التكوين المهني عن طريق التمهين والسورسي

[خير الدين_17]

هل للطالب في التكوين المهني عن طريق التمهين الحق في شهادة التأجيل علما انه يدرس يوما واحد في مركز التكوين المهني اما بقية الايام فيتربص في احد الادارات .......................

[just do it]

نعم تستطيع لانك تلك شهادة تسجيل بشرطين
تش تكون دروس خصوصية لا غي باه تتعلم بلا ميمدولك شهادة
يعني لازم تكن تسمى متربص مثلا كيما وحد ميكانيك وويقرى غي نهار و يخدم الاسبوع يعني من حق التاجيل
الشرط الثاني وهو المهم
انك متكنش طيحت النيفو
مثلا انت كنت سابقا داير سورسي بشهادة تسجيل تع الجامعة لكان تديلهم تع التكوين فهي مرفوضة لان التكوين اصلا تدخله بالترمينال وولي ولانها شهادة اقل من المستوى الي سجلت بيه سابقا يعني لازم تجيب ماستر ولا مجستر دكتورة وطلع
اما تولي للتالي غي متشقاش
الخلاصة اذا كنت جامي درت السوسري ولا كنت ديرها بنيفو ترمينال وولي رح دفعلهم
اذا كنت دايره بالجامعة ياو لوكان غي سنة اولى متقدرش

[karim175]

كيما قالك الاخ لازم ماتكونش هابطت النيفو مثلا درت سورسي من قبل يشهادة مدرسية من الجامعة

[خير الدين_17]

شكرا على التوضيحات ........الحالة اللي نسأل عليها لقريب لي وهو مستوى نهائيى وجامي دار سورسي من قبل لكن التكوين لي راح يسجل فيه مطلوب مستوى 4 متوسط على الاقل....وهو مستوى نهائي هل هذا يعتبر نزل المستوى ام لا علما انها المرة الاولى لي راح يطلب فيها سورسي

[just do it]

المهم هو وش راه مديكلاري عندهم
يعني فهذ الحالة هو جامي دار سوسري يعني عندهم راهو بلا نيفو يقدر يدير السورسي فهذ الحالة عادي
لكن كاينا حاجة
هذ السنين راه هناك اتصال بين وزارة التربية ووزارة التعليم العالي وبين وزارة الدفاع يعني قادر يكون م افيشي عندهم
لانو شحال من واحد خاصة الجامعيين انا عندي وحد صاحبي
جامي مشا عندهم ولا دار سورسي نهار كمل بحوالي عام جاتو لوردابال وبرتبة ضابط
هو نشالله يمشي على ربي مدامو مدار حتى سورسي ومن تما يكون الخير ان شاء الله

[خير الدين_17]

شكرااااااا جزيلا

[عبدو 90]

على حسب علمي تقدر ان شاء الله