فيدوني عاجل بوصفة بطاطا بيري ..ناجحة بارla puréeك الله فيكم

[manita]

السلام عليكم البنات تعيشوا الى موالفة دير بطاطا بيري وتجيها مليحة تعطيهالي انا نديرها ما تجينيش مليحة تجيني شايحة.....بارك الله فيكم

[فايزة1207]

كنت حابة ندير موضوع عليها وضرك نفيدك اختي انا ثاني كانت تجيني شايحة ومافيها حتى بنة
قشري البطاطا وكل حبة اقسميها على 2ولا4لا غير باه ماتتفتتش حطيها في كوكوط زيدي الدجاج نتاعك ملح فلفل اكحل شوية زيت نص مغرفة صغيرة راس الحانوت وغطيها بالماء وخليها طيب
نحي البطاطا ارحيها والصوص زيديلها طماطم مصبرة حتى تعقد والدجاج قليه
البطاطا زيديلها حليب وشوية زبدة ولا واش تحبي البطاطا تجي بنينة تتكل حتى بلا لاصوص
ان شاء الله تعجبك اختي

[manita]

يعطيك الصحة اختي وكي نديرها وحدها بالمرقاز مثلا........

[Omrihem]

شوفي اختي اذا حبيتي تجيك خفيفة اخدميها بالباتور واذا تحبيها شوي جارية وكلي تتلاصق ديريها برا ميكسور انا نفضل الاولي تجي veloutée اما الطريقة هي انك تقشريها وتطيبيها مليح ومن بعد حطيلها الحليب وشوي لحظة تمدلها طعم مليح وطرف زبدة وشوي فرماج راح يجيك طعم رايع وزيد الحليب حسب ما تبغيها جربي ورديلي الخبر

[nina015]

ديرها كيما لا مايونيز .
تفوري البطاطا و لا تطيبها في ألماء تصفيها مليح مليح
طيها في ألميكصور ّ+فرمأج+حليب خلطي شوية .زيدي فنجإن زيت زيتون على شكل خيط دون توقف المكسور .
جي بنينة بزاف

[manita]

بارك الله فيكم تعيشوا

[فراشات العمر]

يا هختي انا نقشر الباطاطا ونقطعها مربعات ونطيبها في ما اقل منها بشوية لما تطيب نلقا الما مكاش نشف نحكم الباتور ونرحيها بيه والله تجي روعو القوام نتعها مع حليب سخون وفرماج وزبدة
والصوص كاين البيضا وكاين الحمرا انا نفضل البيضا خير تجي بنينة