معضلة إيجاد زوجة 2

[مشكلتي]

السلام عليكم،
أشكر جميع الإخوة و الأخوات على إثرائكم للموضوع و على مشاركاتكم القيمة،
و الله تعبنا من هذا الموضوع، كأنا نبحث عن إبرة في عدة أكوام قش،
بالنسبة للأخ الكريم الواثق سآخذ بنصيحتك، شكرا أستاذنا،
بالنسبة للأخت amira1989، أنا لم أقل أن العاملات في مجالات أخرى لايصلحن، فمن وجهة نظري الخاصة عدا الطب و التعليم لن أقبل أقبل زوجة تعمل في مجال آخر، فلا تقوليني ما لم أقل، وشكرا على مشاركتك.
بالنسبة للأخت KAMLA33، فأنا أبلغ 30 سنة، ومهندس، والحمد لله، أشكرك على مشاركتك القيمة أختي الكريمة.
أختي القابضة على الجمر : والله طلعتيلي المورال، مشكورة جزيل الشكر.
جزاكم الله كل خير.
سلام.

[rose de sable s]

ربي يجمعك بالزوجة الصالحة التي ترضي رغم انهن كثيرات
لا اعلم اين خلل البنات تقلن لم نجد زوج صالح و الرجال كدلك
ربي يرزقنا ازواج صالحين

[بشـرى]

السلام عليكم ورحمة الله وبركاته
ٱخي ربي يرزقك الزوجة الصالحة ، توكل على ربي وادعيه وكثر الاستغفار والله مفعوله عجيب
كما قالت الاخت قبلي نحير الرجال ملقاوش زوجات ، واحنا النساء نسناو في ولد الحلال مجاناش وما علينا الا الدعاء
والحمد لله كاين اللي مزالو حابين طبيبة لٱني حسبت خلصت عليا لٱني طبيبة ، واتخرجت هذا العام ومتزوجتش
الناس كامل هازين نظرة خاطئة على الطبيبة انها ماش متربية ومتكبرة مفهمتش علاه، كرهوني وندموني على نهار لي درت فيه طب .
ربي يرزق كل محتاج ان شاء الله

[الواثق]

والشكر موصول لكم ..............من بعد نعطيك نسخة من كتاب كفاحي هههه........بلاك يساعدك هههه
وفقكم الله ورزقكم الستر والعفاف

[~رآقية بأخلآقي~]

المشاركة الأصلية كتبت بواسطة maya bouchra

السلام عليكم ورحمة الله وبركاته
ٱخي ربي يرزقك الزوجة الصالحة ، توكل على ربي وادعيه وكثر الاستغفار والله مفعوله عجيب
كما قالت الاخت قبلي نحير الرجال ملقاوش زوجات ، واحنا النساء نسناو في ولد الحلال مجاناش وما علينا الا الدعاء
والحمد لله كاين اللي مزالو حابين طبيبة لٱني حسبت خلصت عليا لٱني طبيبة ، واتخرجت هذا العام ومتزوجتش
الناس كامل هازين نظرة خاطئة على الطبيبة انها ماش متربية ومتكبرة مفهمتش علاه، كرهوني وندموني على نهار لي درت فيه طب .
ربي يرزق كل محتاج ان شاء الله

عندك حق خاصة مع موضوع les gardes من النادر تلقي شخص يقبل بيه.. -_-

ان شاء الله ربي يسهل للأخ ويرزقه الزوجة الصالحة المهم فقط تقوى الله و إخﻻص النية وصدقها وبإذن الله لن يخيب....

