لمن توجه للطب -ومشتقاته - و المدرسة العليا للاعلام الالي هذا ما ينتظركم

[زكرياء ابن الجزائر]

السلام عليكم إخوواني،
انا اليوم حبيت نقوللكم واش راه يستنى فيكم ، أولا اخواني انا نهدر بشكل منطقي ما نزيد ما نقص ، لكل من يتخيل العالم انه بلون وردي و عصافير تزقزق و خرير مياه من هناك و كل شيئ ملون ، فأنا أقول الله ان الحياة ليست هكذا :] هي العكس تماااااااااااما
هذا الكلام اوجهه لكل من تحصل على معدل مليح و قال نروح لتخصص فيه معدل قبول عالي و هذا فقط لانو تبع الناس ما تبعش صح واش يحب أنا خويا جاب 16 و فهمتوا مليح بالي يخير صح حاجة يحبها حاجة يقدر يتخيل روحو يخدمها من الان و الحمد لله إختار علوم سياسية و رسم خطة حتى التخرج من المدرسة العليا للادارة ان شاء الله ، مع العلم معدل قبول العلوم السياسية حوالي 11 فقط فقططططط ،
الان نعود بالنسبة لاصحاب الطب صديقي السنة الماضية 18.30 ، الفصل الاول ف الطب تحصل على 10 و اعرف اعرف الان تقولوا يهبط ف المعنويات ووو بال بالعكس و الله احضركم فقط حتى لا تتحطموا ف النهاية حتى يجيكم شيئ عادي ف الفصل الثاني بالسيف تحصل على 11.5 و اللحمد لله انا نقوللكم اذا راكم رايحيين بعقلية النقاط الممتازة راح تبكوا تع الصح وجدوا روحكم لنقاط كيما 4/20 و 0.5/20 و الله على ما اقول شهيد اكيد ستتأكدون م هذه المعلومات السنة القادمة و ستتذكرون كلامي ، صديقة اخرى هذه المرة ذهبت صيديلة و انا كنت متأكد و قلتلها انها قامت بالاختيار على اساس معدلها فقط و ليس على اساس ميولها وهاهي الان تعيد السنة ، الثالث الان يدرس ف المدرسة العليا للاعلام الالي ، كان الاول على مستوى شعبة الرياضيات ف مدرستنا لم يستطع حتى اكمال سومستر واحد ف هذه المدرسة أنا اقول لكم اذا لم تحب هذا التخصص حححححب بمعنى الكلمة غير اخطيك لانو راح يعذبك ف النهاية تججوز الاختبارات تتحصل على 2 ف كاش مادة يتم اقصاءك هذه هي مدرسة عليا يخدمو بالنقاط الاقصائية ، وجدوا روحكم مليح لان الان يبدا يبان كلش و الصح كامل يبان كي تبدا حياتك المهنية :] ، و السلام عليكم مبروك للجميع

[وفاء التبسية]

صحيح واش قلت انا العام ليفات كان اصعب عام بالنسبة ليا في المدرسة العليا و كل النقاط تحصلت عليها من 0 الى 13ما كاش فوق
القراية مزيرة ياسر لازم يزيرو رواحهم

[زكرياء ابن الجزائر]

نعم اختي أنا و الله قلت الواقع فقط ، ان شاء الله كاين لي ينجحوا و لكن راح يكونوا قلال السنة الماضية نتوما كثير منكم لم يكمل السومستر الاول !!

[dali rami]

نعم أخي الكريم لانثبط معنويات الناس ولكن هناك أمر ، أي شخص تم إعطاؤه تخصصا أراده ،، فليتحمل عواقب إختياره ، إن كان من أجل الشهرة والبريستيج واضافة dr إلى إسمه ،، كلامك موزون ومنطقي جدا أخي لأنه الكل راه حاسب الأمر نزهة والجنة الموعودة تنتظر فيه
إن كنت اخترت ماتحب عن رغبة فستصل بعيدا وبعيدا جدا ،، أما إن سرت مع تيار المجتمع فعليك السلام

بارك الله فيك أخي

[زكرياء ابن الجزائر]

شكرا لك اخي ، و الله لا اثبط العزيمة بل بالعكس راني نجرب نعطيلهم نظرة هكذا لازم يكونوا بقوة السنة القادمة ، السير مع التيار لا تعلم نهايته ، معك حق !

