ساعدوني

[مشكلتي]

السلام عليكم
بإختصار انا في اواخر العشرينات لا اولاد لا خزوج لا خطبة لا فاتحة لا كلمة وااااالوا بيد ربي و الحمد لله
خدامة و دراهمي في جيبي و الحمد لله صباح وعشية ملغري نخدم خدمة اقل من =دديبلومي معليش رانا في الجزائر
اللي مهبلني ومقلقني روحي حابة نحكمها نمدلها طريحة نحشم نحشم نحشم بزاف تعدي قدامي دبانة نحشم منها
يحكي معايا اي بشر حتى امي نولي كي البهلولة نحمار كي الطماطم وتروحلي الهدرة ملغري عندي كتابات و خواطر اللي يقراهم يكذب لكان تاعي وكاين وحايد نشرتهم في اشهر المنتديات لي شوفني يقول هدي بلبل وانا في الصح عقونة ......في لمات ولا توانيسات الغاشي كل يبلبل وانا نخزر كي البيبي اللي راحتلو امو
يا حي على عمري ياحي يقولولي ويعايروني يااااااااااااااه وجهك حمار يااااااااااه طماطم يااااااه معقدة و انا اللي في راسي قليل اللي يفهملو ندال نقرا و ننصح في الناس وانا عمري مقدرتلهاش

واش ندير
وسؤال للذكور بما انني في عمر تاع استقرار الحشامة معندهاش قسمة في الزواج الله غالب وجهي يحمار واش نديرلو نصبغو مثلا؟؟؟؟ او مجرد سؤال بحسن نية

عاونوني باه نحي الحشمة هادي تاع دبديب