ورشة الكول لمة لحباب .......لabir chemss.....

crono · 2013-11-10, 09:49

اهلا و سهلا باخواتي و حبيباتي في الله نورتوا ورشتي ورشة لمة لحباب..
الورشة مبسطة وحتى المبتدئات ممكن يشاركوا معانا...
أردت أن أقوم بهذه المبادرة لتسهيل البحث على الروابط فدعوة خير منكم تكفيني
بإسم الله:
الورشة الاولي لي هاد الشهر
ورشة مفرش لمة لحباب ........لsakura be...
https://www.djelfa.info/vb/showthread.php?t=1445785

حبيباتي برنامج ورشتنا سيكون كالاتي ...
..
اولا سنقوم سنقوم بانجاز الكول الشتوي بسيط و سهل جدا كبدايه

الاختabir chemssجزاها الله

ثم سنقوم بعمل الكول ليخترتوه لي أخت أوتار*

و مادا بيا نرجعو النشاط للقسم و نتمتعوا بابداعاتن

الاكثر من رائعة

و اكيد كل وحدة فيكم سواء كانت متزوجة او لا ستكون سعيدة جدا بهذا العمل الفني لاننا بطبعنا

جميلات و نحب الجمال

و طبعا روح التنافس و شكون لي تخلص الاولى؟" رايحة تمد حلاوة للعمل الصعيب نوعا ما لانو يحتاج وقت

و لكن حاجة ما تصعب عليكن يا لحراير

الهمه و الشطارة

و مادا بيكم كل وحده توري موديلها و كل مرة تصور وين وصلت باه نزيدو الحماس

قائمه المشتركات

30المشتركات في ورشة لمة لحباب..
hanaasiham
abassia81
وليد مولودية
مروةنزيهة
أوتار*
sakura be
نهال13
ضفاف الإبداع
souma.sousou
fatoum25
iris blanche
Djihad Elkassem
souheila dz
ماريا205
moon20
جنان26
fatom socio
ورد قسنطينة
houdehoud
ღأسمــ☺ــاءღ
أم آلاء الصغيرة
amani32
janino
kahramana
سعاد...
titi119
nadia7
أم الشافعي
aya2007
أم عبد الرحيم1
scorpionoir

[COLOR="Red"][SIZE="6"]مستلزمات الورشة

2 كبب صوف او
يتعمل بأي خيط خاطر كل وحد واش حاب تخدم بيه راه ما يحكمش الوقت خاصة ان درتوه بالصوف
الصوف راه تطلع فيساع و ما يهزش بزاف
الكول هذا راه لكل القياسات للكبار والصغار

يا الله ورولي شطارتكم حبوباتيتييييييييييييييييييييييييييييييييي
تحياتي الحارة لكن:mh31 :

crono · 2013-11-10, 09:51

شرح من عند أختي abir chemss
صباح الخير عليكم يا البنات ان شاء الله تكونو بخير ولمتنا دايمة على طول .......اليوم راني جبتلكم الشتاء يجري وراني خممت في مودال ساهل لازم نخمو في المبتدئات حتى تزيد النفحة تاع الكروشي
وكما تعودنا دائما الاخت crono هي المشرفة انتاعنا والمشكورة على تعبها مالا اعدلو رواحكم و حمرولي وجهي قدامها بتطبيقاتكم
المهم راني راح نشرحهولكم بالشرح الممل حتى تكرهو
بسم الله الرحمان الرحيم
اول شيئ هذا المودال الرسمي

هذا المودال تقدري ديريه بأي خيط و في أي مقاسات
هذا العمل انتاعي

اللوازم
شوفو لازمكم 2 كبات صوف و كروشي 3.5 هذا اللي خدمت بيهم ...............انتم خيرو الصوف انتاعكم و الكروشي و جربو قبل خاطر كاين الصوف اللي تجي خدمتها واقفة و مش حنينة ...........نجاح الكول في اختيار الصوف

درك راكم خيرتو الماتريال هيا نبداو
هذا الكول يتعمل على جزئين
الجزء الاول
هنا هو سر الكول شوفو كل وحدة تقيس طول رقبتها و وين حاب يجيها
إضغط هنا لرؤية الصورة بحجمها الطبيعي.

1- ديري سلسلة تاع 18 +2 هذا قياسي انتي ديري سلسلة على قد القياس اللي قستيه

2- خلي 2 سلسلة و ابداي في ال3 ديري 12 حشو و 6 عمود و ان زيدتي في السلسلة اقسميهم بين الحشو و الاعمدة

3- دوري الخدمة ديري 2 سلسلة و اعكسي 6 عمود + 12 حشو و هكذا حتي تتحصلي على العرض على قد رقبتك

هنا رانا فضينا الجزء الأول …..نبداو في الجزء الثاني و اللي عندنا الباترون انتاعو
اللي حاب تبع الباترون مش مشكل و اللي تبع الشرح هيا نبداو درجة درجة

يتبع..............

