مشكلتي

[مشكلتي]

السلام عليكم

نحن 5 بنات و 2 دكور .حيث 3 بنات متزوجات .بدأت مشكلتي لما امي وزعت كل دهبها على اخواتي البنات الاربعة الا انا و هادا قبل ما يتزوجو و كي نسالها تقولي انتي مازال. علاش غير انا حتى اختى غير متزوجة و بدهبها . تقولي كي يطيحو في يدي دراهم نديرلك . لكن للاسف مؤخرا سمعتها تقول درك نوجد لوليدي باش يتزوج .علاش هاكدا؟
اليوم هدرتلها في هاد الموضوع بصح مادارتليش حساب . و للاسف منيش نتكلم معاها راني مقاطعتهاحبيت نهدر معاها بصح قلت بلاك تحس بيا .و الله غير راني خايفة من عقوق الوالدين

[فاطمة الزهراء 29]

من اجل مال الدنيا الزائل راكي تعوقي في والديك و الله حرام عليك اختي
مكانش في الدنيا ام متحبش الخير لبنتها
و نتي علاش راكي مقلقة كلشي في وقتو

متقاطعيش امك و ادي منها دعوة الخير باش ربي يفرج عليكم


سلاام

[Chaima h]

ربي يجيب الخير ان شاء الله

[salem1985]

السلام
اختي الذهب موش حاجة وموش لازم الام توفرو انت الى راكي خدامة وفري دراهم وشري والى قاعدة في الدار قادرة تخدمي في دارك تتعلمي حرفة وتشري الذهب حنا راني نحوسو غير على بنت حلال ما نحتاجو منها والو غير الهناء الذهب الي تتمناها نديروه ليها ربي يهديك اختي

[AMINA.Z]

اذا هي فرقت بيناتكم ..و ربي يهديها
انتي المهم ما تغلطيش و خليها على ربي
ما تزيدي تحوسي لا على ذهب لا على حديد
اذا راكي تخدمي جيبيه بعرق جبينك و انساي الحكاية

[نورسين.داية]

عزيزتي التصرف الدي قامت به والدتك يصنف في إطار الهدية و الهدية عزيزتي ليست حق يطالب به هذه أولا
ثانيا : الأم ليست مجبرة على إعطائك ولا فلس من مالها مادامت حية حبيتي ولى كرهتي هذه هي الحقيقة
ثالثا : تقاطعين والدتك عندما يكون لكي حق أصلا ...حتى تتخدي موقف .....و معاملاتنا مع والدينا لا تكون بالمقاطعة .....و إنما بالمحاسنة و اللين ....لأنها والدتك قبل كل شيئ

أخيرا الوالدين مطالبون بالعدل بين أبناءهم لكن لا يكلف الله نفسا إلا وسعها فالدهب عزيزتي يقوم بالملايين ووالدتك ليست عاملة من أين تاتي لكي بالمال .....إستعطفي والدك و أطلبي منه تمسكني عليه شوية ....تعرفين الآباء .....تمسكني شوية و دلكي له كتفيه .و ظهره ... تتحصلين على مبتغاكي ....هههه

أصلا نصيحة للجميع الفتيات و الله الدهب غير خسارة على جميع المقاييس ......خيط رفيع يساوي 5 ملاين علاش عليا ....و الله ما نشريه ....5000 بلاكيور و إنتهت القضية .......لي عجبو مرحبا و لي ماعجبوش يضرب راسو على الحيط ....و الله ما علابالي بواحد ................

[عبد الله 22]

السلام عليكم أمك ثم امك ثم أمك اما الذهب والمال يفنى لو تبعي الاخبار الاقتصادية على سبيل المثال ملياردير صيني يخسر اكثر من 3 مليار دولار، في رأيك كما كيلو من الذهب طان يستطيع ان يشتري بها ، لكن لن يستطيع ان يشتري به ام ، من جهة أخرى ادعي ربي يرزق من فضله فخزائنه ملأى

[houssem zizou]

العدل بين الأولاد في العطايا

يشكو من سوء معاملة أبيه، فهو يقول: إن له أخاً أكبر منه، وقد زوجه أبوه وأعطاه سيارة، لكنه لم يفعل به مثل ما فعل بأخيه رغم نصح الناس له، ثم إنه أعطاه قطعة أرض، فتصرف فيها وباعها، وسلم الثمن للوالد، ثم طلب والده ثمن تلك الأرض فأبى أن يعطيه، ويسأل سماحة الشيخ ؟؟

