اولا مبروك عليك الباك
بسم الله .... رياضيات و اعلام الي هي شعبة مليحة بزاف حلوة قرايتها
انا هاذ العام خلصت ليسانس رياضيات و نهار دخلت ليها كنت كيفك معلاباليش واش نقراو فيها و ملقيتش لي ينصحني و يوريلي كيفاش نقرى مالا ضك انا ننصحك
في سنة اولى تقراي جذع مشترك فيه مقاييس يخصو الرياضيات كيما
التحليل )analyse ( تقراي فيها الاشتقاقية و الدوال المعادلات التفاضلية .....
الجبر (algèbre) انا منحبهاش تااااافهة مره كي تحطي راسك فيها
ميكانيك ساهلة خطراكش فيزياء تاع التارمينال
كهرباء ساهلة ثاني بصح كلش جديد و
مقاييس يخصو الاعلام الالي تقراي كيفاش ديري برامج ساهلة ثاني و معاملها كبير structure machine هذا موديل يهببببل خلو خلو ههههه
و كاين مقاييس اخرين كيما اقتصاد و تاريخ العلوم هاذو طلعي بيهم المعدل
و القراية مش كيما بكري مررررره كلش جديد dnc لازم تقراي و ننصحك متدخليش استدراك و لا حبيتي الماستر اخدمي و جيبي معدل عالي في السنة الاولى خطراكش القراية منين رايحة تصعاب و هادي هي ال MI لازم تقرايلها à jour لشتا 30د في النهار متتلقيش روحك و تخلي كلش للكونترول درتها انا و ندمت عليها مقريتش نشوف برك بعينيا و كي وصلو الامتخانات ملقيت منين نلمها كلش ساهل لازملو التطبيق برك dnc مكفانيش الوقت باش نقرى كلش
و سنة الثانية تخيري يا رياضيات يا اعلام الى نتي و واش تحبي و سنة ثانية هي الواعرة و الثالثة تكوني والفتي نوصيك اقراي le cours مليييييح و عاوديه و عاودي الحلول تاع td ما تظلي تخلطي عليك الكتابات ما والو غير واش يعطيولك في الجامعة يكفيك و حاولي تشاركي قد ما تقدري في td خطراكش رايح يعاونك بزاف خاصة سنة اولى و شوفي الحلول تاع الامتحانات لي فاتو باش تعرفي نمط الاسئلة و هذا ما كان و ربي يوفقك ان شاء الله
( تقرير عن مشاركة سيئة )، و الموجودة أسفل كل مشاركة .
2015-07-28, 12:28
العرض العادي
