ѽ الخضرة غالية ѽ وعندك غير البطاطا ѽ اتفضلي ѽ

[وفاء الياسمين]

السلام عليكم و رحمة الله و بركاته

الحمد لله على نعمة صلاح أرضنا و خصوبتها و نوعيتها الجيدة
و اعاننا الله على اسعار ما تنتجهه هذه الارض الطيبة
اشتعلت الاسواق باسعار خيالية لم تترك لنا خيارات

عندي غير البطاطا و كرهنا من القليان و ملينا من المفورة و بزاف علينا غير نغليوها

جربت هذه الوصفة وجات بنينة بزاف

1 كغ بطاطا يكفي على الاقل بإذن الله اربعة اشخاص
وكيما يقولو ناس بكري الي يوكل ربعة يوكل خمسة و ستة

أول شيئ نوجد المرق الاحمر

حطيت فيه حبة بصل مقطعة رقيق و كمية اختيارية زيتون اخضر بدون نواة مقطع
قليتهم على نار هادية و درت مغرف ماشي معمرة طماطم مصبرة في لتر ماء ساخن و مرقت بيه

وهو يطيب نقطع البطاطا قطع صغيرة قد مانقدر نصغرها


و نحطها في المرق و نخليها تطيب مليح

ومرة على مرة نحركها باش ما تلسقش

كي نشوفها نشفت و طابت نحاول نرحيها يدويا باش ما يخسرش الزيتون

وهذا هو شكلها بزاف بنينة و زاكية و تغيير للبطاطا المرحية المعتاديين عليها



وشهية طيبة