الطب من جديد .. عاونوني بارك الله فيكم

[مشتاقة إلى الرحمان]

السلام عليكم و رحمة الله وبركاته
بسم الله

اخوتي اريد ان أشارككم همي علكم تكونون لي البلسم الشافي ، انا درت طب قريت 3 سنوات جبتهم لكن دايما كاين حاجة تقولي انو ماشي مجالي مانقدرش نبدع فيه اصلا مانيش حاسة روحي متحكمة في كمية المعلومات القليلة اللي نقراوها وينك يا نوصل للتطبيق و التوسع و الاتقان بلوكيت هذا العام و عاودت الباك على اساس نبدل الشعبة لكن كيف كيف مازال ضغط الأسرة و المجتمع ماقدرتش نتخلص منو و سببو التخلف اللي رانا عايشين فيه غياب الوعي بشكل كبير انا من وجهة نظري المجتمع تاعنا هذا الوقت يحتاج اللي يوعيه و يخرجو من دوامة المظاهر و السطحية اكثر ما يحتاج للي يداويه يحتاج للي يحيي روحو و نفسو و عقلو اكثر ما يحتاج للي يحيي جسدو انا كنت متأكدة اني قادرة على الابداع في مجالي لكن هاذ ال4 سنوات دمروني تماما نفسيا اصبحت شخص مدمرررررررر كرهت حياتي بمعنى الكلمة و ذرك راني حايرة بين ندير واش راني حابة و نواجه من اجل الفكرة اليي نؤمن بها او ندير رغبتهم و نندم طول حياتي و نتحاسب على نفسي و صحتي لي راهي تضيع .. المشكلة انو جيل ابائنا يقولك تندم كون جيب مليح و ما ديرش طب يقولك ربي يحاسبك عطالك قدرات باش دير طبيب و انت ضيعتهم في مجال اخر تافه راني حايرة كيفاه يخمو مافهمتش تعقدت تاع الصح و عييييييييييييييييييييييييييييييييييييت كون غير ماكنتش نقرا مليح راني في دوامة غير ربي لي عالم بيها نتمنى لي يشوف هذا الموضوع ما ينسانيش بدعوة في ظهر الغيب ربي يفرج علي لأني رح نطرطق و ربي يوفقكم كامل تتقنو و تبدعو واش تحبو لأنو عامل النظافة لي يتقن خدمتو يكون خدم البيئة و الانسان و الحيوان و ساهم في نقص الأمراض و بالتالي راكم شايفين المعادلة وهذا لا يعني اني نقول الطب ماشي مليح بل من المهن الراقية و نحترمو جدااا و نحترم الأطباء و يقراو معاي ناس ما شاء الله و كاين ناس انا نطلع عامي بمعدل اكثر منهم لكن نحترمهم اكثر ما نحترم نفسي في الطب لأني مدركة بلي النقطة ماشي مقياس المقياس هو حب المجال و الابداع فيه و مدى التحكم فيه ..انا ماكرهتش الطب لانو صعيب او مالمظاهر اللي رانا نشوفوهم او او او انا لا ارى و لا اجد نفسي في هذا المجال و مانيش حابة نضيع حياتي في حاجة مانحبهاش حابة نبدع فالمجال لي نلقى روحي فيه لأني حقا ضعت و كرهتتتتتتتت و راني حاسة بلي فقدت الأمل في كل شيء لأنو كان ضغط كبيررررررررر اني نقرا حاجة و مبعد نخدمها وانا مانيش مقتنعة ماكانش توافق بين وش راني ندير و واش راني مقتنعة ماشي ضغط الدراسة لي كرهني لأني يعني ماكنتش مضغوطة فالقراية لدرجة اني نهرب من هذا المجال المهم ان شاء الله تفهموني علابالي هدرتي راهي مخلطة على خاطر راني مقلقة بزاف مازلت ما أكدتش التسجيلات و مازلت مترددة تلفوهالي كاممممممل لي عندو نصيحة او تشجيع او اي كلمة طيبة مايبخلش بيها علي و لي رايح يقولي الطب مليح علابالي بلي مليح انا لي مانلقاش روحي فيه ... المهم ربي يوريلنا الحق و يعينا باش نتبعوه و بارك الله فيكم

[مريم عادل]

ماهو المجال الدي ترين نفسك فيه

[crazy miracle]

اختي نقولك حاجة خليك من القيل و القال كون تبعي واش يقولو و الله متعيشي gاع ~
دير واش تحوسي نتي ~حققي حلمك ~~

[Livrophage]

اختي تمهلي، بشوية ماتتقلقيش. اولا صلي و استخيري و ادعي ربي مايحبلك غير الخير. و ثانيا لما كل هذا التوتر و القلق. تريثي و القي نظرة موضوعية على حالتك بش تقدري تاخدي القرارات الصحيحة. بالتوفيق و صحتك هي الاهم.

