راح نموت من القهر 3

مشكلتي · 2013-08-15, 09:18

السلام عليكم
شكرا لمراقب هذا القسم لنزعه كل المشاركات التي اهانتني
و شكرا لكل من جاوبني
حبيت نحكيلكم
انا ديت بامر الشيبانية و محكيتش لختي و لا حاجة
و حاولت اني تجنب نحكي معاها في التيلفون لانو مانيش قادرة نهدر معاها و مانتذكرش واش دارت فينا (يعني انها ماتخذتش موقف من بن خالي الي طرد امنامن دارهم و سب ابونا و هو ميت )
واحد من الجيران شاف هادو الولا د الضغار و هما داخلين و حدهم للدار . و قعد يراقب فيهم و تبين انهم كانو جايبين بنات و من حيلتهم انو كي و قربو من بيت ختي البنات هبطو من المقاعد على جال كي يدخلو بالسيارة للمستودع لدار تبان و كانو مقاعد السيارة الخلفيين فارغين و كي يدخلو للقراج يخرجو
و لانو الجار يمكن شك كيما انا شكيت راقبهم و سمع اصوات قهقهات في الدار
و اتصل بزوج الاخت لتونس و حاكالو واش شاف واش سمع
اتصلت اخني بامي و حكاتلها و قاتلها قولي لاختي (ليا انا) نروح للبيت و نشوف واش كاين
يعني الا كاين حاجة ناقصة و لا حاجة ça va pas و لكن انا رفضت اني نروح و قلت لشيبانية قوليلها بما انو بن خالي هو المسؤول
يمالا هو يروح
و اتصلت بيا و قاتلي ماكاش الي راح يقولي الحقيقة كيما انتي الله يخليك روحي شوفي الدار
و لكن رفضت و قتلها اسمحيلي ما نقدرش نروح لبن خالي و نقولو اديني لدار و لفتحلي الدار نشوف
كي تجي انتي شوفي دارك
قاتلي كي نجي يولو عدلو الدار كيما كانت و انتي حاباتك تروحي فجاة و تشوفي واش صاير
يمالا رديت عليها قوتلها انتوما ارواحو فجاة و ماتقوقلوش بلي راكم راجعين للدزاير في النهار الفلاني

مانكذبش عليكم مش قادرة نهدر معاها و ليت كي نهدر معاها نحس بلي كرامة الشيباني و الشيبانية في الارض
لانو راجلها دايما يزقي و يعيط علينا و يستهزء بينا قدامها و ما تهدرش
لو جيت نقدر نرفد خوتاتاي و امي و نرحل كامل من هادي المدينة
لانو فقط وجوهم تخليني نتفكر مدي حقرتهم لينا و مدى قهري على كرامة عايلتي
و شكرا

آلاء فهد محمد · 2013-08-15, 10:46

ربي يفرج عليكم

صبر جميل والله المستعان

العهد الرائع · 2013-08-15, 13:13

حابة نفهم خاجة
ختك هادي هل هي من التوع الحنون معاكم ولا هي قاسية ؟
انا لو جيت في مكانك ندير واش درتي لانو تخافي كاش مايصرا فيك انتي في دار فارغة
بعني ختك حتى ما خافتش غليك
الله بهدي

بيزة الشاوية · 2013-08-15, 13:32

أختي قريت كامل مواضيعك أصبري كي عادو اولاد سوء ربي راح يكشفهم اجبدو يديكم باش من بعد ما يقولوش هما اللي حرضوهم علينا ربي يكون في يعونك و يوري الحق صاحب الحق

شوشو 11 · 2013-08-15, 13:52

ربي يكون معاكم
والشركة هلكة خاصة من الاقارب
ربي يهون

العهد الرائع · 2013-08-15, 18:40

اقتباس:

المشاركة الأصلية كتبت بواسطة شوشو 11

ربي يكون معاكم
والشركة هلكة خاصة من الاقارب
ربي يهون

فعلا كاينة منها

جمعي البشاري · 2013-08-16, 11:45

ربي يفرج عليكم

صبر جميل والله المستعان

maria maryoma · 2013-08-16, 13:39

اقتباس:

المشاركة الأصلية كتبت بواسطة شوشو 11

ربي يكون معاكم
والشركة هلكة خاصة من الاقارب
ربي يهون

فعلا هذي كاين منها عن تجربه

abdelhamid24 · 2013-08-17, 12:26

الله يبارك فيك على هذا العقـل
انتي قلبك على اختك

ما تكونيش ملك اكثر من الملك
في الاول هذا شي خاطيـــك
الناس تكسب و تحوس و انتي تكسري راسك
و اذا تدخلتي .في الاخير يخرج العيب غير فيك انتي لي فرقتي كلش

بلسم غرام2018 · 2013-08-17, 15:30

اخيتي انا متابعه موضوعك اول باول
لا تخافي ان الله مع الحق
وكما قلت لك سا بقا سياتي يوم يرفع فيهالستار وتظهر الحقيقه فلا تخافي
ونعم الراي الذي اشرت عليها به
وادعي ربي هديها اما عن اخواتك وامك فلا تحزني الي كاتبتلوا حاجة راح تجيه
والزمي الدعاء والاستغفار وكوني بجنب والدتك واخواتك
وكان الله في عونكم ا

عادل عبد الله · 2013-08-17, 19:30

لا حول ولاقوة إلا بالله الأمر الذي أحزنني هوو استهزاء الاعضاء هداهم الله أرجوا لك يا أختي الكريمة الرفج العاجل غير الآجل آمين

زهرة الحديقة · 2015-08-27, 14:32

اللهم صلي وسلم على النبي محمد

AMINA.Z · 2015-08-27, 14:40

تتحدثين عن كرامة عائلتك
و تتحدثين عن امك بصفة شيبانية ...و الله استغربت
لا احترم الرجل الذي يصف والديه بهذه الكلمات و دهشت عندما علمت انك فتاة ????????
على كل حال ربي يفرج عليكم