الاقامة الجامعية

[lordgaga]

ارجو من الاخوة الكرم1

1- افادتنا بخصوص تجربة الاقامة ?????
2- كيفية التعود علي غياب الاهل خاصة اناوجهت لمدينة بعيدة ????
3و كيف اجد اكل صحي????
4- كيف يمكنني ان اطبخ ???
5- كيف اجعل هاته الحياة سهلة لكي استطيع الدراسة ?????

[maha-miley]

ana 3andi le mm problem hata mes amies mahomch m3aya w zado khawfon i galoli l jami3a mich mliha

[~الحمامة المطوقة]

السلام عليكم،، جميعنا نحتاج لنصائح اهل الخبرة
اما بخصوص الطبخ فقد طرحت موضوعي في قسم الاطباق الرئيسية و قسم المعجنات
فارجو الا يخيبونني ،

[~~نهال~~]

اي عادي ختي مشكل الطبخ
شوي خبز و فرماج او بيض او ياغورت و تحل المشكل ههه
بغيت نسقسيكم
في ملف الايواؤ لقيت تع تعهد الولي بدفع المستحقات المالية
طلبوها منكم؟

[Abo Al-EoS~]

السلام عليكم

نفس السؤال والتخوف راودني في السنة الأولى

لكن مع مرور الوقت ستتعود على حياتك الجديدة (تولي تروح لداركم ضيف)

1- الاقامة في اليوم الأول كابوس حقيقي .. من الباب إلى الفراش إلى الحمام (أعزكم الله)
بعد أيام قليلة جدا ستتقبل الوضع وتصبح هذي هي حياتك .. فلاداعي للقلق في أيامك الأولى هذا شيئ عادي
الشي الجميل .. أن هناك الكثير من الطلبة حولك يشاركونك نفس الشعور
نصيحة: في الأيام الأولى حاول أنك تتلقى النصيحة من الطلبة القدامى فهذا يخفف عنك الضغط قليلا (لكن لا تثق كثيرا في الغرباء)

2- الأهل وخاصة الأم .. راح تحسها عايشة معاك فالأيام الأولى من كثر الاتصال (أول سؤال راحا تسقسيك واش تعشيت )
الحمد لله رانا ف عصر التكنلوجيا .. لكن ماتديرش ف بالك إذا كنت بعيد بأكثر من 150كم أنك كل أسبوع ف الدار (أبدا فهذا يخل بحياتك الجامعية)

3- بالنسبة للاكل .. في عامك الأول وخاصة أيامك الأولى .. رح تشعر بالخمول والنوم لساعات كثيرة حتى 16 ساعة يوميا بسبب الاطعام الجامعي
هذا شيئ طبيعي ومن غير ما تتوسوس .. هناك مادة توضع فالاكل ستشعرك بالخمول والنوم غير العادي .. وهذا سيستمر معك طيلة العام الأول فالجامعة .. حتى يتعود جسمك على هذه المادة وتصبح عديمة المفعول
المهم حاول تجنب شرب الحليب صباحا فالاقامة باش تقدر تقرا .. وإدا كنت ميسر الحال وعندك وقت الحل في الطبخ (إدا ماعندكش امتحان)
وكي تكون حاب ترقد عليك بالريسطو ..

4- الطبخ يدي وقت: التحضير الاكل الغسيل .. نصيحة ماتخليهش يديلك وقتك فالامتحانات اوكي؟

5- تنظيم الوقت هو الأمر الأساسي للنجاح فالجامعة

والله الموفق

2-

[تريكوتبو]

اي اقامة ؟
اذا طب او بباب الزوار الاكل في الشهر الاول حاشا نعمة ربي بعد مايفوت شوية وقت تولي مليحة
بالنسبة للطبخ ممنع الغاز مسموح الكهربائي فقط و ماراحش يطيبلك مليح , نتوما البنات اظن يقومو بتفتيشكم يعني متقدريش تدخلي الغاز معاك بالنسبة للذكور الشهور الاولى يديرو مراقبة اومباعد يرخو دخل معاك قرعة صغيرة في السيارة و من عندي ميكفيكش الوقت باش طيب مع القراية الااذا كانت الايام قليلة للدراسة
النوعية تاع الاكل من بكري عيانة بصح توالف و تولي تاكل
باش تتعود دير صحابك العب بالون الخ الحقيقة و الله ماراني شافي كيفاش كانت الايام الاولى و كيفاش عرفت ناس و الحمد لله
كل لي قلتو يمكن يختلف حسب الاقامة

[{ حديث الوجدان }]

جماعة أنا نعرف نطيب ونغسل الملابس ههههههه


يعني تنصحوني ماناكلش الماكلة نتاع المطعم ؟

++

بالنسبة للاستحمام كيفاش كل ما تحب تستحم تروح

ولا بالوقت ؟

[تريكوتبو]

