قلبي و عقلي

أثيلة · 2015-08-24, 09:35

ياقلبي أخطيك وسمع ليا أنا لمحاين هذو بزاف عليا ،مادريت هو يحبني ولا يتمسخر بيا ، لي يهمني أنا كرهت من لعذاب لي راه ينخر فيا، هذو يامات وليالي ماشاف النوف عينيا نبات سهرانة نخمم فيه و هو مش سامع بيا، لازم نفك العلاقة لي رابطة فيا ونخليك تبعد عليه بالاك الهم يرضى بيا

ياعقلي أنا هو هو زينو ملكني ملي شافتو عينيا حبيتو وماننساه حتى تطل الموت عليا
، ياعقلي فهم عليا أنا راني مغروم و لغرام راه يكبر شوية شوية حبو سيطر عليا تجاهلني محاني ماخلى والو فيا

ياقلبي ريح شوية نعرفك بزاف كثر ماتعرف عليا أنا نصيحتي نخلوه يروح تبعني وماتخافش ياك راك معايا

ياعقلي نعرفك حاكم و من الحكام الكبار علاه ماحابش تفهمني وتخليني نبقى مع هواه أنا حياتي بلا بيه ظلام و اسمو مكتوب في كل غرام ، لوكان تقطعني طراف طراف محال نسمح في عينيا ، أنا رايي عطيتو نتمنى تفهمني وتكون معايا

ياقلبي خاطيني الأحاسيس نعرف نخمم ونعطي الرأي الصواب بعد تفكير قلتلك خليه نترجاك اسمع ليا أنا مانتمنالك غير لخير و أنت علابالك بيا