الحمو؟

[sinda]

لاحظت بان جل المشاركات تتحدث عن الكنة والحماة ولم يتم التطرق إلى الحمو ياترى لماذا

[nihal159]

السلام عليكم ورحمة الله وبركاته
صراحة قلّما يحدث تصادم بين الحمى والكنة؛ لأنهم ماعندهمش مواضيع مشتركة بيناتهم( لا طبخ لا تنضيف) إلا إذا كان يذخّل روحو في أمور النساء؛ هذي حاجة أخرى.

[sinda]

صح أختي الكنات تتفاهم مع الحمى خاصة إذا كانت تعامله وتتهتم به وتقدره ولكن للأسف نسمع أنه يوجد حمى يتدخل في كل صغيرة وكبيرة والرحمة في الحماة

[أم ريتاج زهرة]

جل المشاكل بين النساء إلا إذا كان الحمى يعني الشيخ يدخل روحو في أمور النساء

[hodayena]

انا في بداية زواجي كنت لباس مع ابو طليقي والحمد لله ماصراش بيناتنا اي امور لكن العجوز محملتها بدات تكيد وهو سي نوغمال يسمع لمرتو واكتشفت انو معندوش كلمة هي الي تقرر وهو ينفد تصوير
ووصلت بيه انو يكدب ويشهد زور وهو حاج بيت ربي وخلي البير بغطاه مع دلك مدنيش ليه وقتلو في وجهو بيني وبينك معنديش مشكل المشكل بيني وبين العجوز وهو مصاب مايهدر لخطرش يهمهم البرستيج الهم ربي يسهل على كل واحد
وادا كان الشيخ عندو سلطة في الدرا وحقاني ويخاف ربي هو يدير حد للمرتو لكن اغلبهم الان العكس

[maghi]

السلام عليكم ورحمة الله تعالى وبركاته؛ ياختي في زمانا هذا تشوفي وتسمعي لعجب؛

درك ولات لعجوز تظلم وكان جيتي تشكي تعوف وتقول:

انا راجلي يمشي برايي واش نقولو يدير!!!

(صرات صح مع صديقة لي من ايام الجامعة)،

مي الغلطة ميش من الشيخ غلطة الراجل كيما يكون معندوش شخصية

وماليه يحكمو في حياتو

وهو كي لطرش فالزفة؟!!

[sinda]

المشاركة الأصلية كتبت بواسطة hodayena

انا في بداية زواجي كنت لباس مع ابو طليقي والحمد لله ماصراش بيناتنا اي امور لكن العجوز محملتها بدات تكيد وهو سي نوغمال يسمع لمرتو واكتشفت انو معندوش كلمة هي الي تقرر وهو ينفد تصوير
ووصلت بيه انو يكدب ويشهد زور وهو حاج بيت ربي وخلي البير بغطاه مع دلك مدنيش ليه وقتلو في وجهو بيني وبينك معنديش مشكل المشكل بيني وبين العجوز وهو مصاب مايهدر لخطرش يهمهم البرستيج الهم ربي يسهل على كل واحد
وادا كان الشيخ عندو سلطة في الدرا وحقاني ويخاف ربي هو يدير حد للمرتو لكن اغلبهم الان العكس

لأسف أختي على الوضع أنتاعك لكن لا تنسي كاين ربي ويجيبلك حقك أنا طرحت الموضوع خاطر أسهم الإتهام كلها موجهة للحماة لكن كاين من يكون وراء المشاكل وتشعال النيران وهو الشيخ أنا كنت مع شيخي لاباس مدايرتلوا كيما بابا يجي نقوم بيه حتى يحشم من معاملتي ليه وكنت نحكي معاه وكان يقولي واش تهدر في عجوزتي والبنات لكن مع الوقت صرالي مشكل مع راجلي وكي قلت هاو باباك علابالو زلاني في وجهي والحمدلله رجعت لداري وراني لاباس أنا وراجلي لكن طاح من عيني ومانيش راح نتبدل كي يجيني نعاملو كيما كنت لكن الهدرة في حدود وربي يعطينا العقل كامل

[baalache]

والله الا تحير تقول هد النساء قاع ملائكة يا هي تتزوج تقعد شهريين وتطلق كملتوهم قاع بانتلكم على الحمى ياودي قومو دياركم و كي جيبوا اولاد لو كان تصيبوا واحد ما يهدرمعاهم حتى خرجتولنا جيل متحول مشبوه

[sinda]

المشاركة الأصلية كتبت بواسطة baalache

والله الا تحير تقول هد النساء قاع ملائكة يا هي تتزوج تقعد شهريين وتطلق كملتوهم قاع بانتلكم على الحمى ياودي قومو دياركم و كي جيبوا اولاد لو كان تصيبوا واحد ما يهدرمعاهم حتى خرجتولنا جيل متحول مشبوه

لا أخي ماناش ملائكة رانا نهدروا ونتناقشوا خاطر كاثر العوج والشئ لي نهدروا فيه الواقع المر لي رانا عايشين فيه في بالك الواحد لقى النعمة وخلاها أخي العزيز

[رقة زمان]

انا شيخي الله يرحمو ...تمنيت لوكان جا عايش يشوف حفيدتو الي تشبهلو بزاف

[rahma nour]

المشاركة الأصلية كتبت بواسطة نورسين.داية

من هو هذا الحمو ؟؟؟؟ أخ الزوج ؟؟؟؟

لا يا اختي ماشي اخ الزوج هذا والد الزوج اخ الزوج مازالت الدالة نتاعوا من الاتهامات

[sinda]

المشاركة الأصلية كتبت بواسطة رقة زمان

انا شيخي الله يرحمو ...تمنيت لوكان جا عايش يشوف حفيدتو الي تشبهلو بزاف

ربي يرحوا ويحسن إليه الحمد لله راه راح وخلى شبيهه ربي يحفظهالك

[sinda]

المشاركة الأصلية كتبت بواسطة القائدة

و لكن مصطلح الحمو لا يطلق على الشيخ أب الزوج
هو يطلق على اخ الزوج و أقاربه

فالشيخ محرم لعروستو اما خوه لالا ، لذلك قال رسولنا الحمو الموت
صلى الله عليه و سلم

كاحمو أب الزوج أو الشيخ حنا اخ الزوج نقولولو السلف والأخت السلفة