إلى بريق الأمل وإلى كل من أعاد البـآكـالوريا هذا العام حر

[لؤلؤة الجزائرية]

السلام عليكم أختــــــي ,,

كيف حـــــــــــــــــــالك ؟

إن شاء الله بخــير ,,

هنيئـآآ لك معدل متفوقـآ , مزيدآ من النجـــآحــآت بحول الله ,,

بصفتــي رآغببه في إعادة البـآكـآلوريـــــآآ مثلك ,, بحـآآجةة مـآآسسه إلى إرشآدآتك ,, فأنا ضحية من ضحـآيـآ التصحيح هذآ لعآآم
من معدل 14 إلى معدل 10 ,,,!!!!! اللهم ألهمنـآ الصـــــبر ,, على سبيل المثـآل إجابـآتي كلها ممتـآزة في العلوم وتفاجئت بـ05.5 في كشف النقـآط

لذلك عزمت على إعادتهـآ و إثبـآت مستواي الحقيقي ,,

أريد توجيهـآ ,, لأخذ أحد القرآرآت ,,

عند الصدمهه !!! أول قرارآتـي ( نبلوكي العام ) لـــكن أهلي ,, ثم صديقتـي نصحوني ومنعونـي من ذلك
نـآصحين لي بأن أكمـل درآستـي الجآمعية باللغات لأنني متمكنة منهم ( ستكن من نصيبي بحول الله في ولايـتي ) , و في نفس الوقت أحضر للبـآكـآلوريــــآ من أجل اثبات مستوآي ؟

رأيكم يهمنــــــي ..
( كررهتتت وأنا نخمم )

أنتظركم ... بفـآرغ الصبر ,,

[بريق الأمل14]

السلام عليكم اختاه
اولا مبارك عليك الباكالوريا مهما كان المعدل فقد اجتزتها ^^


عن اعاادة الباكلوريا انا ادعوكي و ادعو كل من يريد اعادتها ان يصلي استخارة و يسال الله عز و جل
و الله تم والله ان الاعادة صعببة جدا و تتطلب عزيمة و صبر من حديد {و انا لا اريد ان ارهبك بقولي هذا لكني شعرت بالتلميذ الذي يكرر عاما و لكن هذا ليس اي عام انها الباكالوريا }و بحكم اني كنت ممتازة طيلة مسيرتي الدراسية و نجحت ب 14.29 باك 2014 و وقعت ضحية التوجيه فوجهت علوم المادة بسعيدة بعد الطعن و كم ارقني عندما علمت ان ادني معدل لقبولها كان 10.02 ماااذا هل اصبح اصحاب 14 مثل 10 يا الاهي لم احتمل ذلك صدقا كما ان الحرارة التي كانت فيا للاعاادة جعلتني اصر على اعادتها مهما كان الامر
والداي كانا يثقان بقدراتي لذلك طلبا مني مثلما طلب والداك ان اعيدها و ادرس
حقيقة كنت كل يوم ابكي لاني لا اريد ان اعيدها و ادرس اريد ان اتفرغ لها فقط
لذلك بعد دراسة ثلاثي الاول و قبل الامتحان بقليل قررت ان اجمد السنة {و احترم والديا قراري } كانت خطوة جريئة جداا و لكن الحمد لله بدات الدراسة من منتصف حتى اواخر فيفري و كان امر صعبا قليلا {لذا انصحك ان تبدئي من سبتمبر الدراسة هذا مهم جدا لترتاحي في الاخير}
كنت ارى رفيقاتي يستمتعن بوقتهن {يذهبن لتسوق يشاهدن فيلم ....} لكن انا فلا لان عندي باكالوريا و انا متاخرة تعبت نفسيا جداا {كي تجي في خاطرك حاجة ماتقدريش ديريها بويسكو عندك الباك هكا كنت نخمم =( }




المهم رغم اني حفظت مقالة واحدة في الفلسفة او اثنتين و دخلت بهما الا اني تحصلت على 16 و الحمد لله افرحتني نقطتها ههه
و رغم اني دخلت دون مراجعة الفرنسية و الانجليزية الا اني الحمد لله وفقت فيهما قليلا( تخلعت في لونقلي نقاطي دائما ممتازة لاصدم ب 12 =(حسبي ربي فيهم و لفرنسية 14.5)


طوول الوقت و انا ادرس الرياضيات لكن يوم الامتحان لا ادري ماذا حدث لي معليش قدر من الله جبت 13.5
النقطة لي اسعدتني الفيزيااء 18

و انصحك بلعب الرياضة اذا قررتي اعادة الباك انا لم العبها لكنها تضيف لك شيئا من النقاط
العلوم لازم تكوني دقيقة جدا في اختيار المفردات (هي مادة مسقطة =( )
و انا اقول لك لا تحزني من قضاء الله و قدره
و ارى ان اختيارك بالدراسة في ولايتك لمادة تحبينها جميل جدا (انا كنت داخلية لم اقدر) حتى انها تساعدك في اجتياز الامتحان باذن الله
توكلي على الحي الذي لا يموت

و فرحيني بمعدل زين =)


انا طالما كان حلمي الصيدلة اظن اني لن الحقه هاته السنة و لكن احب ايضا الانجليزية لذا سادرسها اظن


دعواتك لي و اي اسئلة انا هنا =)
اختك منال

[عفّة]

حياك الله

قرار جيد الذي طرحه والداك
ربي يوفقك

[محمد الامين 9]

بريق الأمل14
مبرووك عليك
ولهذا انصح الطلبة المقبلين على اختيار الرغبات ان يتجنبو الدخول في دوامة الطعون !