[Ambitious man]

وعليكم السلام ورحمة الله وبركاته
لا يمكنني الرد بالتفصيل الان لاني ذاهب
المهم
اقرئي هذا الموضوع لعل يزول عنك القلق والتوتر
https://www.djelfa.info/vb/showthread.php?t=1836610
ثم عندما اعود بعد ساعة او ساعة ونصف ارد بالتفصيل وسترين خيرا بحول الله
المهم حاولي ان لم يزعجك الامر قراءة الموضوع
كوني على يقين ان كل ما تمرين به هو خير لك في دينك ودنياك
بالتوفيق

[Oussagua]

صلاة الإستخارة

و إتكلي على ربي و ديري واش راكي حابة صح نتيا

موفقة

[ام نظال]

عليك بالاستخارة اتمنى لك النجاح

[مشتاقة إلى الرحمان]

المشاركة الأصلية كتبت بواسطة مريم عادل

ماهو المجال الدي ترين نفسك فيه

بارك الله فيك على المرور
انا اميل لحاجتين رغم اختلافهما لكن كاين نقطة تجمعهم .. نميل للعلوم الانسانية و الشرعية و التنمية البشرية و كل ما يدور حولها ... و نميل للرياضيات .. اما الميول الأول مستحيل تنازلت عليه تحت الضغط اما الثاني حابة ندير مدسة عليا اساتذة فالثانوي رياضيات و ان شاء الله يكون بوابة لابداعات اخرى يعني نكمل المشوار فيه لكن التكوين فالمدارس العليا احسن من الجامعات على هايك لي خممت هكذا و مانعرف راهم كرهولي كلش

[مشتاقة إلى الرحمان]

المشاركة الأصلية كتبت بواسطة crazy miracle

اختي نقولك حاجة خليك من القيل و القال كون تبعي واش يقولو و الله متعيشي gاع ~
دير واش تحوسي نتي ~حققي حلمك ~~

بارك الله فيك
لكن احيانا الواحد يكون في حالة ضعف و يحتاج شوووووووووووية تشجيع او على الأقل الناس لي يحبهم و يوثق فيهم يعني اسرتو مايزيدوش عليه

[zaniba]

اختي العزيزة اتمنى ان تجدي حل لمشكلتك لان هذا الموضوع يتعلق بمستقبلكي في راي اظن ان عليك ان تتبعي احلامكي و تتخلي عن هذه المظاهر خاصة و انت لست مقتنعة بها لانك حتى لو اكملتي دراستكي لن تستطيعي ان تبدعي بشيء لم تحبيه

[مشتاقة إلى الرحمان]

المشاركة الأصلية كتبت بواسطة livrophage

اختي تمهلي، بشوية ماتتقلقيش. اولا صلي و استخيري و ادعي ربي مايحبلك غير الخير. و ثانيا لما كل هذا التوتر و القلق. تريثي و القي نظرة موضوعية على حالتك بش تقدري تاخدي القرارات الصحيحة. بالتوفيق و صحتك هي الاهم.

بارك الله فيك .. لم افهم المقصود من النظرة الموضوعية .. لكن ان شاء الله نقدر نتخذ القرار الصحيح

[مشتاقة إلى الرحمان]

المشاركة الأصلية كتبت بواسطة ambitious man

وعليكم السلام ورحمة الله وبركاته
لا يمكنني الرد بالتفصيل الان لاني ذاهب
المهم
اقرئي هذا الموضوع لعل يزول عنك القلق والتوتر
https://www.djelfa.info/vb/showthread.php?t=1836610
ثم عندما اعود بعد ساعة او ساعة ونصف ارد بالتفصيل وسترين خيرا بحول الله
المهم حاولي ان لم يزعجك الامر قراءة الموضوع
كوني على يقين ان كل ما تمرين به هو خير لك في دينك ودنياك
بالتوفيق

بارك الله فيك سأقرأه ان شاء الله و انتظر ردك

[مشتاقة إلى الرحمان]

المشاركة الأصلية كتبت بواسطة oussagua

صلاة الإستخارة

و إتكلي على ربي و ديري واش راكي حابة صح نتيا

موفقة

ان شاء الله
بارك الله فيك

[مشتاقة إلى الرحمان]

المشاركة الأصلية كتبت بواسطة ام نظال

عليك بالاستخارة اتمنى لك النجاح

ان شاء الله اختي ماتنساينيش بدعوة خير و بارك الله فيك

[مشتاقة إلى الرحمان]

المشاركة الأصلية كتبت بواسطة zaniba

اختي العزيزة اتمنى ان تجدي حل لمشكلتك لان هذا الموضوع يتعلق بمستقبلكي في راي اظن ان عليك ان تتبعي احلامكي و تتخلي عن هذه المظاهر خاصة و انت لست مقتنعة بها لانك حتى لو اكملتي دراستكي لن تستطيعي ان تبدعي بشيء لم تحبيه

نعم هذا بالضبط ما انا مقتنعة به .. لكن ضغط العائلة يؤثر في كثيرا خاصة اني في حالة من التوتر .. بارك الله فيك و ادعيلي معاك