[بشـرى]

المشاركة الأصلية كتبت بواسطة elamine619

و هل ترينه أمر عادي موضوع les gardes ؟؟ أود معرفة وجهة نظركن فقط

ٱخي عندك الحق مشي نورمال المرٱة تدير لي غارد، انا كي كنت نقرا الله غالب تحتمو عليا ندير ، واذا ربي كتبلي ونجحت في امتحان التخصص رايحة ندير اختصاص مخبري والا طب اطفال ، لاني بعد منحبش الاختلاط ، واذا كتبلي ربي ودرت اختصاص فيه لي غارد رايحة نديرهم ونحتسب اجري عند الله ، واذا توظفت نقدر نبيعهم ومنديرش .
وماش اي طبيبة دير لي غارد راهي بلا حكم ولا مش متربية، الحمد لله درت لي غارد وكنت نحتسب اجري لله، والحمد لله راني عارفة حدودي وحدود التعامل مع الرجال، والحمد لله محافظة على حجابي وصلاتي وقرآني ، وخوفي من ربي اكبر من اي حاجة، لاني شفت الموت بعيني وشفت الميت وشفت اناس في سكرات الموت، وشفت المرض بٱنواعه،كل هذا زادني قرب من الله وراني نخدم عل وعسى عملي ولا مساهمتي في مساعدة الناس يكون شفيع لي يوم القيامة .
احسنوا الظن بالناس
اذا مرضت زوجتك ولا اختك ولا امك اكيد رح تشوفلها طبيبة، وخاصة فالليل، كانو يجيونا نساء نقلبوهم احنا واذا استعصى علينا الامر نشاورو الطبيب المناوب معنا وحتى الزوج يرتاح كي حنا نقلبولو مرتو ، واذا كان راجل يقلبو الطبيب واحنا نجبدو عادي .

[بشـرى]

المشاركة الأصلية كتبت بواسطة elamine619

أنا لم أسيء الظن ولكن لو كنت متزوج و مرتي تروح تدير لي قارد راح نبقى نشك حتى لو كانت محل ثقة و تعرف حدودها لكن الشيطان يجري من ابن آدم مجرى الدم .......

ٱخي عندك الحق تخاف وتتوسوس، لاني انا نقولك كاين صح عباد ميخافوش ربي ، واللي ميخافش ربي منين تحطو يعصي ربي سواء فالمستشفى ولا غيرها، حتى لو كانت ماكثة في البيت.
اما اللي تخاف ربي منين تحطها رح تلتزم بحدود الله، وقبل ما تفكر دير حاجة تفكر ديما بلي ربي يراقب فيها وقادر يقبض روحها في اي وقت ، الموت مشي بعيدة على اي واحد صحيح ولا مريض.
انا الحمد لله صح ماش متزوجة ولا مخطوبة بصح كي ندير غارد اولا نحتسب اجري لله ونستغفر ديما ربي اذا درت ذنب عن غير قصد ، وثانيا منخونش ثقة حطها فيا ٱبي قبل كل شيء، عندي قناعة انو لي مكتب ربي يوصل لباب الدار ، اما الخلوة والقصرة مع الرجال الحمد لله جامي درتها ومنديرهاش، والحمد لله ملتزمة بحجابي ونفكر ندير جلباب ، وٱسٱل ربي الثبات .
ان شاء الله برك الناس يحبسو من الظنون تاعهم ويبركاو ما يعممو فيها ويقذفو فالمحصنات، لا انكر ما يحدث فالمستشفيات وخاصة فالليل لكن كما قلتلك لي ايمانهم ضعيف وميخافوش ربي .
وانت اخي انصحك متديش طبيبة لانك ممكن تظلمها بالشك تاعك .

[عمر منير]

السلام عليكم
اساس العلاقة الزوجية الطيبة هما امرين و هما ميزان الزواج انهما الثقة و الحوار
اذا لم تستطع الثقة في المراة التي ستتزوجها فالافضل ان لا تتزوجها اصلا
و اذا لم تستطع محاورة زوجتك حول مخاوفك او شكوكك فلن تستقيم الحياة الزوجية ابدا
تاكد ان اخلاق المراة لا يحكمها مكان العمل ولا نوعه فكثيرا ما سمعنا بنات غير متحجبات لكنهن عندما يتعلق الامر بالعفة و الشرف تجدهن اسودا يقفن الند للند
و راينا او سمعنا عن الكثير من ماكثات البيت اللواتي انحرفن
ان اصعب شيء على الرجل هو قذف المراة و اتهامها سواء كان هذا على سبيل الظن او الشك
فاذا وصل الزوج الى حالة يفقد فيها الثقة في زوجته فالافضل ان لا يكمل معها الطريق لانه هكذا سيظلم نفسه و يظلمها
ان الزواج قدر فانت لا تعلم او تعرف من ستكون حليلتك او زوجتك لكن هذا مكتوب عند الله
فقط على الرجل ان يحب لنفسه ما يحب لغيره فالرجل الذي له زوجة و اخت و ام لا يجب ان يسيء الى النساء و يفسدهن و ان لا يتحجج بعذر انها متحجبة او لا فستحاسب و تذكر كما تدين تدان
ادعو الله لي و لكم ان يرزقنا زوجة صالحة تقربنا من الله اكثر و ان يمدنا بالحكمة و العمل بان نكون ازواجا صالحين متحملين لكافة مسؤولياتنا و ان نكون سببا في سعادتهن اما النساء فندعو الله ان تجد كل امراة نصيبها و ان يرزقها الله زوجا صالحا يملا عقلها و قلبها
و في الاخير دمتم طيبين و في امان الله

