بخصوص فيزا فرنسا

[cilia]

السلام عليكم
حبيت نسقسيكم انا اعطاوني الفيزا نحو فرنسا فيها شهر في 6 اشهر اي تبدا من نهار 20/05/2015 و تكمل حتى 20/11/2015
و البارجمون نتاعي تبدا من 16/06/2015 حتى 17/07/2015 ، حبيت نعرف وقتاش نقدر نروح اسكو نقدر نروح حتى اواخر الشهر نتاع البرجمون يعني 10 جويلية اولا لا

[حميد.ص]

صراحة لا علم لي

لكن نقولك ان شاء الله ربي يسهلك و تروحي و تجي بالسلامة

بالتوفيق ان شاء الله

[cilia]

شكرا ربي يحفظك

[taym80]

ايه تقدري عادي جدا

[mehamade]

السلاااااام عليكم أختي الكريمة مبروك عليك الفيزة انا من مستغانم راني باغي تفيديني بالملف تاعك بشوية تفصيل اما هنا او في فيس بوك ربي يجازيك ساعديني وربي يسهل لك انتي كذلك
في انتظار ردك

[cilia]

اوكي خويا ماشي مشكل
قولي انت طالب و الاب نتاعك اسكو fiche de pay نتاعه مليحة شوية

[saddam02]

oui tu peut pas de Problème

et B'sahetaaaake

[mehamade]

مانيش طالب أختي انا محامي المهم انا مانيش باغي ندير كشف الحساب البريدي بصح باغي ندير كشف حساب بنكي انتي درتي كشف حساب بنكي اذا درتي شحال درتي فيه الدراهم ؟؟؟ ودرتي كشف الحساب البنكي بالدينار والاورو ولا بالدينار برك ؟؟؟ وبخصوص التأمين وين درتي التأمين ؟؟ وشحال درتي مدة التأمين ؟؟ وشحال عمرتي في الفورميلار مدة العطلة اللي راح تقضيها في فرنسا واخيرا وين درتي الحجو الفندقي اذا درتيه ؟؟ درتيه وحدك في الانترنت يعني حجز وهمي ولا بالدراهم في مراكز الحجز برا ؟؟؟؟

[mehamade]

بالاضافة الى شحال قعدتي تنتاظري باش يخرج لك الباسبور من وقت دفع ملف حتى لي خرج لك الباسبور ؟؟؟؟؟؟

[cilia]

خويا فيزا نتاع طالب ماشي كيما نتاع مهنة حرة كل وحدة لوحدها انا درت نتاع طالب نقرا ماستر و نخدم بالكونترا بصح درت نتاع طالب ٠ الكونت مدرتش قاع درت كشف الدخل نتاع بابا و فيما يخص الحجز الفندقي مادرتوش درت البارجمون و الفوغميلار درت فيها شهر حساب البارجمون التامين درت في axa درت شهر ٣٥٠الف ٠ الملف دفعته ب ١٨ ماي و في ٢١ ماي عيطولي ي و قالولي الباسبور راه واجد بصح كاين اللي قعد ٢٠ يوم باه عيطولهم ٠ بغيت نسقسيك انت وقتاش كملت القرايا بلاك نكون نعرفك لخاطرش انا تاني قريت حقوق في مستغانم

[akramgc]

congratulations

[hamza bennouioua]

المشاركة الأصلية كتبت بواسطة cilia

خويا فيزا نتاع طالب ماشي كيما نتاع مهنة حرة كل وحدة لوحدها انا درت نتاع طالب نقرا ماستر و نخدم بالكونترا بصح درت نتاع طالب ٠ الكونت مدرتش قاع درت كشف الدخل نتاع بابا و فيما يخص الحجز الفندقي مادرتوش درت البارجمون و الفوغميلار درت فيها شهر حساب البارجمون التامين درت في axa درت شهر ٣٥٠الف ٠ الملف دفعته ب ١٨ ماي و في ٢١ ماي عيطولي ي و قالولي الباسبور راه واجد بصح كاين اللي قعد ٢٠ يوم باه عيطولهم ٠ بغيت نسقسيك انت وقتاش كملت القرايا بلاك نكون نعرفك لخاطرش انا تاني قريت حقوق في مستغانم

يوم 18 ماي تم دفع الملف في tls ويم 21 ماي جاك المساج وعيطولك باه تركيبيري الباسبور
هذي مازال ماغناوش عليها حتى في السينما يا أخ

[cilia]

انا اخت ماشي اخ
و معنديش علاش نكذب فيزا طالب 4 ايام و يمدوها خويا سقسي مليح في الكونسيلا نتاع وهران

[cilia]

11303531_1584993888434874_1327510289_n

[MIDOt1999]

الله يبارك راكم غي الفيزا لله يسهلكم تستاهلو كامل