انا قبيحة الوجه

[مشكلتي]

السلام عليكم
مشكلتي ان وجهي قبيح مانيش مليحة فزي كيما البنات مي يا خاوتي انا ماعنديش بروبلام و العباد نتاعنا ربي يهديهم مايخليو حتي واحد في حالو منين نخرج يبداو يطيشو فالهدرة قولولي كيفاه نديييير

[جمال6]

وعليكم السلام اختي
الجمال جمال الروح اما عن الوجه فهذا من صنع الخالق
نصيحتي لك اختي ان لا تكترثي لاقوالهم واشغلي وقتك وتفكيرك في ذكر الله

[om rym]

سلام عليكم
اختي الجمال جمال الروح والاخلاق واكيد ربي مايحرمنا من شيء حتى يعطينا اشياء
ماتديهاش كامل فيهم لانو هادوك مرضى في قلوبهم وما رايحن يخطو حتي واحد زين ولا شين لذلك لا تضيعي وقتك في التفكير فيهم وعيشي حياتك ولي يهدرهالك في وجهك قوليلو راك تعيب عليا ولا على لي خلقني.
استغفر الله
تقبلي مروري.

[مجرّد إنسان]

البسي النقاب
يقول تعالى :
(يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا)

[الواثق]

اول مرة نسمع بنت تقول انها قبيحة .....مافهمناش واحد يشتكي من الوسامة ووحدة تشتكي من القبح ......في حين ان هذا الامر نسبي وكل واحد ورؤيته للاخر .......والكحلوشة تقول لو نكون بيضة برك ماعليش قبيحة ......والقبيحة تقول او نولي كحلوشة برك المهم حلوة ............وزاد هذا احرش وهذي ملساء..............انعيب لخالق ام المخلوق......الله المستعان

[zizou b]

ربي يهدي العباد والله يااختي لي في قلبك يبان على وجهك انتي برك متقلقه وهذا وسواس برك

[ranou gigi]

احقري عليك هذوم مش عباد لانه الانسان الفاهم و العاقل عمرو مايسب خلق الله مالا نصيحة لأختي ماتعطيهمش قيمة و ماتقلقيش روحك و الزين زين لفعايل سقسي على الزهر برك

[فاطمة الزهراء 29]

ربي بهديهم يا أختي راهم يعيبوا في خلق ربي
الجمال الحقيقي هو جمال الروح و الاخلاق ماشي الشكل لانو الجمال الخارجي قادر يزول في اي لحظة
و كيما قالت الاخت ربي لا يحرمنا من شيء حتى يعطينا شيء اجمل و افضل منه

[zouzou2010]

ههههههه في الدنيا هادي مكانش واحد شباب واحد ماشي شباب كل واحد واش تحب نفسو كاين لي يحب البيضة وكاين ليذيحب السمرة كاين لي يعجبو ستيل تاعك ومايعجبوش ستيل تاع وحدة تكون ملكة جمال وزيد الجمال جمال الاخلاق واللسان واللباقة وادا حبيتي تكوني شابة في عنين الناس كوني مليحة في اخلاقك
/وادا نتي تشوفي روحك قبيحة سيي تغطي باللبسة تكون شابة وخلاص/

[soumia bougaa]

يااختي الانسان يشوف روحو بالحاجة الي هو يتحكم فيها .. وهو الي يزيدها في داتو كيما الشخصية القراية التربية الاخلاق تاعو ..
اما الزين والرزق فهادوك حوايج ربي سبحانو في الي يمدهم ومانظنش كاين مخلوق عندوالحق يباهى بيهم ..
وربي سبحانوفي القران يقولك "هوالدي صوركم فاحسن صوركم " سورة الملك ..

[اخت الرجل]

لا تكترثي لهم ماكاش الشباب فذي الدنيا والزين زين القلب
نصيحة البسي الحجاب الشرعي باه تعفي روحك من الهدرة وتكون عبدة صالحة ان شاء الله

[kadidou1980]

اكثري من الذكر
فهو نور الوجه
وادعي ربي يلقي القلوب في قلوب عباده لك
ولا تنسي التستر بالحجاب الشرعي فهو الانسب لكل مسلمة
ربي يهدينا ويرضيك بما وهب الله لك

[mira92]

اختي الجمال جمال الروح والناس ربي يهديهم

[نورسين.داية]

لن أكرر أسطوانة الجمال جمال الروح عزيزتي لكن يجب أن تغيري أنتي مفهومك الداخلي لنفسك .....علاش ؟؟ لأن الجمال الخارجي هو عطية الله عز وجل و لم نختره نحن لأنفسنا ......بقي ما يراه الغير هذه مشكلته و عليكي ألا تعيري تعليقات الغير أهمية ...و السلام ....يكفي أن تعليقاتهم تبين سوء الخلق الذي يتمتعون به و مستواهم في التفكير ....
وفقكي الله أختي

[oum imane83]

الجمال ليس له معيار او مقياس نقيسو عليه ... لا شكل الوجه ولا وسامته التي تجعل الانسان محبوبا او مدوما ..كل واحد فينا له جادبية خاصة به .. الي نلقاو سحر في ابتسامته ..في كلامه.. في طرقة تعبيره.. في دكائه .. معاملته.. تربيته ...