[salem1985]

السلام
خويا رانا كامل الرجال كيما هاك انا راني اكثر من عامين ما لقيت بنت الي تقبل شروطي رغم اني لا اشرط غير الهناء واللباس المحتشم والاخلاق ولم اشرط لا عاملة ولا ماكثة في البيت وراني خدام ولدي مسكن والحمد لله ولكن الدنيا عاطيتني بظهرها والحمد لله على كل حال امنيتي اني نلقى في هذا المنتذى الي ترطى بشروطي ولا توجهني وامنيتي ان اmaya bouchra تقبل بشروطي وتكون لي سند في هذه الحياة

[amira1989]

يا خويا بدل عقليتك اديها تخدم خدمة اخرى راك تلقا بزاف

[مؤمنة بالله]

من أي ولاية أنت؟؟؟؟؟؟؟
والله فيه بنات حلال بزاااف

[salem1985]

والله تعبنا كلنا في البحث عن زوجة طلبي من ادارة المنتدى ان تخصص قسم لهذة الطلبات وتكون تحت اشرافها وساكون اول المتصلين لاني في حاجة ماسة لاي فتاة تقف الى جانبي وتسترني ربي يقدرنا للخير ويوفقنا عاونونا بدعواتكم رانافي الصحراء السخانة تهبل والمورال 00

[darwina.koom]

يا اخي شوف الماكثات في البيت و نصيحة مني ليك انسى المستوى التعليمي ,,,, عن تجربة ماكاش فرق بين الجامعية و غيرها

واش راح تزيدلك لي عندها ماستر ميكانيك او هندسة مدنية او كيمياء او رياضيات او اي شهادة اخرى ؟ ولا شيء

انت تحوس تتزوج بالمراة لي تتهل بنفسها و دارها و اولادها و بيك - و الا واش ؟ اذن نحي من راسك شرط لازم تكون جامعية

[الواثق]

فقط ملاحظة.........على الرجل ان يكون رجلاقويا في طلبه للزواج ولايتخذ من نفسه مواقف ضعيفة او حتى مضحكة ..........موت واقف ههههه..........راهم لي خلاو النساء يتقلشو ويكبرو قرون موقف الرجل الضعيف .......واكيد المرأة هي ضعيفة بطبعها وتبحث عن القوي ماشي واحد كيفها ................والله المستعان

[أم سلوى]

المشاركة الأصلية كتبت بواسطة salem1985

السلام
خويا رانا كامل الرجال كيما هاك انا راني اكثر من عامين ما لقيت بنت الي تقبل شروطي رغم اني لا اشرط غير الهناء واللباس المحتشم والاخلاق ولم اشرط لا عاملة ولا ماكثة في البيت وراني خدام ولدي مسكن والحمد لله ولكن الدنيا عاطيتني بظهرها والحمد لله على كل حال امنيتي اني نلقى في هذا المنتذى الي ترطى بشروطي ولا توجهني وامنيتي ان اmaya bouchra تقبل بشروطي وتكون لي سند في هذه الحياة

الله يبارك..مازال اخي الكريم..لم تتزوج....ان شا الله..تقبل بشرى عرضك..وبالتوفيق..