خطيبي يكذب عليا

[مشكلتي]

السلام عليكم
الموضوع ال العنوان باين
مشكلة كذب
خطيبي يا خاوتي يكذب بصفة غريبة و مع انو كذبو ما يضر ختى واحد بصح و الله حرت فيه
في كلش يكذب و نفيق بيه و ما نقلوش حتى ليغلط بالحقيقة وحدو ديما نتجنب نحشمو في الموضوع هدا حتى انو وعدنى ما يعاودهاش لكــــــــــــــــــــــــــــــــــــــــــــــــ ـــــــــــــــــــن يعاودها و يكذب و حتى في امور تافهة باه يرضيني برك و نفيق ليه و نقولوا و لا حياة لمن تنادي
تخيلو مرة قررت ننفصل عليه و كان عندو شوي مشاكل مع الوالدة تاعوا علابالكم قلي بلي يماه توفاة و عيشني في تمثيلية كبيرة هدا كامل باه ما نخليهش و ووو ........
و الله تعبت معاه انا و الله ما نكذب عليه في حاجة و نقولو غير الصراحة باسكو متاكدة يجي نهار و يفيق و هو

تعبت معاه و من الكذب تاعو و تعبت من الصبر عليه و الله وش ندير و كيفاه نتصرف معاه
هو يحبني بصح يكذب عليا بزاااف و المشكل ديما علابالي بالكذبة و نفيق بيها
انصحوني و قولولي و علاه يدير كيما هك

[يونس معبدي]

وعليكم السلام ورحمة الله

اعتقد ان خطيبك تنقصه الرزانة
واغلب الظن انه من الجيل الجديد ..يعني صغير
والا كيف يتصرف بهاته الطريقة ويصل به الامر لان يقول ان امه قد توفيت
انت خطيبته والمفروض يكون هناك تعامل جاد
ثم ان الكذب حرام

ربي يعاونك

[لامْية]

يااختي هذا مشي راه يكذب ؟؟؟باش توصل بيه الدرجة يقولك يما توفاة!!!اسمحيلي.اختي صارحيه قوليلو نكره الانسان لي يكذب ....قوليلو انا ننخلع بزاف كي نسمع كاش خبر نفشل ويصرالي كذاوكذا ....وقوليلو ذيك الخطرا كي قتلي يما توفاة خلعتني بزاف.وقريب انصدمت.وراكي تعرفي كفاش تكذبي عليه .هكا بلاك لي يخاف عليه وميزيدش يكذب.ولا عالاقل يحبس مالخلايع تاعو سلام

[الرميصاءْ]

يكذب لهذ الدرجة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!
ربي يهديه

[AMINA.Z]

خممي مليح يا الاخت
الكذب يمشي في دمو
هذا قتل امو !!!!!!!

[ام رضوان]

السلام عليكم
اختي الكذب مرض ويحتاج الى العلاج
خطيبك ماعندوش الثقة في نفسو
وقاعد يكذب باه يرضيك وكون مايتعالجش راح يجي نهار وين تتفارقو لا قدر الله
الحل هو تحاولي تقنعيه يروح لطبيب نفسي
يارب يشفيه ويهديه.امين

[younes29]

غريبة هده الدنيا .............. خطيبك و لاتعريفين ان توفاة امه ام لا ؟؟؟؟؟؟؟؟؟؟؟؟

[غزلانْ]

السلام عليكم
قمّة الكذب اليوم أمه توفيت
و غدا بعد ارتباطك به
يذهب لامرأة أخرى و يوهمها بموتك
ليرتبط بها بعد عمر طويل
و تبقي أنت و تقبلك لكدبه

لا اقتباس

[mina1333]

السلام عليكم و رحمة الله و بركاته
أختي فكري جيدا في المواصلة معه. فهذا الشخص وضع أمه تحت الثرى ليرضيك ولاتدري ما هو مخترعه بعد زمن

[أمل94]

ختي انا مفهمتش يلا راه من نيتو ولا يزعق..ضرك يلا راه يزعق ويتمهبل قوليلو خلينا من هذ العقلية وحاولي تقطعيهالو .ويلا راه سيريو فالكذب تاعو هذا راه كارثة بلاك يكون مريض يحتاج معالجة هذا رأيي والله اعلم. لااقتباس

[bello angel]

كون جيت انا نبعث والديا يروحو يعزوهم
و كي يقولولهم واش كاين يقولولهم راه ولدكم قال امو ماتت
خخخ كم اكره الرجل الكداب
طيشي عليك

[متعلم انجليزي]

السلام عليكم
.وراكي تعرفي كفاش تكذبي عليه
===============================
عجبا لكم ،تنهون عن خلق وتنصحون بمثله
ليس علاج الكذب بالكذب وانما بالصدق وهناك احاديث نبوية تنهى عن هذا الخلق ربما لو اطلع عليها اتعظ
او تأخذون موقف من هاته المشكلة فيكون رادعا له ،وادعي له بالهداية ،بما انك تعرفين متى يكذب ،فهو ممثل فاشل وهنا تقل خطورة المشكلة ،فلو كان بارع ستعيشين في دوامة من الشك وتتزعزع الثقة بينكما وهي اساس كل زواج
اسال الله ان يهديه ويوفقكما لما يحبه ويرضاه


==========================
"لا اقتباس"من اجل الابتعاد عن النقاشات العقيمة او التهرب من الحوار او احترام حرية الراي او التعصب ،افهموها كما شئتم
==========================

[مواطنة]

اختي راكي في فترة الخطوبة و عرفتي طباعو ةاسوء صفة فيه
ادا انت صادقة و تتحراي الصدق ابتعدي افضل منه و اسألي الله ان يبدلك خيرا منه لانو الحب وحده لايكفي ليرضي شخصيتك
الاخلاق مهمة جدا و غدوة ان شاء الله ادا كملتي معاه ولادكم يقدرو يكتسبو طبع الكدب و لي يكدب يدير حاجات بزاف
اليوم يكدب باش يرضيك و نهار يديك يمكن يولي في وجهك يغلط و ماتقدريش تواجهيه

[نور الفجر02]

وكي قلك يماه ماتت الم تذهبي لامك تخبريها باش تروح تعزي........غريب جدا...........رب يكون معاك الحل هو المواجهة واجهيه بكذبو وحشميه

[الماسة البراقة]

لازم تواجهيه بالامر