حلوى مجربة للعيد

مليكة الجزائرية · 2009-09-10, 10:04

قلوب الجلجلان بالشكولا

المقادير

العجينة.

250غ زبدة طرية

250غ سكر ناعم

100غ جلجلان محمص غير مطحون

1بيضة

1 كيس فانيلا

نصف كيس خميرة حلوى

فرينة حسب الحاجة
الكريمة .

100غ زبدة طرية

50غ سكر ناعم

ملعقة كبيرة بودرة كاكاو

50غ لوز مطحون( اختياري)

التحضير.

ناخذ الزبدة والسكر نخلطهم بواسطة الضراب الكهربائي

حتى يتجانس الخليط ويصبح كريمة بيضاء ثم نضيف البيضة

ونخلط بعدها نضيف الجلجلان والفانيلا ثم الخميرة ونضيف الفرينة

شيئا فشيئا حتى نحصل على عجينة لينة نبسط العجينة بسمك نصف

سم ثم نقطع قلوب ونرصها في صينية وندخلها للفرن 15د على نار

متوسطة بعدها نخرج القلوب ونتركها تبرد تماما ونحضر الكريمة

نضرب جميع مقادير الكريمة بالضراب الكهربائي حتى تتجانس و

تصبح كريمة خفيفة بعدها نلصق كل قلبين بواسطة هذه الكريمة

ثم نذوب شكولا سوداء مع القليل من الزبدة والقليل من الحليب

فوق حمام مريم ثم نضع القلوب في الشكولا ثم نبشر شكولا

سوداء بواسطة سكين تقشير البطاطا ونضع مبشور الشكولا فوق

القلوب ونتركها تجف

بالصحة والعافية

مكتوب بقلمي

جولنار1000 · 2009-09-10, 13:03

تعيشي حبيبتي تبدو منيحة ان شاء الله نحضرها في العيد انا تاني نعطيك recette ان شاء الله تعجبك هو قاطو مايطيبش وساهل
المفادير
كيلو عسل -250 غ زبدة -علبة حليب لحظة -رطل كاوكاو مقلي ومرحي-2 علب كاكاو- 2 قاطو بيمو مرحي
التزيين: 3 علب شيكولا -مغرف زبدة
التحضير
1:نخلط الكاوكاو المقلي ومرحي+القاطو المرحي+الكاكاو المغربل نخلط جيدا +اللحظة غبرة
2:نذوب الزبدة والعسل بعدما يبردو نضيف المفادير الجافة ونخلط حتى نتحصل على عجينة اذا كان شايحة نبلها بماء الزهر نخبزها في بلاطو نخليها مدة في الثلاجة باش تتماسك نذوب الشيكولا ونصبها عليها بعدما تجف نقصها ان شاء الله يعجبك اذا تحبي نزيدلك les recette وكامل مجربين وصلحولي

نوال السطايفية · 2009-09-10, 17:00

يعطيكم العافية

الماسة الزرقاء · 2009-09-10, 17:38

السلام عليكم ورحمة الله و بركاته

safia22 · 2009-09-10, 22:10

البني ون ، ما يطيبش مممممممممممممممممممممممممم

عرش المعرفة · 2009-09-10, 22:21

توتة اميرة · 2009-09-11, 15:16

مليكة الجزائرية · 2009-09-11, 15:50

اقتباس:

المشاركة الأصلية كتبت بواسطة جولنار1000

تعيشي حبيبتي تبدو منيحة ان شاء الله نحضرها في العيد انا تاني نعطيك recette ان شاء الله تعجبك هو قاطو مايطيبش وساهل
المفادير
كيلو عسل -250 غ زبدة -علبة حليب لحظة -رطل كاوكاو مقلي ومرحي-2 علب كاكاو- 2 قاطو بيمو مرحي
التزيين: 3 علب شيكولا -مغرف زبدة
التحضير
1:نخلط الكاوكاو المقلي ومرحي+القاطو المرحي+الكاكاو المغربل نخلط جيدا +اللحظة غبرة
2:نذوب الزبدة والعسل بعدما يبردو نضيف المفادير الجافة ونخلط حتى نتحصل على عجينة اذا كان شايحة نبلها بماء الزهر نخبزها في بلاطو نخليها مدة في الثلاجة باش تتماسك نذوب الشيكولا ونصبها عليها بعدما تجف نقصها ان شاء الله يعجبك اذا تحبي نزيدلك les recette وكامل مجربين وصلحولي

