السلام عليكم هذه الكلمات رثاء الوالد الله يرحمو 03-11-2009
يا تمحاني جرح الكية زاد عليا--- واتمحمح قلبي من كثر اجراحو
قيم الحرقة زاد بسحابو قطاني--- اقطع عني ذوك لمراسم راحو
احرم عني النوم و اهجر عينيا--- مقواهم على طول دهري ما ناحو
اسماطت كل طيبة في الدنيا--- واهزمني فراق الوالدين اللي راحو
يا تهواسي و الحرقة جات مع البكرة **** و الخداعة من بين لدين اداتو
انحس بقلبي قيوان على جمرة **** اتمحمح معصور بين اصفقاتو
ياوخذي كيفاش نعمل ذالعصرة **** صهدو دخلاني خرج زفراتو
يا خوتي لامن يفسر ذالنظرة **** ولا منام صعيب واعر شوفاتو
بقيت نشوف و نعاود فالخزرة **** مكذب في شوفتو جاهل مماتو
و اضياقت بيا الدنيا ذالمرة **** و تأكدت خلاص ذا وقت فراقاتو
وقت فراقك يا بوي لحظة مرة **** و اظلامت عنا الدنيا و اخفاتو
واش يصبرني في هاذ الخطرة **** واش ينسي ذالخيال و شوفاتو
اتعريت وراح برنوس السترة **** مقواني كيفاش ننسى صيفاتو
ادرق عنا زين الخيال مع الطولة **** و المبسم مصموت قاع بضحكاتو
وينك ياذيك السمايم و الخزرة **** اقبرناهم قاع في اللحود اخفاتو
اتمسى سيدي هلال مع قمرة **** في ساعة مرة المرسم اخلاتو
حازن قلبي و الدموع على الشفرة **** و محماح الكبدة كثرو كياتو
هاهي دونك حالتي عالي القدرة **** اطفي ذالمشعال برد حرقاتو
ماجاتنا بالمال نفدو يا حصرة **** ماجاتني بجهاد نصعد عقباتو
ماجاتني بعلوم و قد مانقرا **** ولا فاد الجاه و انلم اجماعاتو
الدنيا من فراقك رجعت مرة **** و اسماطت أيامها بلا قعداتو
يا بويا راني نتفقد فالجرة **** و نتنهد لمراسمك و ارفقاتو
يا حصراه عليك يا زين النعرة **** يا عمار افجوج بطعام و مرقاتو
شهدت لك عروش في ذيك الدشرة **** مولى خصلة باينة بالخير املاتو
انتايا معروف فالتل و الصحرا **** يا مول الميعاد محلا سهراتو
( تقرير عن مشاركة سيئة )، و الموجودة أسفل كل مشاركة .
2016-02-26, 12:03
رثاء الوالد رحمه الله *بقلمي*
العرض الشجري