عفة مريم
راكي تشوفي اختي كيفاش 14 وش عطاوها في الطعن
لانه يكون حسب المقاعد البيداغوجية المتبقية فقط - اي حتى لو كان معدل القبول في تخصصات اخرى يكغي .. لكن التخصصات المفتوحة في الطعن تكون في معظم الاحوال غير مرغوب فيها
لهذا ينصح ان يكون الخيار الـ10 في القائمة دوما تخصص متاح و الطالب عنده رغبة بدراسته

----

لؤلؤة الجزائرية

الافضل لك تبلوكي العام
وتعطي كل تركيزك للباكالوريا

لازم تسجلي ف الدروس الخصوصية مع الطلاب المقبلين على الامتحان ..

عندي بزااف صحابي كانو يعاودو الباك و يقرو في الجامعة
بصح مايجيبوش المعدل اللي كانو يتمنوه ..

الجامعة حتى لو كانت بولايتك لكن الذهاب يوميا و العودة في المساء مع شوية تعب - تديلك بزااف وقت

المهم اول شيء سجلي في الجامعة ثم شوفي اذا الحالة مليحة ( يعني ممكن تطلعي فقط يوم او يومين في الاسبوع للجامعة )
اذا كانت خفيفة كملي حتى الامتحان للسداسي الاول و شوفي نقاطك - اذا دخلتي للاستدراك ... الخ
يعني لازمك تعب باش تبلعي فالافضل تبلوكي العام وقتها

واذا بلعتي السداسي الاول .. جيد ممكن توفقي بين دراسة الجامعة و الباك

بالتوفيق لك ان شاء الله

لا تنسي الدعاء و الاستخارة

[kami asr]

السلام عليكم أختي
أنا عاودت الباك حرة هاد العام
وقريت في الشبه الطبي المعهد العالي يعني بشهادة البكالوريا
وكنت نحضر للباك بصح تحصلت على معدل
مطابق للمعدل الأول كان عليا الضغط بزاف
بصح كانت وحدة تاني نعرفها معايا فالباراميديكال
عاودت الباك حرة وجابتو بمعدل 15 لكن كانت تغيب
بزاف و ماتحظرش الامتحانات وكأنها بلوكات العام
كانت تحضر غير للباك والحمد لله نالت تعبها
وننصحك اذا كنت متيقنة أنك قادرة على التفوق
بلوكي لعام تاعك وتفرغي للباك برك.... كاينين بزاف
بنات نعرفهم عاودو الباك احرار وبلوكاو لعام
وجابو نتائج أحسن من العام الماضي
وكاين الي هبطو فالمعدل وكاين الي بقاو في نفس
المعدل كيما أنا ههه بصح نكمل قرايتي وونعاود الباك هاهاها
في الأخير الخيار راه عندك ( أهل مكة أدرى بشعابها )
صلي صلاة الإستخارة و توكلي على ربي
أتمنى لك حظا أحسن بكثير من حظي
بالتوفيق

[matrixofptc19]

كي تلوكي العام والله تكرهي من القعاد فالدار والله روجي للجامعة واقراي حاجة ساهلة وعا نهاية العام ولي ماتروحيش خلاص نورمال
بالتوفيق

[syliasmine]

انا عاودت الباك وقعدت في الدار و جازو ايام وين كرهت حياتي و مبعد دخلت ندير لي كور في الرياضيات و الحمد لله جبتو و راني منتقلة لسنة 2 طب و الوقت يجوز يجري ما تحسيش بيه , و مبعد قنغت زميلتي تعاودو لانها تحصلت على 13 و عاوداتو و جابت 16.22 و رايحة دير الحلم تعها طب اسنان و ربي يوفقكم

[لؤلؤة الجزائرية]

يــــــــــــا إلاهــي ,,

مي أنــا علآببـآلي بروووحيي نكرره من القعاد تع الدآآر

[zahra la reine]