الجزء الثاني
نبداو بسم الله الرحمان الرحيم
1- اخدمي درك بالعرض يعني عمريهم بالأعمدة ديري 1 عمود +2 عمود في السلسلة و هكى حتى تفضي

2- ابداي بـسلسلة تاع 5 احسبي 3 اعمدة و في 4. 5 . 6 ديري في كل وحد عمود ثم سلسلة تاع 2 و عاودي الخدمة حتي تفضي بـ1 عمود وكي تفضي احسبي الفراغات لازم العدد يكون فردي

3- سلسلة تاع 3 امبعد في السلسلة تاع 2 تاع التور اللي قبل ديري غرزة حشو +2 سلسلة .......في السلسلة الجاية ديري صدفة (3ع +2س+3ع) و عاودي الخدمة و في الاخير فضي بعمود

4- ديري 2 سلسلة درك ديري في غرزة الحشو (1ع+1س+1ع) + 2 سلسلة وفي وسط الصدفة ديري 7 عمود و كملي و فضي بعمود

5- 4 سلسلة ثم 1 عمود في وسط العمودين و ديري فوق 7 اعمدة ( 1ع +1س) 7 مرات .و عاودي الكرة حتى فضي بعمود.

4 سلسلة ثم داخل 1 سلسلة ديري 3عمود مع بيكو + 1 سلسلة و عاودي حتى تكمل الصدفة الكبيرة و هكا كملي مع كل صدفة

البيكو هو عبارة عن سلسلة تاع 3 و تغلقي في السلسلة الاولي

وبذلك نكونو كملنا العمل انتاعنا......... تروحي للرقبة و اديري القفالة انا نديرهم سلسلة تاع 4 نخلي فراغ تاع زوج و اندير 3 حشو و هكذا
https://www7.0zz0.com/2013/11/10/21/429733264.jpg
بالتوفيق للجميع

janino · 2013-11-10, 09:54

صباح الخير كرونو و كل الاخوات مبروك افتتاح الورشة رانى فرحانة بزاف ستكون و رشة هايلة مع لحباب و روح التنافس رايحة تعطى بنة للعمل من حسن حظى عندى الصوف فى البيت تحياتى يا لحباب.

ملكةزوجي · 2013-11-10, 09:58

مبروك علينا افتحتاح الورشة راني متحمسة باش نبداو الى الملتقى

abir chemss · 2013-11-10, 10:04

صباح الخير عليكم يا بنات ............ان شاء الله كلكم بخير .............شكرا اختي crono سوف احط كل المراحل وقت ما تفتح الورشة سجيو الصوف و الكروشي هكى باش اديروه و تسرحو بكري راهي حالة شتا درك

أم الشافعي · 2013-11-10, 10:12

و عليكم السلام و رحمة الله و بركاته

جزاك الله اخيتي كرونو و جميع الاخوات

بورك في مجهوداتكن الطيبة و جعلها في موازين حسناتكن ان شاء الله

سعيدة جدا بانضمامي للمة الاحباب

هذه اول مرة اشارك في ورشة

و لكن كنت متتبعة وفية لكل الورشات تقريبا و نفذت العديد منها

فانا من عاشقات الكروشي و اشغل نفسي به في وقت الفراغ او مشاهدة التلفاز

وحتى في السيارة لا يسلم مني

موفقات جميعا باذن المولى

fatoum25 · 2013-11-10, 10:17

شكرا لاضافتي لهده الورشة انشاء الله نفيدو و نستفادو

sakura be · 2013-11-10, 10:33

السلام عليكم .
قريت اسم الورشة اللي رح تنطلق وتحسرت على حالي مازالني روطار قلت ندخل ندير شوي حس على البنات ....اوووو لقيت الاخت كرونو مسجلتني مع المشتركات ...امممممممممم.... خممت شوي ...ورحت نحوس على كاشي صوف في الدار باه نخدموا معاكم بلاما تفيق بيا ماما لانو عاقبتني ههههه ماتزيد تشريلي حاجة حتى نخلص الخدمة اللي بديتها وماكملتها لليوم ....الصوف اللي عندي قليلة ماتكفينيش لواحد كبير بالاك نخدم واحد صغير لبنت اختي .....طولت عليكم .........
اختي كرونو ديريلنا جوائز ورح تشوفي الحماس هههههه

fatoum25 · 2013-11-10, 10:34

من فضلك يا أختي قوليلي وكتاه نبداو الورشة راني متحمسة و عندي عرس حابة نخدمو باه نروح بيه

hanaasiham · 2013-11-10, 11:08

السلام عليكم
مبروك علينا الورشة راني فرحانة ومتحمسة و واجدة باش نبدا وانشاء الله ربي يوفقنا

crono · 2013-11-10, 12:03

شرح من عند أختي abir chemss
في صفحة 1

أوتار* · 2013-11-10, 12:32

السلام عليكم
فرحت لإفتاح الورشة ومافرحتش لأني خلصت العطلة تاعي ورجعت نخدم
الوقت عندي ضيق
ان شاء الله نقدر نتبع معاكم ونطبق

scorpionoir · 2013-11-10, 13:02

سلااااااااااام عندي مدة وانا ننخمم نخدمو وراني لقيتكم درتولو ورشة
يعطيكم الصحة .مانيش من المشتركات بصح كي نخدمو نحطو

أم أولادي* · 2013-11-10, 13:08

انا عندي كتون بارلي نقدر نخدم بيه

titi119 · 2013-11-10, 13:17

مساء الخير عليكم
مبروك افتتاح الورشة انا نخدم بكتون برلي صوف نخاف يشكني نعشي ملي نلبسو وانا نحك ههههههههه