كل اقامة و كيفاش خويا انا في باب الزوار عمري لاطيبت ماكلة ديما من الاقامة ( جاج لحم روز حوت طون بنان ياغورت فريت عصير )

[تريكوتبو]

بات في الدوش مكاش لي يهدر معاك

[تريكوتبو]

انا عندي الحياة بالاقامة افضل و مرة في السمانة نهبط للدار كل واحد و عقليتو

[XBEY]

المشاركة الأصلية كتبت بواسطة abo al-eos~

السلام عليكم

نفس السؤال والتخوف راودني في السنة الأولى

لكن مع مرور الوقت ستتعود على حياتك الجديدة (تولي تروح لداركم ضيف)

1- الاقامة في اليوم الأول كابوس حقيقي .. من الباب إلى الفراش إلى الحمام (أعزكم الله)
بعد أيام قليلة جدا ستتقبل الوضع وتصبح هذي هي حياتك .. فلاداعي للقلق في أيامك الأولى هذا شيئ عادي
الشي الجميل .. أن هناك الكثير من الطلبة حولك يشاركونك نفس الشعور
نصيحة: في الأيام الأولى حاول أنك تتلقى النصيحة من الطلبة القدامى فهذا يخفف عنك الضغط قليلا (لكن لا تثق كثيرا في الغرباء)

2- الأهل وخاصة الأم .. راح تحسها عايشة معاك فالأيام الأولى من كثر الاتصال (أول سؤال راحا تسقسيك واش تعشيت )
الحمد لله رانا ف عصر التكنلوجيا .. لكن ماتديرش ف بالك إذا كنت بعيد بأكثر من 150كم أنك كل أسبوع ف الدار (أبدا فهذا يخل بحياتك الجامعية)

3- بالنسبة للاكل .. في عامك الأول وخاصة أيامك الأولى .. رح تشعر بالخمول والنوم لساعات كثيرة حتى 16 ساعة يوميا بسبب الاطعام الجامعي
هذا شيئ طبيعي ومن غير ما تتوسوس .. هناك مادة توضع فالاكل ستشعرك بالخمول والنوم غير العادي .. وهذا سيستمر معك طيلة العام الأول فالجامعة .. حتى يتعود جسمك على هذه المادة وتصبح عديمة المفعول
المهم حاول تجنب شرب الحليب صباحا فالاقامة باش تقدر تقرا .. وإدا كنت ميسر الحال وعندك وقت الحل في الطبخ (إدا ماعندكش امتحان)
وكي تكون حاب ترقد عليك بالريسطو ..

4- الطبخ يدي وقت: التحضير الاكل الغسيل .. نصيحة ماتخليهش يديلك وقتك فالامتحانات اوكي؟

5- تنظيم الوقت هو الأمر الأساسي للنجاح فالجامعة

والله الموفق

2-

بالنسبة للمادة اظنها اشاعة لا أكثر ....
حليب تاع الصبح نشرب منه 4 و3 كيسان ونعقب النهار عادي ....
++ مام العاملين يكالوا نفس الماكلة ويدو للأهل تاعهم ...

[Abo Al-EoS~]

المشاركة الأصلية كتبت بواسطة xbey

بالنسبة للمادة اظنها اشاعة لا أكثر ....
حليب تاع الصبح نشرب منه 4 و3 كيسان ونعقب النهار عادي ....
++ مام العاملين يكالوا نفس الماكلة ويدو للأهل تاعهم ...

لا ماشي إشاعة

رانا كامل حسينا بنفس المشكل فالعام الأول .. ومبعد والفنا

بالاك انت عندك مناعة قوية الله يبارك

كون جيت نعرفك قبل 4 سنوات كون طلبت منك تعطيني شوي من مصل الدم تاعك :d

ربي يحفظك

[* حبّ الله *]

خاوتي كاين المخدرات فالماكلة !!!!!!! و لا كيفاه؟؟؟؟

[Abo Al-EoS~]

المشاركة الأصلية كتبت بواسطة حبّ

خاوتي كاين المخدرات فالماكلة !!!!!!! و لا كيفاه؟؟؟؟

لا .. لكن هناك مادة توضع في الطعام للتقليل من الغريزة الجنسية لدى الطلبة

للتقليل من المشاكل

وعندها تأثير تانوي .. وهو الشعور بالنعاس والنوم لساعات طويلة

[{ حديث الوجدان }]

المشاركة الأصلية كتبت بواسطة حبّ

خاوتي كاين المخدرات فالماكلة !!!!!!! و لا كيفاه؟؟؟؟

هههههههههههههههههههه