باركات meringué بالصور ساهلين واقتصادين

الوهرانية 1 · 2012-12-03, 22:33

نتمنى تعجبكن وصفة اليوم وهي حلوة لذيذة ومجربة وناجحة جدا طبعا هي بسيطة ولكن تنفع من اجل التغيير كنت سبق وحطيتها في منتدى اخر ولاقت تجاوب الاخوات وقلت اليوم نحطها لفحلات منتدى الجلفة
باركات meringué

مقادير العجينة / 175غ زبدة طرية - 80غ سكر رطب - 250الى 270 فرينة - 2 صفار بيض
مقادير الحشوة / 100 غ نواد كوكو يعني الكوك - 3 ملاعق مربى مشمش
مقادير المورانق / بياض بيضة - 70غ سكر
طريقة التحضير / في وعاء اخلطي الزبدة والسكر الرطب اضيفي الفرينة تدريجيا ثم اضيفي صفار البيض واخلطي جيدا حتى تتماسك العجينة على طاولة مرشوشة بالفرينة . ابسطي العجينة بالحلال بسمك 4 ملم ثم قطعي دوائر بواسطة مول وفي قوالب صغيرة مرشوشة بالفرينة افرشي الدوائر بعدها اثقبي القاع بواسطة شوكة ثم اطهيها نصف طاب لاننا رايحين نرجعوها للفرن مرة اخرى وهذا شكلها من بعد ما خرجناها انا فوت طيابهم شوية نسيتهم المهم نصف طياب

طريقة تحضير الحشو / في صحن نضع النواد كوك ونضيف المربى وطبعا وهنا عينك ميزانك ممكن ما اضيفيش 3 ملاعق ممكن اكثر حسب نوع الكوك ادا كان من اللي يشرب ولا لا المهم الصورة توضح ليك كيف لازم يكون الحشو

طريقة تحضيرالمورانك / في زلافة نحط بياض البيضة نضربو مليح حتى يصبح كالثلج نضيف السكر تدريجيا وهاهي الصورة توضح

وبعد ما اصبح كل شي جاهز حبات الباركات - الحشو - المورانق كيما تلاحظي

نبدو في التزين اولا نعمرو الحشو وسط الحبات لازم نتركو مكان للمورنك يعني نملا نصف الحبة

بعدها نحطو فوقها المورانك بواسطة ملعقة ونسطحها وبامكانك ايضا تعمليها بالبوش وتخليها مشوكة اختياري

وندخلها الفرن تحمار من الفوق فقط

وعندما نخرجها نزينها بخطوط شوكولا رقيقة بواسطة كيس مثقوب ثقبة صغيرة

وهاهي الحبة من الداخل كيفاش تجي

نتمنى تجربوها اخواتي الكريمات
المقاديرهادي تعطيك 22 الى 23 حبة
ملاحظة / ممكن ماتكونش وصفة جديدة ليكم لكن هدا منتدى وفيه مبتدئات
تحياتي