شوفو المدربل من مطبخي البسيييط

[ام كوكو]

السلام عليكم حبيباتي جبتلكم قاطو المدربل على طريقتي بنييييييين و رائع نتمنى يعجبكم انا ما يهمني غير انكم تتعلمو افكار جديدة و هدي الكمية دارتلي اكثر من 110 حبة
المقادير
8 بيض
2 كاس سكر
1كاس و نصف زيت
1 كأس كرام فراش
1 كأس نوادكوكو
2 ملاعق ك جلجلانية محمصة
فانيليا
2 خميرة القاطو
1 كأس مايزينة
فرينة
معجون المشمش


الطريقة
نخلط البيض و السكر و الفاني بالباتور مليح حتى يرجع لون الخليط باج
نضيف الزيت و الكرام فراش و النوادكوكو و الجلجلان و المايزينة و نخلط مليح
نضيف الفرينة و الخميرة حتى يرجع عجين طري شوية

نقسم العجين الى 3 اقسام 2كبار متساويين و القسم الثالث صغير للتزيين
نحل الاول في صينية مدهونة و نضع عليه طبقة من المعجون غير ملون

نحل القسم الثاني شوي شوي بمساعدة البلاستيك ونضعه فوق المعجون الاول ثم طبقة اخرى من المعجون انا لونته بالاحمر

اما القسم الصغير نزيدله الفرينة حتى يرجع يابس شوية و نرابيه فوق المعجون ونرش السطح بكمية جلجلان و الي الفرن متوسط الحرارة

وهدا هو في النهاية و الله ولي التوفيق