***كواليس كيكتي العجيبة***

[ام حمزة22]

السلام عليكم ورحمة الله تعالى وبركاته

ان شاء الله تكونوا كاااامل واهلكم بالف خير

اليوم خبيت نقدملكم كريقتي في تحضير الكيكة لي كنت قدمتها ودرتها خص نص لغابياتي في الكوزينة
في الحقيقة ماكانتش عندي اللوازم الكافية فالبيت لاكن حضرتها وعجبتني حتى ولو كانت اللوازم ناقصة وخدمت بالموجود فالبيت








اولا نبدا في تحضير الجينواز والمقادير هي......4بيض +150غ سكر عادي + 150غ فرينة +1كيس خميرة كيميائية +نصف ملعقة فانيليا

نخلط مليح بالباتور البيض والسكر حتى يضاعف الحجم ثم نضيف لافاني والخميرة والفرينة ونخلط الخليط بلطف من الاعلى الى الاسفل باش ما تخسرلناش العجينة وتنزل عند الطهي ندهن المول ونرشو بالفرينة ونكب فيه الخليط والى الفرن

انا استعملت 2انواع المول واحد دائري الشكل والتاني مستطيل الشكل من الافضل يكون مربع الشكل
والصور توضح الطريقة

http:/a57971.jpg

هنا نحضر كريمة الزبدة او لي تحب دير كريم شونتيي

انا نفضل نكهة الزبدة وطريقتي في تحضير الكريمة هي......استعملت زبدة ماني نضربها مليح بالباتور او البيتران حتى تطرة شوية من بعد نضيفلها نصف المقدار سكر قلاسي واستمر في الخلط حتى يضاعف الحجم ويتبدل اللون من الاصفر الى الابيض بعدها نضيف ملعة كبيرة زيت راح يخليها ملساء وسهلة للاستخدام

بعد ما طابت الكيكة وحضرت الكريم
قسمت الكيكتين بالطريقة لي راكم تشوفوها فالصورة وشربتها بمعجون المشمش وحللتو في شوية ماء لي زادلها بنة على بنة ولانعدام المكونات الضرورية باش نزينها ضفت شوية ملون غدائي لمعجون المشمش والنتيجة مثل ماراهي تبان فالصورة

ان شاء الله تعجبكم كيكتي المتواضعة


تحياتي للجمييييييع

[ام حمزة22]

هدا لاول وحدة تدخل الموضوع

[سنا القمر]

شكرا ام حمزة راني اديت الصحن

[اسيرة في بيتها]

يعطيك الصحة و مشكوووووورة على المجهود

[x ام رحاب x]

ماشاء الله عليك ربي يدوم عليك الصحة والعافية حبيبتي تسلمي على الكيكة راهي ماشاء الله ياسعدهم وليداتك بيك ربي يخليك تاج فوق راصهم وربي يحفضك

[أم ياسين الزهراء]

الله يحلي ايامك روعة وبارك الله فيك وراح تبقى دكرى طيبة ليك ولينا

[أم اسيل]

بارك الله فيك روعة قتلك ومنك نستفيد

[ام سوهيل]

مشاء الله ام حمزة يعطيك الصحة خرجتلك فور والون الاحمر زاد في روعتها

ام حمزة شرفيني بي زيرتك وقيلا مشفتيش الموضوع كنت حطيته في الكوزينا

https://www.djelfa.info/vb/showthread.php?t=1895255

[oum ibrahim]

يعطيك الف عافية ام حمزة ماشاء الله عليك و على شطارتك ربي يحفظك لعائلتك
فقط صححي نخلط البيض مع السكر و ليس الفرينة و شكرا

[فايزة1207]

واش نقول انت رائعة دائما
ربي يعطيك قد نيتك
ربي اجعلها قرة عين زوجها

[أم محمد تاج]

رائعة والله وعجبني شكل القلب وفكرة التقطيع الله يعطيك صحتك ويحفظلك وليداتك يارب

[omjoujou]

رووووووعة حبيبتي ام حمزة تسلم ايديك
جزاك الله خيرا

[نبض الفؤاد]

رائعة الكعكة.....ام حمزة يعطيك الصحة.....

[طيور الجنان]

يعطيك الصحة تبان هايلة

[الجمان]

ما شاء الله ام حمزة شاطرة