سلام الله عليكم حراير المنتدى اليوم جيتكم بطبق محاااااشي يا ويييلي على البنة تاكلوا وتعاودو
نتمنى تبعوا المقادير باش تتحصلو على طبق رئيسي روووووعه ,, على قد ما شفت وصفات ابدعت وحدة من عندي خاصة في التوابل وصراحة تبعوني فقط تتحصلوا على طبق بنين ويشهي
نبدا على بركة الله
ثلاث حبات كوسا اي جريوات او القرعة
زوج حبات بطاطا
فرغيهم من داخل يعني اخويهم مليح من داخل استعملي اما الاداة المخصصة او كيما انا استعملت سكينين واحد صغير و واحد كبير شوي
بعد ما نفرغوهم ( طبعا اللب خبيه في المجمد تستعمليه مرة اخرى في مرق ) , جيبي كمية من اللحم المفروم حوالي
200 غ لحم مفروم
نص م ك بصل مرحي
ثلاث سنات ثوم
والتوابل هيا : ملح ,فلفل اسود , كصبر مرحي ,زنجبيل , شوي كمون فقط , كروية , فلفل احمر مرحي , الهيل وجوزة الطيب وزعيترة
والسر انك تضيفي كمية قللللللييييلللة من الزعتر , نكرر قليلة فقط باه ما يجيش ذوقو باين بزاف في اللحم
تلاث م ك روز طايب نصف طياب فقط
من جهة تديري حوالي لتر ماء وشويييية ملح ووريقة رند و م ص سمن وتخليهم يغليو بجيهة
تجيبي طرف نتاع جاجا انا درت الرقبة للبنة ,تحطيها في كوكوت مع شوي زيت يتقللى هاداك الطرف مليح
زيدي عليها كمية من البصل المرحي حوالي نصف راس بصلة متوسطة يتقللي معاها , من تبدا ريحة البصل ضيفي التوابل
:ملح شوووي فلفل اسود ’ تابل او راس الحانوت ,فلفل احمر حار مرحي , زنجبيل , وخليهم يتقلاو شوي مع الجاج هادي من طرقي الخاصة انك تقللي التوابل شوي ,
ارحي زوج حبات متوسطين طماطم حب وكي تتقللى التوابل شوي فرغي مرحي الطماطم وخليها تتجمر
حضري في هاذ الوقت حوالي م ص مملوءة طماطم مصبرة و م ص هريسة و زوج سنينات ثوم مرحي خلطيهم بالماء وزيديهم للكوكوطة وحركي مليح
ثم ضيفي الماء اللي كنتي خليتيه يغلي مع وريقة الرند , كي ترفد الغلية اقفلي عليها وخليها ربع ساعة فقط
في هاد الربع ساعة احشي الكوسا والبطاطا وانا زدت زوج فليفلات حارين ههههههههه واللي بقالك ديريه كويرات
ومبعد اقليهم شوي انا نحب نقلي الحاجة مممليح نحسها تجي احسن من انك تحطيها هكدا مباشرة
ومبعد نحيهم وقطريهم ولوحيهم في المرق بعد ما تكون فاتت الربع ساعة خليهم يطيبو مليح وزيدي ورقة تانية رند و واحد فلفل حار صغير حتان ينقص شوي المرق
حطيهم في مول الكوشة ومن بعد زيدي عليهم كمية المرق
و ضيفي شوي فرماج طري طراف صغار فقط (هاذا يخللي البنة في المرق اكتر ) وشوي فرماج احمر مبشور من فوق وحطي المول في الكوشة حتان ينشف ويوجد وشهية طيبة
وهادا اول صحن لاول وحدة تعلق هههههههههههه 
[COLOR="rgb(46, 139, 87)"][COLOR="rgb(46, 139, 87)"]
شهية طيبة
دعوة خير تكفيني لبنات والله تعبت وانا نحط في الصور لعيووونكم
كرمونا بالتقييم الحسن او الاحسن لمً لا ههههههههههه
[/COLOR][/COLOR]
( تقرير عن مشاركة سيئة )، و الموجودة أسفل كل مشاركة .
2015-08-16, 19:39
بطاطا وكوسا محشي لعيوووونكم من مطبخي
العرض العادي
