لاصحاب العقول اللبيبة

[الأنامل الخضراء]

هذه مشكلتي ادعو الله ان يمن علي بنصيحة منكم

ابني المتمدرس بالسنة الثانية متوسط رفض الدراسة فكرر العام

فقرر عدم متابعة الدراسة رغم كل الجهود المبذولة من طرفي و من قبل الاقارب

ابني ذكي لكن لا يحب الدراسة

هو الآن قابع في المنزل

يمضي وقته في الانترنت

لا اكف عن نصحه و احزن كثيرا لفتى هجر المدرسة بعمر 13سنة

انصحوني جزاكم الله خيرا

[اكرام حنين]

السلام عليكم ربي يهديه ويعينك عليه انا اشعر بما تشعرين ابني في السنة الخامسة ولا يحب الدراسة وكما قلت المشكل انه ذكي لكن ...................

[nihal159]

حاولي ذخليه يعمل تكوين؛ لأن عندهم الجزء التطبيقي أكثر من النظري؛ ممكن تعجبو لقراية وما يملش؛ لكن ماتخليهش يقعد لا شغلة ولا عملة؛ لأنه إذا حس بالفراغ يقدر ينحرف لا قدر الله؛ و سجليه في نادي للسباحة أو أي رياضة يفضلها؛ و ماتقلقيش روحك كل واحد واش كتبلو ربي في هذه الدنيا؛ ممكن وليدك مانجحش في الدراسة؛ لكن بالمتابعة الجيدة من عندك أنتِ و أبوه أكيد راح يلقى مجال يبدع فيه و يفجر الطاقة والمواهب لي عندو خاصة و أنه كما قلتِ ذكي.

[الأنامل الخضراء]

بارك الله فيكم و اعاننا على تربيتهم اللهم احفظ ابناءنا بما تحفظ به عبادك الصالحين

[سحابة باردة]

ربي يعينك مشكة كبيرة

[ibtihal18]

كيما قالت الخت نهال اشغلوه بحاجة دخلوه يدير رياضة كرة القدم او السباحة ممكن عندو مواهب تقدر توصلو لبعيد و مادام ماحابش يقرا ما تجبروهش لانو ماراحش يجيب حتى نتيجة و في نفس الوقت ما تخليوهش فارغ شغل لانو مازال صغير بزاف ما تخلوهش يضيع و ربي يسترو و يحفظو و يبعد عليه رفقة السوء

[Basketteuse]

يا اختي مافهمتش، كيفاه تخليه نهار طول مع الانترنت؟!!! راهو طفل ! من الاحسن ترديه يقرا غصبااااا، ماتبعيهش مايعرفش صلاحو ، كي يكبر يولي يلومك انت وابوه يقولكم علاه خليتوني نحبس، والله اختي عن تجررررربة
الحل انك تعاقبية، ماكانش انترنت،
توعديه بهدية ، انت ادرى واش يحب ولدك، يعني تشريه بالصوارد، ادا نجح
تديه لمعالج نفسي، هو يعرف مداخل ومخارج النفسية تاعو يدورلو راسو
على الاقل حتى يدير نيفو يقدر يدير بيه كاش تكوين
انصحك لا تهدآي حتى تعيديه للمدرسة ، وإلا ندمتي وندم هو ندما شديدا بعد ذلك

[Basketteuse]

الرياضة هواية تكميلية مع الدراسة، انا رياضية قديمة، رعلابالي كيفاه مدايرين الرياضيين اللي ماعندهمش مستوى دراسي، وزيد اي موهبة يمكن ان يفجرها بدون دراسة؟؟؟؟ قريبا يصبح عندما يتكلم الجامعيون لا يفهمهم، ويصبح معقد ، سقسيني انا لاني شفت حالات مثل ولدك، ومبعد بقاو هم اللخريين، لانو ولا مركز تكويني قبلهم !!!!
تبعي حالة ولدك يا اختي، وشوفي بالاك صحابو مايحبوش المدرسة او حبسو على بيها عاند ، صدقيني اختي تأثرت معاك وكأنو انا اللي صراتلي هك
وماتنسايش ادمان الانترنت ، يجعل قلبه متعلقا بها ولا يحب غيرها ،

[أم الوليد]

أولا الله يعينك على التربية صعيبة بزاف

ثانيا و اعذريني على القسوة اين دور الاب هنا فالمعروف ان الابن خاصة في هذه السن الحرجة و مع بدايتها يحتاج الى حزم و صرامة منه لان الام بطبعها حنونة و تلبي رغبات اولادها و لو على حساب نفسها

ثانيا : ابنك عندو ادمان و ماعاد يهموا في والو حتى دراستو بخلاف الانترنت حاولي تقطعيها من البيت او ديريها كمقايضة اي يرجع يدرس و يجتهد رجعيهالو و ديريلو وقت اي خصصيلوا وقت معين يقعد عليها و يلعب و راقبي واش يدير و واش يتفرج

حاذري ياختي راهي سن بزاف صعيبة و مع الجيل الصعيب انت و باباه راقبوا كلش انت بسياسة و باباه بشوية حزم و يرجع يدرس ماتخلوهوش يودر سنسنو هكداك و التكوين عندو سن معين يدخل ليه يعني نبك مازالو صغير بزاف حتان يقبلوه

ربي يعينك و يصلحك فيه يا رب