خليع على طريقة جدتي بنة لا توصف

[تسنيم*]

اولا ناخذ اللحم انتاعنا انا نحب الرجلين او الجنبات عموما الي فيه الشحمة هو الي يطلق البنة واااااو
الاحسن الي مافيهش لعظم
نشرحو الى اطراف رقيقة باه ييبس




ناخذ الملح ونخلطو معاه الفلفل الاحمر يعطيه ذوق هايل او هريسة كل واحدة كيما تحب
نخلطهم مليح وندهن بيهم لخليع مليح من كل جانب
اهم حاجة نكثرو الملح باه مايقيسوش الذبان
نبيتو في في قصعة يشرب الملح والفلفل في بلاصة باردة
واذا دار سخونة حطيه في الثلاجة
الصباح انشريه على لحبل في بلاصة فيها لهوا
اهم شيئ ما تعرضيهش للشمس باه ماتذوبش الشحمة ويفوح
كي يقطر شوية اذا عند حاجة رقيقة تيلو مثلا غطيه بيه
كي ييبس نقطعوه اطراف متوسطة الحجم ونخبيوه ونستعملوه في البربوشة مع الفول او العيش