ضرورري طريقة البتيسويس باللبن

[ahla tita]

صباح النور وشرااكم لبنات كيما قلت فالعنوان من فضلكم الي عندها الطريقة نتاع البتيسويس او الجبن باللبن تحطها

[sofia dj]

صباح النور اختي
بالنسبة للبتيسويس ما نعرفش نخدمو ان شاء الله لبنات يفيدوك
اما بالنسبة للجبن ولا قصدك اللي يبيعوه مع الرايب و اللبن هداك ديري الحليب او الرايب المتوفر عندك _بصح باللبن ما جربتوش _ في كاسرونة و حطيه فوق النار كي يجي رايح يغلي ديري قطرات خل و خليه يكمل يغلي تشوفيه انفصل الماء وحدو و الجبن وحدو صفيه و خبيه و اذا حبيتيه يجيك رطب كيما البتيسويس ديريه فالميكسور و زيديلو الماء اللي صفتيه بالشويا على حسب الكثافة اللي تحبي
الماء اللي صفتيه ما ترميهش اعجني بيه مطلوع او بيتزا او خبز المهم معجنات يخرجو هايلين
ان شاء الله نكون وفقت فالشرح و اي سؤال راني نجاوبك عليه

[حبيبة امها]

السلام عليكم ورحمة الله وبركاته
اختي جربي طريقة الاخت لهنا في صناعة الكرام فراش لما تصفيها تتحصلي على جبن لكن ما تكمليش المرحلة الاخيرة لما وضعتها في الخلاط واضفتلها الجبن هديك المرحلة استغناي عنها

[ahla tita]

شكراا لمروركم اخواتي

[missfr]

ربي احققلك واش تتمناي