انا في مشكلة

[مشكلتي]

السلام عليكم
انا راني نتخبط في مشكل يا ريت تساعدوني
انا فتاة مخطوبة و عاقدة و عرسي ورا رمضان باقل من شهر
المشكل انو خطيبي تعرض لموقف لا يحسد عليه و قادر يدخل للحبس
علابالي تحبو تفهمو المشكل باش تعرفو ادا خطيبي من النوع الدي يفتعل المشاكل ام لا
انا نقولكم لا لا ملي عرفتو جامي صرالو مشكل هادي اول مرة
جا واحد الانسان حدا دارهم يعمر الماء و من بعد هبطو اطفال صغار يعمرو الماء و من بعد الراجل ليعمر الماء بدا يسب و يعيط على الدراري الصغار خطيبي كان حداهم قالو ماشي كميا هكدا و من بعد الراجل بدا يعيط و يسب و يطيح لخيطبي و من بعد خطيبي راح باش يهدر معاه الراجل ركب فب الكاميون نتاعو و مشا و هو مازالو يسب و من كثرة انفعال خطيبي لوح عليه حجرة كسرة زجاج الكاميون و الان خطيبي حاصال جاتو كونفوكاسيون للدار تقول بلي كسر الزجاج و زاد ابليسا الراجل
مع العلم ان الراجل من دوي السوابق العدلية اي مجرم
من فضلكم او ارجوكم راني حاصلة و خطيبي قالي نحاسبك بربي منحكيش لداركم راهم يكرهوني
والان عرسي قريب و خطيبي قد يدخل السجن و كل شيء واجد للعرس
واش نقدر و الا واش هي لطريقة الصحيحة لتقدر تنجي خطيبي من هدا الموقف