استفسار يخص التعويض عن مصاريف العطلة السنوية les frais de congé

ليلى الجزائرية1 · 2016-01-21, 18:37

السلام عليكم
حبيت نستفسر على قضية صرات لي فالادارة اللي نخدم فيها وتعطوني رايكم
انا موظفة تنصبت في شهر مارس 2014
وفالادارة اللي نخدم فيها ماعوضونيش عن مصاريف العطلة السنوية الخاصة بموظفي مناطق الجنوب...بحجة انه اولا الميزانية ماتسمحش ثانيا تحججو لي بانه ملفي ترفض من عند المراقب المالي بحجة انه مازال ماعنديش عامين من تاريخ التنصيب...وانا لما سقسيت عند المراقب المالي قالولي الملف نتاعك ماترفضش لكنه تسحب من ادارتك على اساس انه فيه خطأ لازم يتصحح وماشي على اساس حكاية العامين.
وفالادارة نتاعي قالولي من سابع المستحيلات باه نعوضولك لانه اصلا الرصيد نتاع التعويض عن مصاريف العطل السنوية مايكفيش.
وانا حبيت نريكلامي على حقي على خاطر كاين ناس ماعندهمش الحق فالتعويض وعوضولهم وانا اللي عندي الحق لعبولي اللعبة هاذي
وياريت لو تعطيوني النصوص القانونية الجاري العمل بها في هذا الخصوص.
وشكرا مسبقا