طاجين السفرجل مالح و حلو

[نافلة]

****اولا نهدي هذه الصفحة للحبيبة حبوبة*****
تاخذي كوكوت و توضعي فيها قطعة لحم +زوج بصلات مقطعين جوانح + ملح + 3 ملاعق سكر انا هنا استعملت السكر الاسمر + زيت و شوية سمن انا ما استعملتش السمن + التوابل فلفل اسود عود قرفة العكري زعفران و تقليهم ملييييح مليييح و من بعد تمرقي بالماء + الماء لي طيبنا فيه القشور و البذور نتاع السفرجل و نغلق عليهم حتى يطيب اللحم و كي نفتح نضيف الحمص الا كان نتاع علب + السفرجل منقي و مفور كي تخثار المرقة نطفي ونقدم
و شهية طيبة نتمنى يكون الشرح واضح و اي استفسار اهلا بكن حبيباتي

هذم القشور + البذور بعد غليهم

و هاذي المستخلص نتاع القشور

السفرجل ابراج بعد ما فورتو

هنا الحمص تقدري تستعملي لي فالكونجيلاتور و تغلقي عليه مع اللحم

هنا بعد ما طاب اللحم

زدت الحمص

وزدت السفرجل فاير

و اخيرا الطبق جاهز

و في الاخير و ليس آخرا نتمنى تجربو الوصفة و الله رائعة ذوقها يجي بين المالح و الحلو