شكرا اختي على الوصفة اذا كان عندك المزيد اعطيني خصوصا ان كنت مجربتهم
ممكن برك تقوليلي منطقتك باش لما ندير وصفاتك نكون نعرف تاع اي منطقة وشكرا مسبقا
انتضرك

مليكة الجزائرية · 2009-09-11, 15:51

شكــــــــــــرا لمرور الجميع

achraf07 · 2009-09-12, 08:49

الف شكر على الوصفة

**soumia** · 2009-09-12, 08:59

يعطيك الف عافيه بارك الله فيك

جولنار1000 · 2009-09-12, 11:13

اقتباس:

المشاركة الأصلية كتبت بواسطة مليكة الجزائرية

شكرا اختي على الوصفة اذا كان عندك المزيد اعطيني خصوصا ان كنت مجربتهم
ممكن برك تقوليلي منطقتك باش لما ندير وصفاتك نكون نعرف تاع اي منطقة وشكرا مسبقا
انتضرك

صباح النور
بلا مزية اختي ان شاء الله نزيد نمدلك وتاكدي راني كامل مجربتهم و انا راني شاوية من الاوراس
بقلاوة الترك
العجين:
كيلو فرينة نوعية جيدة <سيم>
رفعة ملح
2 خميرة
فاني
400غ زبدة ذائبة
كاس حليب
6 ملاعق صغيرة سكر عادي
2 بيضات
رطل معجون +كمية من ماء ازهر ربع كاس نخلط بالباطور حتى يندمج مالازمش يكون جاري
الحشو
كيلو كاوكاو مقلي ومرحي
250غ سكر
قرفة نبل بماء الزهرشوي برك (كيما حشو البقلاوة)نقسمه على 3 اجزاء
التحضير
نخلط الفرينة+الملح+الخميرة
البيض+السكر+االفاني+الزبدة الذائبة+خليط الفرينة ثم نبل بالحليب حتى نتحصل على عجينة اذا كانت يابسة ممكن نضيف الحليب حتى نتحصل على عجينة كيما البقلاوة لكن مانعجنهاش نقسمها على 4 كويرات نخليها ترتاح مدة ساعة
نحل الكويرة الاولى في البلاطو(بلاطو خبزة حجمه النصف من البلاطو الكبير) يكون طبعا مدهون نضعها فيه نثقبها نضع عليها 1/3 كمية المعجون ندهنها كامل ثم نضع عليها 1/3 كمية الحشو نعاود نحل العجينة الثانية ونفس الطريقة في الاخير طبعا تكون عجينة. ماتنسايش تثقبي كل مرة دخلية للكوشة يطيب بعدما يبرد تفرغي عليه شيكولا ذائبة وتزينه بالشيكولا البيضاء بوضع خطوط ونقشها بواسطة السكين (شكل الميلفاي) بعدما تشيح الشيكولا تقصيه حسب الرغبة نتمنى يعجبك راني نشرحلك بالتفصيل اذا مافهمتيش حاجة قوليلي وراني ننتظر في الجديد منك حابة des recettes يكونو جدد ساهلين ومجربين تعيشي حبيبتي وشكرا

عالية سوسن · 2009-09-12, 21:50

شكرا لك اعجبتني

nariman1 · 2009-09-13, 14:59

تاج الكرامة · 2009-09-13, 15:04

بارك الله فيك ........تحيـــــاتي