جاوبوني الله يجازيكم الخير :(

[sousou_90]

السلام عليكم اخواتي
لدي سؤال الله يخليكم عطوني الاجابة
هل يجوز للزوج ان لا يتكلم مع زوجته لاكتر من خمسة عشر يوم ?
شكرا و جزاكم الله خيرا

[زينب 83]

حبيبتي اذا الزوجة اخطأت مع زوجها و فرطت في حق من حقوقه ، فيجوز له هجرها في البيت تأديبا لها

[نور الهدى 809]

سبب يفسر لماذا وانتي ماحاولتيش تكسري حاجز بينكم

[sousou_90]

كي ناد زوجي يصرخ رحت بلعت النافدة باش الجوارين ما يسمعوش الصراخ ايا جا عندي قلي ماكان ماداخلك

[ام عبدو و ملاك]

يا اختي واش نقلك مرة انت و مرة هو وحاولي انت تهدري معاه و فهميه و علاه درتي هكداك و بالشوية برك تتحل ان شاء الله و ربي يدوم هناكم

[sonia32]

لقد مررت بهذه المشكلة لكن مع مرور الوقت تعلمت كيف اتعامل مع هذا الوضع احيانا الزوج يغضب من اشياء تافهة بسبب الضغوطات في العمل لذلك المراة يجب عليها حتى وان كانت تهين نفسها لكن في الاخير هي الفائزة نصيحتي لك اختي العزيزة هي لا يجب عليك ان تتركي المساحة بينك وبين زوجك اذا لم يتكلم هو بادري انت بالكلام حتى وان رفض

[*نآدرة~]

لا تتركي الفجوة بينك وبين زوجك،،كل المتزوجات يقلن هذا"اياك أن يتعلم البعد عنك"لأنه سوف يتعود وأنت الخاسرة طبعا

دوسي على كرامتك ان كنت تتمنعين من الاقتراب منه بسببها فلا كرامة في الحب ولا كرامة بين الزوجين،،أرسلي له رسالة قصيرة توددي اليه أخبريه بانك اشتقت له ولكلامه معك،،حاولي أن تقولي له أنها كانت مجرد شيء تافه ولم تكن سببا ليغضب منك كل هذا الغضب،،ذكريه انه جنتك وان غضب منك عشت في جحيم

سيكلمك كوني مطمئنة

ربي يهنيكم ويريح بالكم ويصلح مابيناتكم،،كوني ذكية وما تخليهش يبعد عليك

[sousou_90]

شكرا اخواتي على كل الاجابات و الله يجازيكم الخير و كيما عاونتوني و نصحتوني ربي يعاونكم انشاء الله
و ربي يخليكم دعولي

[hibaterrahmene]

ربي يهنيكم نصيحة من أخت متزوجة ماتفرطيش فراجلك وعلابالك الرجالة وضغوطاتهم حاولي تتقربي ليه وتنسيه في الموضوع...

[papino]

نقولك الصح 15 يوم راكي درتي غلطة كبيرة الراجل صح نفسو عزيزة و شنو ناكدلك روحي توددي له حاولي تمازحيه نحيلو الزعاف ليه ليه راح يولي و طبعا الدعاء اختي ادعي ربي بزاف .

[ام سيرين 84]

بصح يااخواتي العزيزات ماشي كل الازواج كيفكيف كاين زوج يتفهم المرأة و يحس بيها و كاين ازواجربي يهديهم قاسيين بزاف كيمازوجي انا راني عانيت منه الامرين مايحسش بي خلاص يخمم غير مع روحو مايشوفش فيا لاراني عيانا من الخدمة نخدم برا و نروح مع الاولاد و الشغل و الله عييت و هو نحسو ماهو يدير في والو وكي نتزاعفوا حتى و هو اللي يظلم عمروا مايهدر معايا كون نقعد شهر ميهدرش معايا عتى نعفس على قلبي و نهدر معاه انا و الله غير عييييييييييييييييييييييييييييييييييت

[sonia32]

المشاركة الأصلية كتبت بواسطة ام سيرين 84

بصح يااخواتي العزيزات ماشي كل الازواج كيفكيف كاين زوج يتفهم المرأة و يحس بيها و كاين ازواجربي يهديهم قاسيين بزاف كيمازوجي انا راني عانيت منه الامرين مايحسش بي خلاص يخمم غير مع روحو مايشوفش فيا لاراني عيانا من الخدمة نخدم برا و نروح مع الاولاد و الشغل و الله عييت و هو نحسو ماهو يدير في والو وكي نتزاعفوا حتى و هو اللي يظلم عمروا مايهدر معايا كون نقعد شهر ميهدرش معايا عتى نعفس على قلبي و نهدر معاه انا و الله غير عييييييييييييييييييييييييييييييييييت

مشكلتك هي مشكلتي بالذات ربي يهديهم

[sousou_90]

الى كل الاخوات الي ردو علي ونصحوني و دعولي بالخير نتمنالهم السعادة الزوجية والهناء والصحة بغيت انصالحه و لكن ملرضاش وهو ما معاهش الحوار انه خشين نتمنى ربي يهريه لي ولكل وحدة مغبونة ان شاء الله و هدا الشهر المبارك امين و متنسونيش بالدعاء الصالح

[صمت الرجوله]

المشاركة الأصلية كتبت بواسطة ام سيرين 84

كيمازوجي انا راني عانيت منه الامرين مايحسش بي خلاص يخمم غير مع روحو مايشوفش فيا لاراني عيانا من الخدمة نخدم برا و نروح مع الاولاد و الشغل

ربي يهديكم تمنشروا في رجالاتكم على الهواء مباشرة
و الله راكم صعاب يا معشر النساء

[funkypunky]

لا حول ولا قوة إلا بالله الناس كي تهبل مكاش مروءة