الواجب على الوالد أن يعدل، ولا يجوز أن يخص بعض الأولاد بعطية أو زيادة على بقية الأولاد هذا لا يجوز؛ لأن الرسول عليه الصلاة والسلام قال: (اتقوا الله واعدلوا بين أولادكم)، هذا من كلام المصطفى عليه الصلاة والسلام، (اتقوا الله واعدلوا بين أولادكم)، ولما جاءه بشير بن سعد الأنصاري رضي الله عنه وذكره له أن أعطى ابنه النعمان غلاماً، قال له النبي: (أعطيت أولادك كلهم مثله؟) قال: لا، قال: (رده، اتقوا الله واعدلوا بين أولادكم)، فليس له أن يعطي بعضهم سيارة أو مالاً أو أرضاً ولا يعطي الآخرين، لا، بل إما أن يساوي بينهم في العطاء، وإما أن يرجع في عطيته، هذا هو الواجب عليه، وأنت أيها الولد لو توسطت بعض الطيبين من الأقارب أو غيرهم حتى يصلحوا بينك وبين الوالد يكون هذا حسناً إن شاء الله أحسن من الذهاب إلى المحكمة، إن تيسر من يشير على والدك وينصحه حتى يلتزم بالحق وحتى يعدل، فهذا حسن وهذا أولى من المخاصمة، فإن أبى فلك أن تخاصمه إلى المحكمة، لك أن تخاصمه لأجل أنه قد ظلم ولا بد من تعديل من جار عن الطريق، لا بد أن يُعدَّل، ويلزم بالحق عن طريق المحكمة، وإن سمحت أنت ولم تخاصمه فأنت مأجور.

منقول من موقع الشيخ ابن باز

https://www.binbaz.org.sa/node/13103

[beka]

ربي يجيب الخير

[ام محمد31]

جنك بين يديك و هي رضا أمك التي تساوي كنوز الدنيا و انت تبحثين عن وسخ الدنيا
قد يرزقك الله من طاعتك و خدمتك لوالدتك اضعاف ما ناله اخواتك فبري امك و اغتنمي فترة حياتها قبل مماتها

[بشـرى]

الواجب على الآباء العدل بين الٱبناء ، لكن الوالدة تاعك ربي يخليهالك ربما مهيش قاصدة تفضل خواتاتك عليك ، وهذا مشي سبب باه تقاطعيها وديري ذنب كبير كعقوق الوالدين

ربي يصفي القلوب ان شاء الله

[اميرة الابتسامة]

وعليكم السلام ورحممة الله تعالى وبركاته

ياأختي والله كلشي يزووووووول و كي تتخطبي راهي ديرلك بالشييء لي تقدر عليه كوني هانية ... ربما لانو اخوتك اكبر منك سنا وأنت أظنك أصغرهم .. غيير ارجعي اهدري معاها وصفي قلبك هذا الذهب لي قاطعتيها على جالوا راهو مايسوى شيء قدام حنان أمك

[houda_jijel]

ربي يهديك اختي علاه امك قالتلك منمدلكش ؟؟كييوصل وقتك اها تديرلك انا امي كيتزوجت اختي مدتها دهب و قالتلي كيتوصلي نمدلك و اها موصيتلي بابا عليها و مانيش مهتمة
ربي يهديك و يصلح حالك كيفاه قدرتي تصبري ثانية وحدة و انتي متهدريش مع اللي تعدبت 9 اشه عليك و زيد عمرك كامل لا حول و لا قوة الا باللله

[djamel125]

كان لازم عليها انها تعدل بيناتكم بصح مهما كان تبقى امك اربحي رضاها ودعوة الخير وربي يغنيك من فضلوا

[إكليل]

و عليك السلام و رحمة الله تعالى و بركاته.

أختي أنت راكي تحسي بلي أمك فرقت بيناتكم و فضلت إخوتك عليك قد يؤلمك هذا و لكن إصبري و لا تعقي والديك لأن عقوقها أصعب بكثير و ما قد تربحينه مجرد قطعة ذهب لكن في المقاابل خسرت دنياك و أخرتك عليك بالصبر و ربي يرزقك من جهة أخرى أنت لا تعلمينها.