خلاصة الكلام حول سحب الباك الأول والتسجيل بالجديد بالنسبة للأحرار

[*محب النجاح*]

السلام عليكم
الحمد لله اليوم سجلت في كلية الطب قالوا لي نعطوك مهلة حتى سبتمبر باه تسحب الباك الأول وبخصوص ملف المنحة نديرولك برك تحويل للدوسي الأول في أكتوبر أما الإقامة طلبت مني سحب الباك لكن قلتلها هو مستحيل حاليا حتى سبتمبر لكن عطيتها بلوكاج لعام ماضي وقبلت وسلمتني مقرر الإيواء لكن قاتلي تاني في سبتمتبر سلمني سحب الباك ربما الأمر مختلف في جامعات أخرى والله أعلم

[mouradbibou]

انت في اي جامعة ؟؟

انا عندي نفس المشكل .. جبت الباك وعاودت عطاوني طب في سطيف ... غدوة رايح نسجل وراني حاير

[*محب النجاح*]

المشاركة الأصلية كتبت بواسطة mouradbibou

انت في اي جامعة ؟؟

انا عندي نفس المشكل .. جبت الباك وعاودت عطاوني طب في سطيف ... غدوة رايح نسجل وراني حاير

أنا في تلمسان
فقط إتكل على الله وسوف تتضح لك الأمور أنا تاني رحت حاير
المهم سقسيهم على كل حاجة
بالتوفيق إن شاء الله

[Mina Ylva]

نورمالمو ماكان والو انا ثاني نجحت باك حرة و سجلت طب في سطيف..كاين غير وحد التعهد بعدم تسجيل آخر .''.يعني أنك مسجل غير طب ''و تروح تصادق عليه في اقرب بلدية وثم ثم ترجعو تحطو مع الدوصيي تاع التسجيل..انا عاودت خدمت كلش جديد..إقامة منحة إطعام مكتبة ..خاطر العام لي فات بلوكيت