قالولي عمرك ما تقدري تسجلي ماستر؟؟؟؟؟؟؟؟؟؟؟؟

[tayma20]

السلام عليكم اخواني الكرام الرجاء كل من يملك معلومة ينورني بيها الله ينور عليكم دنيا وآخرة
عندي ديبلوم مهندس دولة بيولوجيا 2008 وبغيت نطور روحي شوية قلت نزيد لغة اجنبية فأعدت بكالوريا ادبي والحمد لله اخذته بمعدل 13 وسجلت آداب ولغة انجليزية
فكملت ليسانس في 2014 و مبعد سجلت ماستر 1 بصح ما قدرتش نكمل على جال جاتني كونترا وراكم عارفين القوانين الغريبة والجائرة اذا ديت كونترا ما تقدرش تخدم ظهرت غي في هادو سنتين فبلوكيت العام وهاد العام تاني ما قدرتش نفتحو ورحت للادارة وقالولي لازم عليك تقري ولا عمرك ما تزيدي تقري ماستر قولولي واش ندير انا الخدمة ما نقدرش نحبسها لأني كنت محبسة 4 سنين وكي وليت نخدم شرطولي في قرايتي والله تهت فقلت اذا كاين حل نشوفه عندكم واذا ما كانش الحمد لله على كل حال

[وردة الشمس]

شوفي اختي هادي المشكلة صرات لجارتي ودركا عمرها متقدر تدير ماستر لانها دات حقها فيه شوفي هي زوجت وسجلت ماستر قبلوها وهداك العام رفدت بالحمل ومقدرتش تكمل ومبلوكاتش العام راحلها هكاك العام الثاني ولدت وبلوكاتو وكي رجعت العام 3 تقرا قاولها صاي بايباي الماستر ومنين تروح تسجل ميقبلوهاش انتي كان حابة تكملي الماستر اقراي واخدمي لابغا متسلكيش مليح وربي يوفقك واختي تديها نصيحة من عندي اخطيك من لقراية اخي قرينا باه نخدمو ماشي طول نبداو نقراو قولي الحمد لله كي حاكمة خدمة والله الغاشي كامل او قاعد ربي يعينك

[tayma20]

صحيت ختي واه حاكمة خدمة بصح غير كونترا لاداس عامين وتكمل بصح ما نبغيش يضيعولي حقي غير هاكا قرينا وتعبنا ومبعد يخلطوها عليك انا الحمد لله والله راضية بلي يكتبه لي ربي بصح هاد البوليتيك نتاع الادرارات نكرهو ونبغي ندي حقي فهمتيني فاذا كان عندي الحق نكمل تبارك الله واذا ما كانش تبارك الله انا باغية قانون يوضح لي هاد الخالوطة

ونشكرك بزاف على النصيحة في الحقيقة انا تاني عييت من القراية ملي حليت عيني وانا نقرا وما حققتش شا كنت نتمنى ادعيلي ختيتو ربي يسهل علي قاع السبل

[جواد رضا]

السلام عليكم: أنصحك بالمزاوجة بين العلم والعمل، فقد تحصلين على عمل بالعلم أفضل من الذي أنت فيه، خاصة إذا كان محدد المدة، هذا من جهة، ومن جهة اخرى تواصلين دراستك إلى الدكتوراه...لا تفرطي في الماستر

[tayma20]

صحيت خويا جواد بصح قلتلكم خرج قانون ما نقدروش نقرو ونخدمو في نفس الوقت اذا قريت تروحلي كونترا

[جواد رضا]

هذا متوقف على طبيعة الجهة الوصية والإدارة التي تعملين فيها ....معظم المتعاقدين يدرسون...كان الله في عونك وفتح وأنعم عليك وعلينا

[aliii]

السلام القانون هذا مكانش منوا
تقدري تقراي مع الكونترا تاع لاداس دون اي مشكل

[sarah mm]

حسب ما قرينا فى التشريع لك الحق فى التعليم الى جانب العمل وهذا حق من حقوقك المنصوص عليها فى قانون العمل

[tayma20]

شكرا لكل من شارك وان شاء الله تسلك لي لأنو حتى لاداس قالولي جيبي تصريح شرفي يثبت عدم مزاولتي للدراسة