روبة سطايفية والبلوزة الوهرانية

[nawal_02]

السلام عليكم
حبيت نسقسيكم يا اصحاب الشرق وخاصة السطايفية
واش هو الفرق بين روبة سطايفية والبلوزة الوهرانية
بحكم اني راني نوجد في حويجات لجهازي انشاء الله حبيت نفهم واش هو الفرق بيناتهم وايلا تكرمتو واعطيتولي مودالات جدد ماذا بيا

[nawal_02]

!!!!!!!!!!!!!!!!!!!!!!!!!!!!!!!!!!!!!!

[الجزائر الغالية]

أنا نضن مكانش فرق غير التسمية

[stayfiya]

البلوزه يجي فيها لاستيك تحت الصدر و لاطاي و غالباً لمناش و السانتوره اما البينوار ف يكون الخدمه في الصدر و الظهر و ممكن من اسفل
البنوار تطور بزااف عندنا منين راح. يولي افضح و أغلى

[nawal_02]

شكرا حبيبتي سطوووووووووووف نحلة المنتدى بصح والله ما فهمت مليح ممكن توضحيلي بالصور..

[stayfiya]

اوكي ميش مشكل
البلوزه اسمها هكذا عند الغرب الجزائري حنا عندنا اسمو البنوار
هوما يخدمو تحت الصدر لبليسي كي شغل يلصقو الصدر لمحرج فوق صدر اخر و يتبعولها ليمونش و السانتوره و في لبدن وين الخصر يعملو لاستيك ساير داير

اما البنوار يجي الصدر وحدو بلا دوبلير و كون يبلاسيوه فوق دوبلير اغلب الأحيان نقطعو الفراغات و من اسفل نستعملو لاستيك على لجوانب فقط او الخلف ولا نستغناو على لاستيك و نعملو فيرميتور كيما المودالات الجديده
لا اخص بالذكر البينوار السطايفي الحر يجي الصدر في لبدن و يكون عرضو من اسفل ميطره من اما و ميطره من خلف و الشنطه أي الدونتال جي محيطه بالصدر منقوشه طولها ميطرتين و نص و الصدر مطروز او محرج او حتى سامبل بالقالون لكن راه ما عادش يلبسوه العرايس الا القليييل و يكونو خارج الولايه او مستهلك من طرف النسا لكبارات



نتمنى تكوني فهمتي