كب كيك ولا أروووووع من مطبخي

[Esprit f]

سلاااام حراير المنتدى كيف الاحواااال
جيتكم ب كب كيك هاااايل من مطبخي ولاااا أرووووع
هنا قبل ما نبداو في الوصفة ننصحكم اولا قبل كل شي الفرينة والكاكاو والخميرة وو ,,,, المهم لازم كلشي يكون مغربل ان أمكن مرتين لِمً لاااا
باش الكاب كيك يجيك مليح و هيشووووش

نبداو على بركة الله

3 حبات بيض
130 غ زبدة دايبة وباردة
من 100 الى 130 غ سكر عادي انا درت 100 لانو ما نحبش السكر بزاف
150 غ فرينة
2 م ك كاكاااو اسود
الفاني و شوية بيكاربونات حوالي نص م صغيرة
م ص خميرة الحلوى
نروحو للتزييين : طبعا كل وحدة وذوقها ومقدورها تقدروا تتفننو فيه كيما تحبوا

استعملت كريمة الزبدة اللي هيا :
250 غ زبدة او مرغرين تكون طرية
250 غ سكر ارطب
شوي حليب حوالي نص كاس فقط
م ك كاكاو
و 100 غ شوكولا ذايبة وباردة

نبدا بالعجينة او الخليط
طلعي البيض مع كمية السكر كي يبدا الخليط ياخد اللون الفاتح فرغي الزبدة الذايبة غير بلللعقل ومباعد زيدي الفرينة مع الكاكاو والفاني والخميرة والبيكاربونات

هنا تقدري تظيفي حبيبات الشوكولا اذا بغيتي انا ما درتهمش
الخليط ما يجيكش ثقيل بزاف وما يكونش خفيف تاني باش ما يهبطلكش الكاب كيك

اسمحولي لبنات راني ما صورتش مراحل التحضير ’’ مرة اخرى ان شاء الله ’’
عمروا ليكيسات الخاصة بالكب كيك او المادلان و ضعيهم في الفرن سخنتيه من قبل خليهم حوالي 20 دقيقة على 180 ° نتي والفور ديالك

في هاذ الاثناء اخدمي كريمة الزبدة خيرت انها تكون بالشوكولااااا

اضربي الزبدة الطرية مليح وضيفيلها السكر الارطب وخلطي ثم الحليب المهم ما تجريهاش .. وكمية الكاكاو خلطي مليح ثم ضيفي كمية الشوكولا الذائبة مع الخلط مدة حتان تشوفي كلشي اندمج مع بعض هنا عمري بوش آدُوِي تكوني مركبتلها القمع الخاص بالتزيين وحطيها في الثلاجة ترتاح وتبرد وتحكم روحها

بعد ما تخرجي الكب كيك دياولك من الفرن خليهم يبردوا شوي وابداي بالتزيين نتاعهم هنا نتي وابداعك و وقتك







هنا بعد التزيين














وهادي للاعضاء



بنة وشككككل




دعوة خير تكفيني ما تنساونيش ولكن بالمثل

طيب الله مساءكٌن