رولي الدجاج بالسلق من مطبخي

[عازفة الناي]

السلام عليكم ورحمة الله تعالى و بركاته
طبق اليوم رولي الدجاج بالسلق امممممممممممممممممم روعة وبنة هايلة
طلباته مني ام سمسومة الغالية تسمحلي اني طولت عليها
المقادير :
* صدر دجاج مرحي نضيف له ثوم مرحي مجفف او حب و ملح ، فلفل اسود، بهارات ، و كركم ، معدنوس ، موطارد ، زنجبيل مرحي و شوي هريسة للبنة ونخلط مليح نتركه على الاقل نص ساعة وبعدها نضيف بيضة ونخلط مليح
* السلق او السبانخ نغسلهم مليح و نقطعهم ونذبلهم فشوي زيت و ملح .
* نحتاج شوي فرماج وممكن زيتون اخضر
التحضير
* نأخذ نيلون و نحل عليه الدجاج بهذا الشكل

* و من بعد نعمل فوقه طبقة السلق و نرش عليه الفرماج و ندور بهذا الشكل

* من بعد نغلفه مليح بالنيلون ونزيد نغلفه بالالمنيوم جيدا جيدا و نربط الاطراف
* نحطه فقالب و نضع القالب فمول اكبر و نصب فيه ماء ساخن و ندخله للفرن و مرة على مرة ندوره
* نطيبه على حمام مائي
* مدة الطهي حسب حرارة الفرن
* بعد ما يطيب ننزع الالمنيوم و النيلون ونتركه شوي
* في مقلاة نذوب شوي سمن او زبدة و نحمر فيها الرولي

* نتركه يرتاح مدة 5 د و نقطعه





* يقدم مع صحن بطاطا مقلية

* او صحن ارز اممممممممممممم

او سلطات حسب الموجود





ان شاء الله يعجبكم
دعواتكم لي و لاهلي بالخير و لكم بالمثل