016-02-09, 17:36

السلام عليكم و رحمة الله و بركاته

الى كل النشطات في هذا القسم و كل من تعرف لماكنات الخياطة
فانا مبتدئة مريت بظروف صعبة و عندي فراغ حبيت نتعلم الخياطة
من فضلكن دلوني على ماركة مليحة تخيط و تطرز و سعرها معقول و سبق قريت مواضيع عن الماكنات لكن لم استوعب شيء و لم افهم المصطلحات المذكورة سورجي و سيرفلاج و ماكنات صناعية و غيرها
و شكرا لكن

ريحاانة · 2016-02-09, 22:17

وعليكم السلام اختي في الحقيقة انا ايضا لا اعرف كثيرا لكن ابداي بمشينة مثل سانجر او بروذر حتى تتعلمي مليح وبشوية بشوية تتعرفي على انواعها وما تفعله
وان شاء الله البقية يفيدوكي

بريق الدجى · 2016-02-14, 10:13

شكرا لك اختي على الرد و بارك الله فيك

raghado · 2016-02-28, 18:49

اختي ننصحك بجيمسي روعة وتخيط وتوفر الوقت وتعيش

شهرزاد أم التوأم · 2016-02-28, 22:49

سلام اختي انت باين مبتدئة في الخياطة لذلك اشري ماكينة منزلية ولامارك تكون سانجار او تويوتا
اما الماكينة الصناعية هي لي يستعملوها في الاتوليي عادتا لانهم يخدمو الكمية
والسورجي او السيفيلاج هو هذيك لخياطة المتقاطعةلي تجي في الحافة تاع اللباس من داخل لي نشروه جاهز وعندو ماكينة خاصة بيه هي ماكينة السرفلة او السيرجوتوز ويوجد منها صغيرة لي هي منزلية وتاني الصناعية تاع المشاغل
وباش تبداي الخياطة لازم تتعلمي رسم الباترون الاساسي لي راح تخدمي بيه اي موديل تحبي

وفاء الياسمين · 2016-02-29, 06:36

السلام عليكم

أختي ربي يعينك و يوفقك باش تتعلمي و تحققي هدفك

في رأيي وعن تجربة ، أشري سانجر بيدال بالرجل يعني بسيطة و تتعلمي بيها و سعرها في المتناول
تقدري تلقايها قديمة حتى 3000 دج

بعد ما تشوفي روحك وليتي متمرسة و مشات يدك اشري وحدة بالكهرباء و هناك عدة ماركات على حساب دراهمك

و احسنهم بروذر و سانجر

arwa alaa · 2016-02-29, 07:57

اختي انا تان مبتدئة وغير كيما شريت ماشينة شريت وحدة تويوتا والله ساهلة باش تريقليها وراني نددش بيها كيما قالت الاخت وفاء انتي والميزانية نتاعك كي تروحي تشري هي الي تحدد نوع الماشينة

بريق الدجى · 2016-03-05, 09:04

نعم أنا مبتدئة بارك الله فيكم اخواتي أثلجتن صدري بردودكن سآخدها بعين الإعتبار
ربي يجازيكم و يهنيكم

raghado · 2016-03-05, 10:27

كاين سوبر زقزاق تخيط ودير الزقزاق اي سورفلاج راهي مليحة ومش غالية بين 9000 و11000 دج جديدة