المشاركة الأصلية كتبت بواسطة kami asr

السلام عليكم أختي
أنا عاودت الباك حرة هاد العام
وقريت في الشبه الطبي المعهد العالي يعني بشهادة البكالوريا
وكنت نحضر للباك بصح تحصلت على معدل
مطابق للمعدل الأول كان عليا الضغط بزاف
بصح كانت وحدة تاني نعرفها معايا فالباراميديكال
عاودت الباك حرة وجابتو بمعدل 15 لكن كانت تغيب
بزاف و ماتحظرش الامتحانات وكأنها بلوكات العام
كانت تحضر غير للباك والحمد لله نالت تعبها
وننصحك اذا كنت متيقنة أنك قادرة على التفوق
بلوكي لعام تاعك وتفرغي للباك برك.... كاينين بزاف
بنات نعرفهم عاودو الباك احرار وبلوكاو لعام
وجابو نتائج أحسن من العام الماضي
وكاين الي هبطو فالمعدل وكاين الي بقاو في نفس
المعدل كيما أنا ههه بصح نكمل قرايتي وونعاود الباك هاهاها
في الأخير الخيار راه عندك ( أهل مكة أدرى بشعابها )
صلي صلاة الإستخارة و توكلي على ربي
أتمنى لك حظا أحسن بكثير من حظي
بالتوفيق

يااااااااا سبحااااان الله و كأنه تروين في قصتي أنا هذا العام .... يا أختي هل الدراسة في الشبه الطبي لولاية الجزائر يخلوكم تغيبوااا ياسر ... أريد التواصل معك ....

[Livrophage]

انا هذا العام درت انجليزية و عاودت و الحمد لله من 14،61 الى 15،67. لكن العام كان مرهق و التوفيق بين شيءين صعب. في السداسي الثاني طلقته شويا و ركزت على الباك و الحفظ. و طبعا الدروس الخصوصية من اول السنة عند اساتذة مختلفين على العام السابق. لازم تكوني منظمة و حاطة هدفك بين عينيك. شحال من مرة نفشل و لكن الحمد لله نعاود نوض. موفقة حبيبتي، الصح هو ماتفشليش برك.

[لؤلؤة الجزائرية]

شكــــــــــــرآآ لردودكم ,,

إلى بريق الأمل ,,

رح تكملي تقراي انجليزية مدرسة عليا ؟ و أي ولاية ؟؟

[مدمنة دراسة]

السلام عليكم
انا نحكيلك تجربة عن زميل جوز الباك معايا 2014 جاب 14 مقدرش يدير رغبتو اللي هي الطب اختار المدرسة التحضيرية علوم و تقنيات و لم يجمد السنة و طلع العام 14 و في نفس الوقت اعاد البكالوريا 2015 و تحصل على 16.35 و لم يخسر شيء
يعني اول شي لازم تكون عندك ارادة و عزيمة فولاذية اما بالنسبة لتجميد السنة فهذا يعود الى قدرتك على التوفيق بين الاثنين
بالتوفيق

[المُـسْتَحِيـلْ]

كملتي قرايتك أحسن لك وعاودي الباك

نعرف جماعة قراو رياضيات وجابو الباك ب 13 بلوكاو العام وعقبوا العلوم وجابو 13 ثاني ودارو مدرسة عليا متوسط وعقبو الباك ثاني

وجابو السنة 15 شعبة علوم ..

أنا جايب الباك في عام 2012 بعثوني بيطرة فاتني وقت التحويلات بلوكيت العام وعقبت حر جبت 9.20 و الله ما قريت ثاني

وراني العام الجاي سنة 3 بيولوجيا وراح نكمل ان شاء الله ومعول ندير باك حر ..

توكلي على الله

[mouradbibou]

شوفو لي واثق من قدراتو ننصحو يحبس الجامعة ويعاود ... انا تقني رياضي نجحت العام ليفات 2014 ب 12.41 وجهوني mi بولايتي ... جمدت العام وقررت نعاود هاذ العام 2015 نجحت ب16.04 كنت نقرى غير رياضيات وفيزياء ...لم اتعب اطلاقا في الدراسة..والله محفظت لا اجتماعيات لا فلسفة (ديت 4.5)و الفرنسية و الانجليزية مقريتهمش من وقت الرابعة المتوسط بصح عندي مستوى جيد ..الشريعة قريتها الاسبوع الاخير مع شوية مراجعة ادب عربي.. لمهم لي حاب يجيب مليح في الباك ننصحو يجمد العام و ان شاء الله ربي يفوقو و يصحولو مليح ..
ملاحظة : طريقة الاجابة عندها دور كبير في التصحيح حاول تتعلم من الاجابات النموذجية ونهار الامتحان كون واثق بلي تقدر تجاوب علا كلش
والله ولي التوفيق

[mouradbibou]

ايه نسيت اضافة .... على الاقل 10 من اصدقائي من جميع الشعب جمدو وعاودو معايا هاذ العام ...اغلبهم تحصلو على +15 .. علما ان معدلاتهم العام ليفات كانت 12 و 13 ... وكاين لمعندهمش الزهر مطلعوش ياسر في المعدل يعني في خدود نقطة (من 13.22 الى 14.58) ... وكاين لي هبطو (من 13 الى 10) ... المهم صلي صلاة استخارة ... واتوكل على ربي .. ولي فيها خير تلحق