شطيطحة بالسلق من مطبخي

[*وردة الشرق*]

سلام الله عليكم

اخواتي بما انو في وقت السلق والامهات او الزوجات يحبو دائما ينوعو في الوصفات اليوم جبتلكم هده الوصفة هي في الحقيقة وصفة ايطالية منقهة على الطريقة الجزائرية اسميتها شطيطحة لانها تشبه الشطيطحة اللي نطيبوها احنا نبداو على بركت الله


المقادير : لحم او دجاج او لحم مرحي المتوفر عندك في المنزل راهي تتناسب مع كل نوع -سلق -بصل -توم -دبشة -ملح -فلفل اسود -فلفل عكري حلو او حار على دوقك -بيض -طماطم حب او مصبرة اللي تفظليه

التحضير : في الاول قلي البصل مع التوم واللحم والطماطم والتوابل امرقي لكن ليس كتيرا اتركي اللحم يطيب وغسلي السلق جيدا هنا نحتاجو فقط الاوراق قطعيهم بهدا الشكل





بعدما يطيب الرق انزعي اللحم واضيفي اوراق السلق للبرمة وغطي وخليه يطيب ممكن تحطيه ايضا في الكوكوت مش رايح يطول 15دقيقة فقط

بعدما يطيب ارمي البيض في المرق البض يكون مجمول ما تخلطيهش هكدا




غطي البرمة وتركي البيض يطيب ادا حبيتي الاصفر ني اتركيه 3دقائق -متوسط النضج 5 دقائق -مطهو جيدا 10 دقائق

-ملاحظة : ادا استعملت الطماطم حب انا نفضل تطيبيها وحدها مع مغرفة زيت قبل ما تحطيها في البرمة باه ما جيكش حامضة

وقدميه سيدتي بهده الطريقة









نتمنى يعجبكم وتجربوه ما هوش صعب وبسيط ولديد جدا