[asma-forever]

كلامك سليم وصحيح اخي النقاط في الجامعه تختلف اصلا المستوى يبان في الجامعه لان الطالب هو الذي يبحث عن الدرس في بحر من المعلومات ولي يدي نقاط ممتازه ويتفوق فالتفوق الحقيقي في الجامعه وربي يوفقهم مادام بذلوا مجهود في الليسي رايحين يبذلو مجهود في الجامعه بصح يزيرو رواحهم برك

[مولودية العاصمة]

عادي اخي انا في عامي جبت معدل 15 و في الطب راني نجيب نقط احسن بكثير منلي جابو الباك ب 18

ليس كل من تحصل على باك بمعدل كبييييير جدااا سينجح في الطب

[saroko]

انا خلاصة عليا علوم سياسية زعما مليحة ؟

[{ توبة }]

نعم أخي معــك حق
لازم نحطوهم امام الامر الواقع
لازم تنساو امر العلامات المرتفعة
و توقعوا تتحصلوا على علامات اقل من 05
الحمد انا العام الماضي في الصيدلة لم اتحصل على علامات اقل من 10
لكن على كل حال توقعوا كل شيء حتى لا تصدموا
و ستتعودون على الامر فيما بعد

[زكرياء ابن الجزائر]

خويا علوم سياسية باذن الله تنجح و متقولش خلاصت عليا ، و الله غير فيها مستقبل حتى الحقوق هذه اشياء نقولوا عليها عيانة و لكن شوف معايا تخصص علوم سياسية و بعدها تتحصل على الليسانس باذن الله مباشرة سجل ف مسابقة لدخول المدرسة العليا للادارة بعد تخرجك منها ستعمل كإطار ف اي وزارة تحبها بإذن الله خويا راك ف تخصص ممتاز ربي يوفقك ،

[زكرياء ابن الجزائر]

نعم الاخت توبة اكيد انك إجتهدت و حقا قمت باختيار التخصص لي يخرج عليك و الحمد لله مزيدا من النجاح !

[زكرياء ابن الجزائر]

المشاركة الأصلية كتبت بواسطة مولودية العاصمة

عادي اخي انا في عامي جبت معدل 15 و في الطب راني نجيب نقط احسن بكثير منلي جابو الباك ب 18

ليس كل من تحصل على باك بمعدل كبييييير جدااا سينجح في الطب

هذا ما كنت أرمي اليه مثلا ف الإعلام الالي نعرف اشخاص كانوا ف الثانوية 13 و 12 معدل بسبب المواد الادبية و لكن كي تخصص ف الجامعة راهم الان 16 و 17 و يجبيبها بسهولة لانهم ببساطة ميقدرش يحفظ انسان تع فهامة و رياضيات الله غالب هههه

[saroko]

المشاركة الأصلية كتبت بواسطة زكرياء ابن الجزائر

خويا علوم سياسية باذن الله تنجح و متقولش خلاصت عليا ، و الله غير فيها مستقبل حتى الحقوق هذه اشياء نقولوا عليها عيانة و لكن شوف معايا تخصص علوم سياسية و بعدها تتحصل على الليسانس باذن الله مباشرة سجل ف مسابقة لدخول المدرسة العليا للادارة بعد تخرجك منها ستعمل كإطار ف اي وزارة تحبها بإذن الله خويا راك ف تخصص ممتاز ربي يوفقك ،

اوك يعطيك الصحة خويا العزيز

[japoniya romi]

انا هندسة بيوطبية في تلمسان شكون معايا

[زكرياء ابن الجزائر]

good luck guys