فـــــــرصة العمر .........2 مليون أورو

[Hamza944]

السلام عليكم ورحمة الله وبركاته
لدي صديق يعمل في مجال العقارات سماسري . وقد التق أحد سكان جنوب افريقيا عن طريق الانترنت . أخبره هذا الشخص أنه يريد أن يستثمر في الجزائر ( هناك تفاصيل لايريد البوح بها) وقد اتفقا على أن ان يرسل ( الشخص الذي يسكن في جنوب افريقيا له مبلغ بقيمة 2 مليون أورو في حسابه البنكي . حسب ماقاله صديقي فإن هذا المستثمر سيدفع النقوود نقدا كاش مباشرة في حساب صديقي . والمطلوب من صديقي أن يستخرج النقود بعملة الدينار لأنه من الصعب أن يأخذها بعملة اليورو .وفي حال طلبها بالعملة الصعبة فإنها ستثير شكوك وتساؤلات .
هو راه باغي يعرف اذا فيها اونكات في حال ما إذا بعتلو السيد دراهم ومعرفش بروحو هذا السيد . يعني مهوش جاب يسقسوه منين جبتهم وعلاه ......
واش هي الطريقة الافضل لادخال الاموال للجزائر بلا متصرا لونكات هاذي وقع .




هو هدر مع مول بنك وقلو تقدر تجبدهم بدينار وميحوسوش عليك بشرط السيد لي يبعتهم يكون مديكلاري بروحو الاسمواللقب وواش يخدم
الله يحفظكم ليعرف يجاوبنا واش من طريقة مليحة الواستارن يونيون ولا احد البونك الجزائرية بدر bna ولا bea


متبخلوناش باراءكم السيد راها داخلاتو 2 ملاين اورو ......................السلام عليكم

[bibi fares]

ههههه قولو بركاك من الطمع غير ماتعبش روحك هدا محتال

[Hamza944]

تهدر من نص راسك فهمنا كيفاه محتال ’؟
السيد هذا ميحط والو ومايخسر والو يمدلو غي نوميرو دو كونت وهو يبعثلو دراهم واش راح يخسر

[bibi fares]

اسمع اخي الفاضل اذا انت لحقك مساج انا لحقني 100 واشكون هدا لي يصدق دراهمو ولا تحساب الناس راقدة في قشهم اي بركاك خويا من الطمع الكحلان واعرييين ونصبحة لوجه الله بلاك يحتال عليك وعمرك ماتصدقهم

[youab]

مشكل كبير انه قد يكون مال حرام وانه يريد طريقة لتهريب اموال قولو غير اخطيك من مشاكل

[Hamza944]

ماشي ميساج خويا هدا راح تلاقى بيه في الماركور باب زوار وقصرو وتفاهمو ومن بعد جا قلي .

[Express85]

يا اخي أنا عندي فكرة مليحه باه ندخلوا زوج ملاين أورو للجزائر نعطيك رقم حساب بنكي في دولة أوربية ولما يلحقوا نسحبهم بالشيك بسعر 15600 للاورو الواحد

إذا راك قابل خبرني . وشكرا

[Hamza944]

وأنا علاه ههه خاطيني .
ديجا المدير نتع البنك قلو نسهلك الاموور بصح تريقلنا . يعني كتجبدهم تتهلى فينا فهمتني

[Express85]

المشاركة الأصلية كتبت بواسطة hamza944

وأنا علاه ههه خاطيني .
ديجا المدير نتع البنك قلو نسهلك الاموور بصح تريقلنا . يعني كتجبدهم تتهلى فينا فهمتني

المدير واش دخله كل شئ من فوق يأخي عند البنك المركزي هو يتحكم في كل المعملات البنكية لما يلقى زوج ملاين أورو جاية راح ربما يتجمد الحساب وتبدا المسائلة وتحكمك القلقة وخبطة القلب

نحن مبالغ بسيطة ونلقى مشاكل فمابلك 32 مليار سنتيم

أنا اعطيتك حل سريع ومضمون لا يتدخل فيها البنك المركزي الجزائري وانت دبر راسك
شكرا

[Hamza944]

يـــا أخي هاذي راها نفسها كما قصة سمير الجيفة خوه حراااق كان يخدم ذهب ودبر مبلغ 100 باوند الله أعلم منين جابها سرقها ولا لقاها ومن بعد شاف 1 في لندن عندو ريجيست كومارس بعتهملو هنا للحساب تع خوه وجبدهم خوه عادي قريب 2 مليار . جبدهم دينار ماشي باوند

[Imadseif]

المشاركة الأصلية كتبت بواسطة hamza944

وأنا علاه ههه خاطيني .
ديجا المدير نتع البنك قلو نسهلك الاموور بصح تريقلنا . يعني كتجبدهم تتهلى فينا فهمتني

أخي أنا أعتقد فيها عملية تبييض أموال؛ هذا إن لم يكن نصابا

على كل حال إن كنت واثقا أنه صادق ؛ يمكنني مساعدتك و تصلك الأموال كاملة دون نقصان و بالعملة الصعبة ؛ و لن يتدخل فيها أي بنك جزائري

و أجري على الله

[crnb]

المشاركة الأصلية كتبت بواسطة hamza944

السلام عليكم ورحمة الله وبركاته
لدي صديق يعمل في مجال العقارات سماسري . وقد التق أحد سكان جنوب افريقيا عن طريق الانترنت . أخبره هذا الشخص أنه يريد أن يستثمر في الجزائر ( هناك تفاصيل لايريد البوح بها) وقد اتفقا على أن ان يرسل ( الشخص الذي يسكن في جنوب افريقيا له مبلغ بقيمة 2 مليون أورو في حسابه البنكي . حسب ماقاله صديقي فإن هذا المستثمر سيدفع النقوود نقدا كاش مباشرة في حساب صديقي . والمطلوب من صديقي أن يستخرج النقود بعملة الدينار لأنه من الصعب أن يأخذها بعملة اليورو .وفي حال طلبها بالعملة الصعبة فإنها ستثير شكوك وتساؤلات .
هو راه باغي يعرف اذا فيها اونكات في حال ما إذا بعتلو السيد دراهم ومعرفش بروحو هذا السيد . يعني مهوش جاب يسقسوه منين جبتهم وعلاه ......
واش هي الطريقة الافضل لادخال الاموال للجزائر بلا متصرا لونكات هاذي وقع .




هو هدر مع مول بنك وقلو تقدر تجبدهم بدينار وميحوسوش عليك بشرط السيد لي يبعتهم يكون مديكلاري بروحو الاسمواللقب وواش يخدم
الله يحفظكم ليعرف يجاوبنا واش من طريقة مليحة الواستارن يونيون ولا احد البونك الجزائرية بدر bna ولا bea


متبخلوناش باراءكم السيد راها داخلاتو 2 ملاين اورو ......................السلام عليكم

انصحك يااخي اخطيك واني لك ناصح امين واذا راك حاب ومتسمعش للنصائح جرب

[Hamza944]

Imadseif تقدر تقلي كيفاه هاذ الطريقة فلبريفي ’’؟

[Imadseif]

المشاركة الأصلية كتبت بواسطة Hamza944

Imadseif تقدر تقلي كيفاه هاذ الطريقة فلبريفي ’’؟

أخي أنا و أنت لا يمكننا إرسال رسائل خاصة -يجب بلوغ 500 مشاركة- ؛ يمكنك إرسال رسالة إلى صفحة FB هذا الموقع
usanowoffers.com

سأجيب بإذن الله

[89majid]

تعواه هدا السيت الله يحفطك