الكابويا 3 وصفات من مطبخي

[sirina_angel]

السلام عليكم
واش راكم لبنات لاباس ؟؟؟
من مدة حطيتلكم الحوت قلت اخي يموت على مختلف انواع الاسماك
و اليوم نقولكم بابا يموت على كل انواع الخضضضضضضضضضضضضضضضضضضضضر

ايه مالا لقا الكابويا جابلنا 2 كابويات كبااااااااااااااااااااااااااااااار

مالا قلت علاه نبقاو في التقليدي خلينا نجددو شوي و تاني الكل ما يحبهاش غير بابا طبعا يعني ممكن اذا بدلنا يحبوها

المهم نبداو



شوربة الكابويا



2 حبات بطاطا متوسطة
حبة كبيرة بصل

تقسميهم طراف ...ماش شرط تحرقي عينيك بالبصلة قسميهم رباع ....المهم قليهم مليييييح
و من بعد ضيفي الكابويا مكعبات و ضيفي مكعب ماجي مرق دجاج و ادا عندك مرقا فاضلة من ماكلة اخرى حطيها
حطي مص ثوم مفروم حطي زنجبيل مفروم او مجفف قطع
حطي ملح و توابل
خليهم يتقلاو كاااامل مع بعض
و من بعد مرقي قد ما تتغطى الكابوية و الخضر برك
علابالكم الكابويا تزرب طيب
بعد 10 او 15 دقيقة ارحيها و ضيفيلها كوب كريمة سائلة و فرماج حسب الرغبة....... و ادا حبيتي تخفي طعم الكابويا ضيفي بزاف فرمااااج و اذا حبيتي زيديلها عصرة قارس من فوق
الكابوية حلوة على هادي تحتاج ملح بزاااف مي نتوما ذوقو

و الله غير كاااااااااااااااااااااااااااااامل كلاوها و عجبتهههههههههههههههههههم راكم علابالكم بعائلتي العجيبة لي ما يعجبها والو ...
انا قدمت معاها خبز محمص ...........هي طريقة للاستفادة من الخبز الصاااابح تاني كااااااامل حبوه مع الشربة

ايا اتفضلو للالصور










































الكبة ..........كبة الكابويا


انا صراحة شفتها في برنامج عروستنا في فتافيت

المهم انت تشوي كابويا في الفرن ....فوق سينية مغلفة بالامنيوم و ممسوحة بالزيت
و ترنخي فريك و لا برغل ......انا بالنسبة ليا نستعمل الفريك مكان البرغل و كل واحدة باه راهي تعوض البرغل
المهم و تضيفي دبشة مقطعة و شوية فرينة و بصلة مفرومة و توابل و ملح
ممكن تزيدي اضافات اخرى من عندك

من بعد تخلطيها مليح و دخليها الكونجيلاتور حوالي ربع ساعة
و تدهني المول بالزيت و تحطي في القاع شرائح بصل و فوقو تصبي الخليط تاع الكابويا
و تدخليها الفرن على نار خفيفة حتى تنشف و تتحمل حوالي نص ساعة او اكثر
لكن من الاحسن تحطو روز بدل الفريك و كيما قلتلكم الملح لانو اذا جات مسوس يطغى عليها الحلوة تاع الكابويا

و هاي ليكم الصور





















فلان الكابوية



تقطعي كابويا ....تضيفيلها شوية زبدة و سكر حسب الرغبة و نخليها حتى تطييييييييييب مليح
و من بعد ترحيها
و تضيفي عليها عصير ....اي نوع تحبيه .....من الافضل ما تكثريش باه يجي الفلون عاااقد
و تضيفي فلان فانيلا ....انا حطيت نص ساشي
و ترجعيهم لنار يسخنو شوي
و من بعد اذا حبيتي ارحيهم كامل في الميكسور و صبيهم في اكواب السيليكون و الى الثلاااااااااااااجة
انا عملت طرونشات تاع الكابويا كاراميليزي للتزيين و مرة زينت بالكيرم شانتي
و سقيتو بمربة مخفف

اديوها من عندي ....ديروه و لي يقولكم واشنو هادا ما تقولوش ولا قولو تفاح ...كيما خويا قالي هادا تفاح ؟؟؟
و الله غير جربتها ما قلتلهمش و الله غير كلاااااااااااااااااوه و لي نقولو كابويا ما يذوقش جربوه و ما تقلووووووووووووش حتى يكملو و قولولهم و الله يستعرفو بيكم كيما انا ههههههههه و حتى لولاد مساكن ياكلو و ما يفيقوش

و اليكم الصور

























نتمنى تكون الرحلة عجبتكم
صراحة كانت خططي كثر من هكا بزااااااااااااااااااااااااااااااااااااف كنت حابة نديرلكم مهرجان الكاااااااابويا
لكن للاسف مرضت و ما قدرت ندير وااااالو و ضرك فقت لقيت العيد و صل و انا لازم نوجد حوايجي و بعد العيد يبدا الجد و نمشي نقرا
المهم بالاك كاش ما نزيد نخلط مع العيد هادا

في انتظار ارائكم حبوباتي