خواطر باللهجة الجزائرية

حفياد آدم · 2021-06-08, 18:23

قبل انتخاب يدي 30 مليون
وبعد انتخاب يولي يخلص 30مليون
وكي يكمل يبقى يسلك في 30 مليون
وانا لي انتخبت وش ندي

حفياد آدم · 2021-06-08, 18:27

السارق زوج انواع
سرارقة صغار تطاردهم الشرطة
وسرارقة كبار تحرسهم الشرطة

حفياد آدم · 2021-06-08, 18:47

و عــلاه نتــــعرف عــلى نــاس جـددياك عنـدي حـــبابـي كل يــوم يخرجولي بوجـــــه جــديـد

حفياد آدم · 2021-06-08, 18:55

كون جا الصوف في دار السبع شكون ليلبس برنوص
قليل لي يفهم و لي ما فهم يجي نهار و يفهم

حفياد آدم · 2021-06-08, 18:59

كاين لي حب بنت الفاميلا وماا لقاهاش ...
وكاين لي لقى بنت لفاميلا ومااا بغاهاش ... !!!

حفياد آدم · 2021-06-08, 19:03

جماعة لي تحرق لفرنسا وتطلب فيزا علاش ما تحرقش تجاهد لفلسطين ؟!
ولا جاهد بفمك في مواقع التواصل الاجتماعي

حفياد آدم · 2021-06-08, 19:05

عمرها 11 سنة ترقد على صوت حبيبها
واناعمري 36 سنة هذا وين عرفت بلي اليوتيوب فيه بريفي للهدرة

حفياد آدم · 2021-06-08, 19:07

واذا سألوك عن التعليم الجزائري، قل هو دم منزوف و عرض مهتوك وحق ضائع .
Le professeur algérien souffre

حفياد آدم · 2021-06-08, 19:10

تكون أنتيك فقير ومرتاح.
حتى تخدم تولي فقير وعيان...

حفياد آدم · 2021-06-08, 19:14

ربي يشوف على حساب القلوب.
و العباديشوفو للفيزاج و جيوب

حفياد آدم · 2021-06-08, 19:19

يدفعون الرشوة من اجل الخدمة الوطنية و يريدون تحرير فلسطين ههه

حفياد آدم · 2021-06-08, 19:23

في الجزائر فقط
تبني قْوربي و دير الفوضة يعطوك دار باطل
تكون خدام و محترم يبيعوهالك ب مليار.

حفياد آدم · 2021-06-08, 19:30

نحن الشعب الوحيد الذي يستهزئ بالحكومة في المواقع
و الحكومة تستهزئ به في الواقع

حفياد آدم · 2021-06-08, 19:33

في الجزائر فقط
طبيب متواضع ولفرملية متكبرة ولعساس أرواح نتا وهدر معااه

حفياد آدم · 2021-06-08, 19:42

التعليم العالي في الجزائر
تعليم عن بعد : مكاش أنترنت
تعليم عن قرب : مكاش النقل
معادلة لن تجدها إلا في الجزائر الجديدة