حلوياتي تاع عيد الفطر

[بشـرى]

السلام عليكم ورحمة الله وبركاته
هذا أول موضوع ليا في القسم هذا ، حبيت نشارككم حلوياتي تاع عيد الفطر ،ان شاء الله يعجبوكم

أولا هذا قاطو القلوب بنين ويذوب فالفم وخفيف

المقادير
500غ مرغرين ، 4صفار بيض ، نصف كأس جلجلانية محمصة ومرحيه جيدا، كأس كاوكاو محمص و مرحي رطب ، كأس سكر رطب،2ملاعق كاكاو ، 1خميرة ، 1لافاني ، وفرينة

للتلصيق :
علبة حلوة الترك،علبة صغيرة عسل وماء الزهر

للتزيين : شكلاطة سوداء

نخلط جميع المكونات ونطبع بطابع القلب ونطيب ، وبعد ما يطيب نلصق كل زوج حبات بكريمة التلصيق ونغطس الحبات فالشيكولا، ونزيد بخطوط من الشكولا البيضاء او كاوكاو

ملاحظة برك، بالنسبة لكريمة التلصيق تفتتي حلوة الترك وتضيفي شوية ماء زهر وشوية عسل وتحركي حتى تجيك مليحة ،مديريهاش جارية تسيحلك من القاطو




هذا النوع الثاني اللي درت ، تاني بنييين

المقادير :
120 غ زبدة لينة ،100 غ سكر ، 100غ لوز مرحي جيدا أنا درت حلوة الترك وجا مليح ، 1فلان أنا درت كراميل ، 1خميرة ، 1فاني ،بيضة ، والطحين حسب الحاجة .

كريمة التلصيق: 50غ زبدة ، 100غ سكر رطب ، ملعقة كبيرة شكلاطة غبرة ، تقدري ديري كاكاو

للتزيين : شكلاطة بيضاء وسوداء

نجمع كل العناصر حتى نحصل على عجين رطب ، نبسطها ونقطعها دوائر ميكونوش كبار لانو يزيد يطلق ، وندخلها للفرن ، بعدما يطيبو نلصق كل زوج حبات مع بعض بالكريمة اللي خدمناها طبعا بعد ما يبردو الحبات ،، ثم نغطس الجوانب في العسل ثم في كاوكاو مهرمش ، ومن فوق ندير شكولا بيضاء وندير دوائر من الشكولا السوداء ونجبدها بالسكين باه نحصلو على الشكل





حلويات عيد الأضحى المبارك