قلبي مكسور

[مشكلتي]

السلام عليكم
يالله من 3 سنين وأحنا من مصيبة لمصيبة احنا 2 بنات و طفل من عائلة محافظة والحمد لله مشاكلنا بدات من نهار الي تطلقت أنا و انا في عمري 20سنة كانت صدمة للجميع الحمد لله. ما جينا ننساو هذي المصيبة الا أن تهمو خويا الوحيد وراهو محبوس حكمو عليه ب 3 سنين هو كان دركي .خويا ضحاو بيه يا ناس الي فوق منو ربي وكيلهم كي نتفكر نهار الي تكون عندو مهمة تمشيط يجي ايديه يقطرو بالدم كي يطلع الجبل قلبي يتحرق. وخدمتو و تعبو كامل ما شفعولوش حتى العفو ما عندهمش الحق فيه .أمي مسكينة تحرق القلب هذاك ما تسعىتظل تدعي على اللي داروها بيه"حسبنا الله ونعم الوكيل " . صدقوني والديا برغم المصائب هاذي كل يوم يزيد ايمانهم أكثر و أكثر
أنا والله ماني معارضة لقدر الله بصح حبيت نفرغلكم قلبي لأني تعبت حبيتكم تدعولنا برك ربي يجمع شملنا وربي يكبر لخويا بالو وجزاكم الله خير