هدية العيد

[مشكلتي]

السلام عليكم
ماهي هدية العيد التي يمكن ان اخذها لخطيبتي مع العلم اني لم أزورها من قبل، بالنسبة للباس فانا لآ أستطيع أن أشتري لها بحكم القياس، وهل يمكن ان أقدمها لها في شكل مبلغ مالي وإذا اكان بالإمكان فما هو حدود المبلغ شكرا

[Zahra 30]

و الله انا لا أعرف لكن اسمع انه يؤخد لحم العيد من كبشكم و هدية حسب الطاقة بما انك لا تعرف القياس يمكن اخد عطر و ساك حقيبة وفقك الله

[الرميصاءْ]

ابعثلها من لحم العيد ومعاها مبلغ مليون والله اعلم

[طيور الجنان]

ابعث لها من كبش العيد،اختي مخطوبة في العيد الصغير ابعثلها ٢ مليون و انت مقدورك و عاداتكم.

[سعيد212]

يا رباه
المهر + الشرط + العيد
سايي بطلت ما نتزوجش

[ام رضوان]

السلام عليكم
يا اخي لا تكلف نفسك فوق طا قتك.
ان كنت ميسور الحال فخذ لها لحم وكعك وحاجة ذهب
وان كنت قد حالك فخذ كعك وهدية بسيطة مثلا قارورة عطر مليحة وزيارة خفيفة واخرجو.
وربي يسهل امرك. .

[salem1985]

كي تروح ليها الدنيا وما فيها الناس كامل ولا ت مادية

[عائشة07]

مثل ما قالو لك الحم. وحلوى وعطر وعلى القياس تقدر شريلها قماش موفق اخي وربي يتمم بخير

[جمعي البشاري]

كي تروح ليها الدنيا وما فيها الناس كامل ولا ت مادية

[زخات مطر]

غريب أمرهدية العيد مجتمع مادي
ع كل أنت و مقدورك اخي ولا تكثر عليها من الهدايا فتندم

[ام ياسين187]

ديلها لحم من لكبش وشوية قاطو إدا درتو وريحة وبسسسس لمهم تزوروها برك وربي ييتمم على خير إن شاء الله

[رقة قلب]

انا من رأي اديلها لحم و سنيوة حلوة ماشي شرط تديلها ب مليون و الزوج علاش ودوك الشباب هادو يروحو يسرقو انا لوكان جات ليا نحو كامل هاد العادة لانها مجرد تقاليد فقط ليست شرط من شروط صحة الزواج انا لوكان نتزوج كي هوما يحبو يجو نقولهم لالا حتى و نتبعو العادات مالازمش نكونو ماديين يجو دارهم يشربو قهيوة و يقصرو و يتعرفو اكتر هاديك الدنيا و ما فيها و المغزى اننا مازالنا ناويين بنتكم و باش تكبر العلاقة و تزيد المحبة هادا ماكان الله يهدينا و يسر امورك خويا

[النجمة القطبية]

ادلها شوية حلويات اللى صنعتهم الوالدة مزينة في طبق وحقها تع اللحم وورد اذا رغبت بذلك
الهدف من الزيارة هو زيادة التعارف وصلة الرحم وان تشعر انها اصبحت من العائلة
ربي يوفق

[mooon]

والله ما لقيت ما نقول
هذا لحم وهذا قاطو وهاذي ريحة وهذو ملايين
والله كيما يقولو طيحتو علينا البق
وين يبان الزوالي هنا

وزيد الحاجة اللي تحبسلك مخك
يقولك حقها. .....واش من حق وهوما مازالو غرباء
على بعض تعقب حياتك كومبلي وأنت تفورني
ومن بعد ما تكتبلكش تديها
لا حول ولا قوة الا بالله

[مــحــمــد]

في العادة يرسلون قطعة من لحم الأضحية مع حلويات
لكن هذا ليس شرط ا،، المهم أن لاتكلف على نفسك