ساعدوني أرجوكم

[مشكلتي]

صح رمضانكم وتقبل الله منا ومنكم
أنافتاة أبلغ من العمر 27 عاما متخرجة وأعمل في العقود أعيش مع أمي وأخي لأن أمي مطلقة وهي تعمل كذلك وانتم تعلمون ما هي معاناة امرأة لوحدها لقد مررنا بظروف سيئة مازالت تؤثر فيا لحد الآن ولكن الحمدلله على كل حال المهم.......
هناك شاب حاب يخطبني لاباس عليه خدام مصلي ولكن فيه حاجة أنو مش زين في شكلو واسمحولي على هدا التعبير .
من جهتي انا حسيت براحة اتجاهو ولكني انا في حيرة كي نشوف اقاربي وازواجهم ونعمل مقارنات ..........
جامي تحطيت في هدا الموقف صدقوني هو انسان مليح او راني حابة نعيطيه فرصة اونعطي لروحي فرصة على بالكم بلي أنا مانيش صغيرة والوقت يجري . مانيش حابة نرفض.......
هل هدا الموضوع يأثرفيا بعد الزواج مثلا ولا لا يولي عادي .........
راني خايفة مانيش حابة ندمرحياتي انا عقليتي شوية صعيبة ممكن من تراكمات الماضي ولا مانعرف .انا مانيش حابة نقعد وحدي في المستقبل
نحوس نعرف كاش فتيات مرو بنفس الموقف يدبرو عني ارجوكم وضحولي الامور ممكن انا ماهيش واضحتلي

[لحن الحياة.]

انا مريت بتجربتك و خدام في حاسي مسعود و رفضت لانو مش زين و ندمت لي رفضت
بصح الفرق بيناتنا اني ما رتحتش قلبي تقرص منو و انتي كي ارتحتي غمضي عينيك و اقبلي ما تعرفي الخير وين


نصيحة اقبلي
..
.
.

[الصديق قروف]

شوفي نفسك اذا تغضي بصرك
يعني مثل متتفرجيش افلام تركية لان نفسك تصبح لاتقتنع بشكل زوجك
و اذا كنتي تغضين بصرك فسترين زوجك او خطيبك اجمل شخص لانك لاتقارنيه مع اي شخص
هذا رايي

[مجرّد إنسان]

قد ترفضين ذلك الشاب لأنه ليس جميلا وقد ترفضه فتيات أخريات لنفس السبب فيأتي المسكين إلى هذا القسم ويكتب : مشكلتي هي أنّني كلّما تقدمت لخطبة فتاة رفضتني لأنّني لست جميلا في خِلقتي مع أنّني شاب خلوق ومتدين وعامل فما هو ذنبي ؟

نصيحتي لك أيّتها الكريمة هي : عسى أن تكرهوا شيء ويجعل الله فيه خيرا كثيرا
وتذكري أنّ المعيار الذي يتمّ به اختيار الرجل هو : إذا جائكم من ترضون دينه وخُلُقَهُ فزوّجوه

[amira mira0097]

ya okheti zain mabna byout kima y9olo nass zman w ziid rabi sobhano 9al man tardawna dinaho w kholou9aho ana nans7ak tkhami b3a9ela psk hadi machi haja ltkhalik mat9bliich sali istikhara w rabi ywafa9 nchlh

[meriem algerie]

اذا قبلت و قذف الله في قلبك حبه فسوف ترينه اجمل مخلوق على سطح الارض
الموضوع هو انك تحبين اخلاقه وشخصيته هذا هو الاساس
واربطي ذلك مع المواقف التي تجري معنا في حياتنا اليومية
يعني اذا ارتحت لفتاة او صديقة رأيتها من اجمل خلق الله كيما نقولو بالعامية حلوة ، يعني ان جمالها الداخلي طغى على جمال الشكل
بالنسبة لي هذا هو مبدئي في هذه الحياة
مختصر القول صلي صلاة الاستخارة وتوكلي على الله ورب ييسر امورك ان شاء الله

[خالد عنابي2]

هذه ليست مشكلة اصلا لكي تطرحيها هنا

ثم كل واحد واش يخرج عليه منقدروش ندبرو عليك

نصيحتي في هذا النوع من القضايا لا تسالي الناس لان كل واحد يبدا يفتي ويحب يحقق ذاتو من خلال مشكلتك وعلى حسابك

القرار بيدك وانتي سيدة نفسك

الزواج قرار مصيري والرجل رح تبقاي معاه على الاغلب كامل حياتك مالا خممي مليح وصلي صلاة الاستخارة

[nesrinwarda]

السلام عليكم ورحمة الله وبركاته
معرفتش واش نقولك، الجمال هو جمال الروح

[aya2007]

الإخوة وفاو وكفاو

[mo7manel]

يااختي راني حاسا بيك وصح هاد الشيئ يبان لناس بزاف امر عادي مي لوكان يتحطو في بلاصتك يحصلو تاني .خممي مليح وربي يعينك

[youcef_99]

المشاركة الأصلية كتبت بواسطة مجرّد إنسان

قد ترفضين ذلك الشاب لأنه ليس جميلا وقد ترفضه فتياة أخريات لنفس السبب فيأتي المسكين إلى هذا القسم ويكتب : مشكلتي هي أنّني كلّما تقدمت لخطبة فتاة رفضتني لأنّني لست جميلا في خِلقتي مع أنّني شاب خلوق ومتدين وعامل فما هو ذنبي ؟

نصيحتي لك أيّتها الكريمة هي : عسى أن تكرهوا شيء ويجعل الله فيه خيرا كثيرا
وتذكري أنّ المعيار الذي يتمّ به اختيار الرجل هو : إذا جائكم من ترضون دينه وخُلُقَهُ فزوّجوه

Respect

[محمد جديدي التبسي]

ينبغي ان يكون هناك تقبل لشكل ومظهر الرجل أيضا وإلا لم شُرعت النظرة الشرعية
لكن عليك أن لا تغالي في ذلك وتركزي عليه لأنك قد تتزوجين أجمل الرجال ويتعرض لحادث يتشوه وجهو ببراس تاع القهوة تطلبي الطلاق مثلا؟!
ربي يفتح عليك استخيري وادعي

[أم أنفال 80]

نصيحتي لك أن تصلي صلاة الاستخارة

[أم شروفة]

الجمال في الاخلاق غير وافقي .راح تتعودي عليه ويصبح اجمل من مهند في عينيك

[semsouma93]

[size="اانصحك ان تتخدي القرار قبل اي خطوة رسمبة لان نفس قصتك حدت مع ابنة عمتي خطبها شخص قمة في االا خلاق حامل لكتاب الله لم يعجبها شكلا لكن الكل اصر على انه شخص لا يرفض لا علينا وافقت وتمت خطبتها لكن والله نكدت على الراجل حياتو توصلت تحسد زوجة اخيهاكون اخوها جميل لكن شاء القدر وانهت العلاقة لكن قبل 15 عشر يوم من العرس ضيعت للراجل وقتو برك وربي يسهللك اختي حاجة ماش ساهلة[/size]